Note: You can change font size, font face, and turn on dark mode by clicking the "A" icon tab in the Story Info Box.
You can temporarily switch back to a Classic Literotica® experience during our ongoing public Beta testing. Please consider leaving feedback on issues you experience or suggest improvements.
Click hereرواية احببنا عمياء واحبتنا
الفصل الأول 1
_ أنا مش شايفه ليه!
"سكوت"
_اي حد يرد عليا أنا بكلمكو
بردو مبتردوش
هو مش مفروض اني لما أشيل الرباط من ع عنيا اشوف اي الضلمه دي بقي
.......
_ماما انتي ساكته ليه قوليلي العمليه فشلت صح ؟
اسماء أنا عارفه انك موجوده ردي عليا قولي اي حاجه أنا مش هزعل صدقوني بس اتكلمو
"بعد مرور يومين"
___________
_انا عارفه انك راضيه بقضاء ربـنـا يابنتي بس مينفعش اللي انتي عماله ف نفسك عيطي ياقلب امك عيطي متسكتيش
_اعيط! وعايزاني اعيط ليه
_علشان مش يجرالك حاجه ياحبيبتي دانتي من وقت ماجينا من المستشفي وانتي ساكته
_ههههه بس أنا مش عايزه اعيط ياماما أنا كويسه متقلقيش
_تعالي يااسماء اتكلمي مع اختك اصل انا تعبت خلاص
_بقولكو اي انتو الاتنين عايزين انتو تعيطو اطلعو بره الاوضه وعيطو
:سيبيها براحتها ياماما متديقهاش أنا عارفه اختي قويه ومفيش حاجه تقدر تأثر فيها
_قلب اختك انتي قوليلها
صحيح ياماما كل اما اجبلك سيرة احمد بتسكتي يابتغيري الموضوع هو كويس
_بصراحه
_بصراحه اي ماتتكلمي دانا بقالي يومين خارجه من المستشفي ومجاليش حتي
_قوليلها انتي يااسماء
_اقول اي أنا طالعه اتفرج ع التفزيون
_انتو بتشقطوني لبعض ولا اي ماتتكلمي ياماما
_بصراحه يابنتي احمد لما عرف خبر فشل العمليه بعت وقال كل شئ نصيب
_ههههههههه بجد ههههههه
_حرام عليكي بقي الي بتعمليه ف نفسك ابوس ايدك كفايه ضحك
_سابني طيب مكنش يتقل شويه دانا كنت بفكر ازاي هقولو أننا مينفعش نكمل مع بعض ع الأقل كان هيبقي شكلو شيك شويه
_متزعليش نفسك ياحبيبتي بكره يجيلك اللي احسن منو دا طلع معندوش اصل
_متقوليش عليه كدا ياماما اي حد ف الدنيا ميرضاش يتجوز واحده مبتشوفش
وبعدين بكرا اي بقي ماخلاص مبقاش فيه بكرا
_انتي ازاي بدافعي عنو أنا لو ابني عمل كد.....
_اسكتي ياماما بعد اذنك ولا أقولك أنا خارجه اتفرج ع التفزيون مع اسماء مش هي خرجت بردو
_اه ياحبيبتي اختك خرجت خدي معاكي العصايه وانتي طