اعترافات مراهقةمدمنةزبدة فول سودانى

اعترافات بنت مراهقة مدمنة زبدة فول سودانى وغريبة الاطوار

ملك بطلة القصة كانها مراهقة امريكية بكل مواصفاتها ورقتها وتحررها وملابسها وجمالها ومياصتها وحتى لهجتها الامريكية غاوية طول القصة تاكل زبدة فول سودانى وتشرب كاكاو باللبن

يوسف ابن عمها

احمد استاذها فى الجامعة – الشبح

اخته نرمين الشبح

عمهم عصام

تيدى صديق اجنبى لملك وبيحبها ومن ضمن عشاقها الاربعة مع احمد

وجاسيكا اخت تيدى

روز وجونى اصدقاء جاسيكا وروز بتحب تيدى

ميرا البنت اللى بتحب يوسف بس عرفت انه بيحب ملك

الفصل الأول 1

ملك بصويت : انتَ مين ؟؟

احمد : أنتِ اللي مين ؟

ملك : نعم يا رو"ح ماما انتَ اللي في غرفتي و علي سريري .

احمد فتح عينه بهدوء و بص حواليه : اه صحيح انا فين بصي مش مهم انا هكمل نومي و لما اصحي هبقا افهم .

ملك سحبت البطانيه من عليه : بقولك ايه يلا اصحي و فهمني انتَ جيت هنا ازاي .

فجاه باب الغرفة خبط .

امير اخو ملك : يلا يا بنتي هتتاخري علي الكليه .

احمد بص لملك : ينهار ابيض انا كمان هتاخر علي الكليه .

ملك : انتَ عايز تمشي من غير ما تقولي انتَ مين و دخلت هنا ازاي ؛ لاء ده في خيالك يا حبيبي .

احمد : انا لازم اروح الكليه بسرعه هبقي افهمك بعدين ؛ صحيح ابقي البسي الفستان الاحمر ده بياكل منك حته .

احمد نط من الشباك اه أصل الشباك عند الأرض علي طول أصل ملك ساكنه في الدور الأول .

ملك دخلت لبست لان النهارده اول يوم دراسي في الكليه أصل ملك في سنه أولي كليه ملك خرجت من الأوضه سلمت علي بباها و مامتها و خرجت مع ابن عمها اللي كان مستنيها تحت البيت علشان يوصلها .

يوسف ( ابن عم ملك ) : ايه يا بنتي التأخير ده أنتِ عمرك ما كنتي متأخره كده .

ملك : مافيش .

ملك و يوسف ركبوا العربيه و طلعوا علي الكليه ملك و يوسف دخلوا نفس القسم كمان .

ملك : ايه ده انتَ ماشي ورايا ليه .

يوسف : انا داخل القسم بتاعي .

ملك : انتَ بتهزر صح .

يوسف : لاء بجد .

ملك : يابني انا كبرت مينفعش الاهتمام الزياده ده .

يوسف : انا اصلا مش داخل علشانك انا دخل علشان بحب المواد هنا .

ملك : والـلهِ .

يوسف طلع لسانوا لملك : أيون .
[Image: 😜]

ملك و يوسف دخلوا و قعدوا جنب بعض و ملك سرحت في اللي حصل الصبح فجاه يوسف بص لملك و قال : ايه الهزار التقيل ده .

ملك : في ايه .

يوسف : جايبين دكتور صغير في السن انا كنت فاكر نفسي هبقي احلي واحد في الدفعه بس برضوا انا حلو .

ملك رفعت عنيها علي الدكتور بهدوء و اتصدمت أن الدكتور ده هو احمد اللي كان في غرفتها الصبح .

ملك بصوت عالي : ين"هار اس"ود .

يوسف بصوت هادئ : ايه يا بنتي الفضيحه دي .

الدكتور لف وشوا بهدوء : اطلعي بره .

ملك : بس ....

الدكتور : مفيش بس اطلعي بره .

ملك طلعت و يوسف استأذن و طلع وراها .

يوسف : في ايه .

ملك : مفيش .

يوسف : ملك انتِ عمرك ما خبيتي عني حاجه .

ملك : ما انا بقولك مفيش حاجه .

يوسف : براحتك تعالي ناكل .

ملك : يلا .

يوسف : صحيح عمي و مرات عمي مسافرين انهارده و امير هيبات عند صحبوا .

ملك : ايه ده هما مقلوليش ليه .

يوسف : علشان انتي صحيتي متأخر .

ملك : طب انا هعمل ايه .

يوسف : هتروحي عادي جدا و لو اي حاجه حصلت هتكلميني .

ملك : ماشي .

اليوم خلص و يوسف وصل ملك البيت ؛ ملك لقت الشقه فاضيه حرفيا .

يوسف : انا هروح اجبلك اكل و هاجي .

ملك : ماشي . اهم حاجة هاتلي برطمان زبدة فول سوداني

يوسف: ايوه طبعا عمري ما انسى ده الادمان بتاعك

ملك: مش عاجبك ولا ايه

يوسف: عاجبني طبعا كل يوم عمالة تاكلي في زبدة فول سوداني وتشربي في كاكاو باللبن

جريت ملك وراه

يوسف خرج يجري و ملك فضلت في البيت مره واحده الباب خبط .

ملك : يا بني انتَ لحقت و بصت من العين السحريه و اتفجأت بالدكتور هو اللي علي باب الشقه

الفصل الثاني 2

ملك : يا بني انتَ لحقت و بصت من العين السحريه و اتفجأت بالدكتور هو اللي علي باب الشقه .

ملك راحت ناحيه الباب اكتر .

ملك : مين .

الدكتور : انا استاذ احمد جاركوا .

ملك : انهي جار .

الدكتور : اللي في الشقه اللي فوقك .

ملك : انا عمري ما شوفتك قبل كده .

الدكتور : لاء انا اعرف أهل حضرتك و هما يعرفوني .

ملك : طب انت عايز ايه .

الدكتور : وانا بلم الغسيل وقع مني حاجه عندك ممكن تديهاني .

ملك فتحت الباب بهدوء وكل اللي شاغل تفكيرها هو ازاي متكلمش عن الصبح خالص ؛ اللي قطع تفكيرها الدكتور و هو بيقول : يا انسه ممكن تجيبي الحاجه .

ملك خرجت من شرودها : متدخل تجبها لنفسك يا بابا انا مش الخدامه بتاعتك .

احمد بصلها باستحقار : طب وسعي كده .

ملك بتريقه عادت كلاموا : طب وسعي كده( نيني نيني).

احمد دخل و بعد ملك عن الباب و دخل جاب الحاجه بتاعتوا .

احمد بص لملك باستحقار : لو مكنتش اعرف اهلك كنت ظنيت فيكي ظن وحش .

واللي قلطعهم دخول يوسف .

يوسف : ايه اللي حصل فتحه الباب ليه يا بنتي .

فجاه يوسف وقف بزهول وأيده علي وشوا من الصدمه : الدكتور أحمد هنا بنفسوا .

ملك : فيه ايه يا عم انت مش المفروض تقتلوا و تقتلني علشان هو عندي في البيت لوحدنا .

يوسف ضحك جامد : انتي فاكره أن الدكتور أحمد القمر ده ممكن يبوصلك .

ملك : اعدل كده يلا .

يوسف : اششش اسكتي ؛ حضرتك عايز تشرب ايه .

ملك : انت هتستضيفوا في بيتي .

يوسف : انا حر .

ملك : اطلع بره انت و هو بسرعه .

احمد و يوسف : بسسسس .

ملك زقتهم هما الاتنين بره البيت و قفلت الباب .

يوسف بدأ يخبط علي الباب : افتحي يا ملك هقول لعموا و طنط .

ملك : خفت ياض خفت اعمل اللي انت عايزوا .

يوسف : طنط و عموا هيسافروا اكتر من اسبوع فأنا مش هاجي تاني لو مفتحتيش .

ملك : انا اصلا مش محتجاك .

ملك دخلت الاوضه علشان تنام و فضلت تفكر في الدكتور الغريب ده لحد اما راحت في النوم ملك نامت صحيت اتفجأت .

ملك : ينها"رك اس"ود انتَ هنا تاني ليه .

احمد فتح عينوا : سبيني في حالي بقي عايز انام .

ملك : اصحي يا رو"ح ماما بدل اما ازعلك .

احمد : ايه ده انتي مين .

ملك : بقولك ايه انا زهقت من السؤال ده أنا مش هسيبك إلا لو قولتلي انت بتدخل هنا ازاي .

احمد بص علي الساعه : ينهار ابيض انا هروح الجامعه .

ملك مسكتوا من القميص : مش هسيبك المرادي بجد مش هسيبك .

احمد : ممكن تبعدي .

ملك : لاء إلا لو قولتلي انت بتجي عن ازاي .

احمد بعد ملك بهدوء انا هقولك ؛ ملك بعدت و راح احمد نط من الشباك .

ملك خرجت و هي مش طايقه نفسها و لقت يوسف علي باب الشقه .

ملك : انت بتعمل ايه هنا .

يوسف : كنت خايف عليكي ففضلت هنا علشان اتطمن .

ملك بصوت واطي : الحم"ار ده قاعد هنا و مشفهوش وهو بيدخل .

يوسف : في ايه .

ملك : مفيش يلا بينا .

يوسف : يلا ملك و يوسف طلعوا علي الجامعه .

ملك دخلت و قعدت و فجاه لقت احمد هو الدكتور النهارده تاني ملك بصت بهدوء و قالت : انا مش فاهمه ايه الق"رف ده هو هنا تاني لي ده اصلا دكتور مق"رف .

ملك لقت كلوا بيبص عليها .

ملك : في ايه .

يوسف بضحك : ملك ...

الفصل الثالث 3

ملك لقت كلوا بيبص عليها .

ملك : في ايه .

يوسف بضحك : ملك المايك اللي وراكي شغال .

ملك خبت وشها بسرعه لان كلوا قال أن الدكتور داخل .

الدكتور احمد : في ايه يا جماعه ايه الصوت ده .

الكل سكت بسرعه و قعدوا بهدؤ الدكتور بدأ يشرح و كلوا مركز مع شرحه كويس ما عدا ملك اللي بقت دائما مركزه مع جمالوا و شياكتوا و كمان بتفكر هو ازاي كل مره بيدخل الأوضه بتاعتها من غير ما تحس اللي قاطع شرودها صوت الدكتور .

احمد : انتي اللي قاعده ورا .

كلوا بداء يبص علي بعضوا .

احمد : انتي اللي لابسه تيشرت كشمير .

ملك بصت علي التيشيرت بتاعها و قالت بهدوء : مين ده اللي لابس نفس لون التيشيرت .

احمد : لاء انا مش قصدي علي حد تاني انا قصدي عليكي .

ملك قامت وقفت : ا..أن...انا .

احمد : اه انتي انا كنت بقول ايه .

ملك : م....م.....

احمد : انتي بتمأمئ ليه .

ملك اتكسفت و كلوا بدأ يضحك .

احمد بصوت عالي : كلوا يسكت و انتي اطلعي بره استنيني و سيبي الكرنيه بتاع الجامعه بتاعتك .

ملك : بس .

احمد : اطلعي بره .

ملك اخدت بعضها و طلعت و لقت يوسف خارج وراها علطول .

يوسف : مالك مبقتيش مركزه ليه دايما .

ملك : مفيش .

يوسف : انجزي .

ملك بنرفزه : مش قولتلك مفيش .

يوسف : اهدي بقي و كفايه نرفزه و احكي .

ملك : انا جعانه .

يوسف : انتي مبتشبعيش .

ملك : ايون انا مأكلتش امبارح .

يوسف : يلا بينا .

يوسف و ملك أكلوا و يوسف وصلها تحت البيت واول اما وصلوا .

يوسف : هتقدري تنامي لوحدك .

ملك : اه متخافش يسطا انا ارجل منك .

يوسف : متلمي نفسك بقي .

ملك طلعت لسانها : يلا سمو عليكوا .
[Image: 😜]

يوسف : سلام .

ملك طلعت البيت و قررت تفضل صاحيه طول الليل علشان تعرف احمد بيدخل منين .

ملك : انا هعملي كوبايه نسكافيه قد الب"قره كده علشان اسهر طول الليل .

و زي ما كلنا عارفين و اي بنت مصريه اصيله عارفه مع اول كوبايه نسكافيه و اتقتلت زي البق"ره بالظبط
[Image: 😂]

ملك صحيت الصبح و حست بحاجه غريبه و حست بالم غريب جدا في جسمها كلوا كان جسمها مكسر .

ملك بصت جنبها و اتفجأت ...........

Bonus track _ جزء زياده مني ليكوا

ملك و يوسف دخلوا المطعم .

يوسف : عايزه تقعدي فين .

ملك : في اي حته .

يوسف : القمر هو اللي يختار .

ملك : ايه يلا قولتلك مبحبش التلزيق اللي انت فيه ده .

يوسف بهدوء مسطنع : طيب ها عايزه تقعدي فين .

ملك : تعالي نقعد هنا جنب الشباك .

يوسف سبق ملك علشان الترابيزه و شد الكرسي و قعدها و زق الكرسي .

ملك : ايه الجمال ده مالك انهارده .

يوسف : بصراحه انا عايز اقولك حاجه .

ملك : قول .

يوسف سكت .

ملك : في ايه !!! عملت مصيبه ايه ما انت بتتوتر كده لو في مصيبه بس .

يوسف : هقولك بعد اما النتيجه تطلع .

ملك : نتيجه ايه .

يوسف : فاكره البرنامج اللي انا اشتركت فيه .

ملك : اههه بتاع الرسم .

يوسف : اه النتيجه هتطلع النهارده و هنعرفها سوي انهارده .

ملك : يس انت اكيد المركز الاول .

يوسف : انشاء الـلـه .

يوسف وملك بدؤا يتكلموا .

في وسط الكلام يوسف قال : ملك صحيح انت بتحبي حد .

ملك بتوتر : ا.......ايه .

يوسف : اصلي حسك متغيره .

ملك : ل.لا.لاء لاء لاء مفيش حد .

يوسف : بجد .

ملك : بصراحه انا مش عارفه بس لو حبيت حد انت اول حد هقولوا .

يوسف : اشمعني
[Image: 🤔]

.

ملك : لانك اخويا .

يوسف : بس انا مش اخوكي بجد .

ملك : لاء احنا متربيين سوا فأنت اخويا و اظن أننا هنفضل اخوات دائما .

يوسف بنرفزه : بس انا مش اخوكي .

ملك : في ايه يسطا ما تعدل كده هو علشان انا كنت محترمه معاك تعلي صوتك و بعدين ركز النتيجه هتظهر .

يوسف و ملك ركزوا لقوا أن يوسف المركز الاول .

فضلوا يضحكوا و فرحانين و نسيوا كل اللي حصل .

الفصل الرابع 4

ملك صحيت الصبح و حست بحاجه غريبه و حست بالم غريب جدا في جسمها كلوا كان جسمها مكسر .

ملك بصت جنبها و اتفجأت بأن احمد نايم جنبها بس المرادي شكلوا غريب اوي .

ملك : انت هنا تاني قوم يلا قوم .

بس مفيش اي رده فعل .

ملك بدأت تعلي صوتها اكتر : قوم يلا قوم .

بس لسه مفيش اي رده فعل .

ملك لاول مره حطت ايديها علي رئس احمد و اتفجأت انوا سخن جدا ملك بدأت تلمس أيدوا و رجلوا و هو سخن اووي اووي .

ملك : ي"نهار ابي"ض انا هقوم اطلب دكتور .

ملك لسه هتخرج لقت احمد مسك ايديها بتعب .

احمد بصوت واطي : ارجوكي افضلي جنبي متمشيش .

ملك بصت في عينوا اتفجأت من هدوأوا و شكلوا الوسيم ملك فاقت من شرودها .

ملك : خلاص حاضر انا هقوم اجبلك مياه ساقعه .

ملك قامت و بصت لاحمد : هو انا بصراحه مش بفهم في الطب بس ممكن اساعدك .

في المطبخ :

ملك : اعمل ايه انا دلوقتي .

ملك فتحت التلاجه و جابت زجاجه مياه ساقعه و فضتها في طبق كبير اوي و جابت حته قماش جديده و خرجت .

في الاوضه :

ملك دخلت و قعدت و جابت حته القماش و بدأت تمسح علي جسم احمد و احمد بدأء يصدر صوت الم .

ملك : هو انا بوجعك .

احمد بصوت هادئ : رجلي وجعاني جدا .

ملك : فين بالظبط
[Image: 🤔]

احمد نزل أيدوا و لمس الجزء اللي وجعوا ( اخر رجلوا تحت )

ملك حطت ايدها علي رجلوا لقت رجلوا سخنه جدا .

ملك : ايه ده و حطت ايديها علي الجزء .

احمد بصوت خافت : اه اه اه اه .

ملك : مش قولتلك لازم تجيب دكتور .

احمد : انا مش عايز دكتور .

ملك : ليه .

احمد مردش .

ملك زهقت منوا قررت تفتح جوجل يمكن تلاقي حل للسخنيه دي .

ملك بدأت تتبع كل اللي مكتوب .

اول حاجه فردت جسموا كويس علي السرير بعد كده حاولت تشربوا مياه و فعلا نجحت ؛ بس اول اما جت تديلوا الدواء مش عارفه ابدا اخر اما زهقت جابت سرنجه و ملتها مياه و حطتها في بوقوا غصب
[Image: 😂]

و شربتوا الدواء

ملك : هو انت ليه عامل زي الاطـفـال .

احمد بصوت طفولي : انا مش بحب الدواء .

ملك ضحكت : انت شكلك بجد طـفـل .

احمد اخد الأسبرين و يكاد اغمي عليه ؛ نام بعمق .

ملك فضلت تمسح جسموا بالحته الساقعه لحد اما حست بتعب ملك سابت حته القماش و بصت علي ملامح احمد .

ملك : هو ازاي في إنسان حلو اوي كده .

و ملك فجاه نامت و محستش بنفسها .

عند يوسف :

يوسف افتكر اللي حصل امبارح و ان ملك مش شيفاه اكتر من اخ .

يوسف اتصل بواحده صحبتوا .

يوسف : الو يا ميرا .

ميرا : الو يابني لسه فاكر .

يوسف : تعالي نتقابل .

ميرا : فين ؟ و ليه ؟؟

يوسف : محتاج اتكلم معاكي .

ميرا : في ايه يابني قلقتني ؟

يوسف : لما نتقابل هقولك .

ميرا : هنتقابل فين ؟

يوسف : في النادي .

ميرا : طب جاهزه هنزل علطول .

عند ميرا :

ميرا : يا تري ايه اللي حصل .

ميرا اتصلت بصحبتها البيست

ميرا : الو .

صحبتها : الو .

ميرا : انا انهارده هقابل يوسف .

صحبتها : بجد .

ميرا : اه و هقولوا .

صحبتها : ابقي قوليلي عملتي ايه .

ميرا : حاضر انا هلبس بس علشان انزل .

صحبتها : تمام باي خودي بوسه
[Image: 💋]

.

ميرا :
[Image: 💋]

[Image: 💋]

.

بعد مرور ٤ ساعات

عند ملك و احمد :

ملك صحت علي ايد بتداري اشعه الشمس عنها ؛ ملك بصت لفوق لقت احمد حاططت أيدوا علشان اشعه الشمس متدايقهاش .

ملك اتعدلت و بصت لاحمد : انت كويس و بخير ؟ الحمدلـلـه انك بخير ؛ الا صحيح انت بقيت تقدر تتحرك ؟ انت ازاي تعبت كده ؟ قولي يا بني بسرعه ؟

احمد : هجاوب علي ده كلوا ازاي .

ملك : اه صحيح .

اللي قاطعهم أن الباب خبط .

ملك : هو انت مستني حد .

احمد : لاء ؛ استني كده ده بيتك اصلا .

ملك : صحيح .

ملك قامت بخوف : ملك مين ؟

يوسف : انا افتحي .

ملك : في ايه .

يوسف بنرفزه : بقولك افتحي .

ملك : مش قولتلك متتنرفزش عليا تاني .

يوسف بنرفزه : ملك انا عرفت أن في حد عندك افتحي بسرعه .

ملك : ايه ايه ............

Bonus track جزء مني ليكوا

في النادي :

يوسف : ازيك .

ميرا : ازيك عامل ايه .

يوسف : الحمدلـلـه انا عايز اتكلم معاكي .

ميرا بسعاده : مش لما ناكل الاول .

يوسف : لاء انا عايز اقولك حاجه .

ميرا : وانا كمان .

يوسف : قولي .

ميرا بسعاده : لاء قول انت الاول .

ميرا في عقلها : اخيرا هيقولها .

يوسف : انا عملت اللي انتي قولتيلي عليه .

ميرا : قصدك ايه .

يوسف : حاولت اعترف للي انا بحبها .

ميرا وشها اصفر : ايه اعترفت لمين .

يوسف : حاولت المح لملك .

ميرا اتخضت : لحظه بس هو انت كنت بتحب ملك .

يوسف : اه كنت بحبها بس للاسف باين انها بتحب واحد تاني .

ميرا بخوف : ايه ايه يوسف انا لازم امشي .

يوسف : بس انا لسه محتاج اتكلم معاكي ؛ عايزك تقوليلي اخليها تحبني ازاي .

ميرا : انا ماشيه سلام .

يوسف : طب ابقي كلميني لما تروحي .

ميرا اخدت شنطتها : طب ماشي سلام .

ميرا مشيت و قفت علي النيل .

ميرا : الو .

صاحبتها : الو عملتي ايه .

ميرا بعياط : عملت ايه ؛ انتي عارفه ايه اللي حصل .

صاحبتها : ايه ايه اللي حصل .

ميرا : يوسف بيحب ملك .

صاحبتها : طب معلشي طب انتي هتسكتي علي كده .

ميرا : اومال اعمل ايه أجبروا يعني .

صاحبتها : بوصي انا عارفه مصيبه عن ملك .

ميرا بتشوق : ايه !!!! قولي بسرعه .

صاحبتها : ...

الفصل الخامس 5

يوسف بنرفزه : ملك انا عرفت أن في حد عندك افتحي بسرعه .

ملك : ايه ايه .

ملك دخلت بسرعه علشان تصحي احمد .

ملك : قوم بسرعه .

ملك قالت كده و هي بتشد اللحاف من عليه .

احمد بتوتر : في ايه في ايه .

ملك : يوسف عارف انك هنا ؛ انت لسه هتسال قوم يسطا .

احمد : انا مش قادر اقوم .

ملك : وعامل نفسك كل مره سلاحف نينجا و بتنط من الشباك قوم نط بقي يلا .

احمد قام بتعب لما بدا الباب يخبط أكثر ؛ احمد نط من الشباك و خرج و راح علي السلم ملك خرجت جري و فتحت الباب .

يوسف دخل بقوه : مين عندك مين عندك .

ملك : دور براحتك مفيش حد عندي .

يوسف دخل كل الاوض بجنون و ملقاش حاجه .

يوسف : هو فين ابن ال*** ده .

ملك : لو سمحت احترم نفسك قولتلك مفيش حد .

يوسف رفع كل الملايات حرفيا و فتح كل الدواليب و بيدور فيها .

يوسف بنرفزه : خبتيه فين ؟؟؟؟

ملك بزعيق : قلتلك مفيش حد .

يوسف : يا بنت ال*** يا ميرا .

ملك : اففف بقي دخلت ميرا في الموضوع تاني قولتلك البت دي مش سالكه .

يوسف : ملك قولي الحقيقه مكنش في حد هنا .

ملك : قولتلك لاء بقي انت قرفتني .

يوسف لسا هيخرج سمع صوت رجولي جي من وراه .

احمد : ايه في ايه يا جماعه صوتكوا جايب اخر الشارع .

يوسف : مافيش .

احمد : انا زي اخوك قول .

ملك : انتوا الاتنين بتدخلوا البيت بتاعي بدون استأذان و اهلي مش موجودين اطلعوا بره .

احمد : ممكن تهدي يا انسه و تفهموني في ايه .

ملك : الباشا كان فاكر في راجل عندي في البيت .

احمد : لاء حد الـلـه الانسه ملك محترمه جدا و عمرها ما عملت حاجه من كده .

يوسف : حضرتك شايفها كل يوم دخلت حد قبل كده .

احمد : ابدا .

ملك في نفسها : الحمدلـلـه الحمدلـلـه ؛ بس هو انا ليه حاسه في كلاموا انوا مش فاكر انوا كان عندي هو اللي انا بشوفوا ده شبح ولا ايه
[Image: 🤔]

[Image: 🤔]

ملك : ممكن تمشوا بقي .

ملك بدإت تزق يوسف و احمد بره البيت بهدوء و اغلقت الباب وراهم .

ملك دخلت لبست علشان تلحق الجامعه مع انها كانت تعبانه جدا و حاسه انها عندها دور برد قوي ؛ ملك لبست و نزلت بس ملقتش يوسف تحت فاتصلت بيه .

ملك : الو يا يوسف .

يوسف : الو .

ملك : مجتش ليه .

يوسف : مش هاجي انا هقابل حد .

ملك : طب انا هروح الجامعه .

يوسف : براحتك بس خلي بالك من نفسك .

ملك ركبت اوبر و جالها مكالمه .

ملك : الو يا حبيبتى انتوا فين .

مامت ملك : احنا في جنوب افريقيا .

ملك : بتعملوا ايه .

مامت ملك : الاطـفـال هناك محتاجين رعايه هناك في مجاعات كتير اوي .

ملك : ربـنـا معاكوا فين بابا .

الاب : الو يا حبيبتى عامله ايه .

ملك : الحمدلـلـه .

السواق : وصلنا يا انسه .

ملك : أنا اسفه انا هقفل لاني عند الجامعه خلاص .

الاب : ايه ده هو فين يوسف .

ملك : الاستاذ قال اني عندي راجل في الشقه و جه دور و ملقاش حاجه و طلع بيتهمني بسبب البت البارده اللي اسمها ميرا دي الهانم قالتلوا اني كل يوم عندي راجل في البيت .

الاب : ايه العبيط ده معلشي يا بنتي هو خايف عليكي صحيح اخوكي سافر العين السخنه مع اصحابوا فخلي بالك من نفسك .

ملك : متخفش انت مربي راجل .

الاب : ماشي يا حبيبتي و خلي بالك من صحتك لحسن صوتك غريب .

ملك : باي
[Image: 💋]

[Image: 💋]

[Image: 💋]

.

ملك دخلت الجامعه و فجاه حست انها دايخه و دخلت المحاضره عادي جدا بس مكنتش قادره خالص .

احمد : انتي يا انسه .

كلوا بدأ يبص لبعضوا .

احمد : اللي لابسه فستان احمر .

ملك : انا زهقت بقي ؛ نعم يا باشا .

احمد : باشا اسمي دكتور ؛ المهم انتي تمام .

ملك : اه تمام .

احمد : طب اطلعي اشرحي لزمايلك ده .

ملك : حاضر .

اول اما ملك وصلت لحد البروجيكتور محستش بنفسها و اغمي عليها .

احمد : انسه انسه .

الطلبه كلهم اتخضوا بس احمد مفكرش وساب كل حاجتوا و اخدها و خرج بيها من القاعه بس اخد مفتاح العربيه و كمان التليفون ؛ احمد راح بيها علي اقرب مستشفي .

في المشفي :

احمد دخل بيها بزعيق و خبط علي كل حيطه .

احمد بزعيق : حد يلحقها .

الدكتور اخد ملك منوا و دخلها الاوضه بتاعت الطوارئ .

بعد مرور ساعه خرج الدكتور .

الدكتور : حضرتك تقربلها .

احمد : اه انا مرتبط بيها .

الدكتور : الاستاذه كانت تعبانه اوي من الصبح و قست علي نفسها لحد اما اغمي عليها بسبب فقر الدم .

احمد : طب انا اقدر اخودها .

الدكتور : اه طبعا بس هي لسه نايمه و كمان مش هتقدر تتحرك انهارده و لازم حد يعتني بيها كويس جدا .

احمد : مش مشكله .

احمد اخد ملك علي البيت بتاعوا و حطها علي السرير .

احمد بدموع : انا اسف والـلـه انا السبب انا السبب .

ملك فاقت : انا فين أنا فين .

احمد : اغمي عليكي و انا اخدتك المستشفي بس انتي تمام الحمدلـلـه .

ملك : انا لازم اروح .

احمد : مش هتقدري .

ملك فعلا حاولت تقوم بس مقدرتش .

احمد : ممكن تفضلي مكانك انا ههتم بيكي زي ما اهتميتي بيا امبارح .

ملك : انا عايزه اروح مينفعش افضل هنا .

احمد : بس .

ملك قطعت الكلام بنرفزه : قلت عايزه اروح .

احمد جه جنب ملك و شالها و نزل بيها لحد شقتها و دخلها الاوضه و قعدها علي السرير .

ملك : انت ممكن تمشي .

احمد : لاء انا هفضل معاكي انتي اكيد جعانه .

ملك : لاء .

بس بطنها قالت العكس طلع صوت من بطنها يدل علي الجوع .

احمد ابتسم : انا هطبخلك .

ملك : شكرا .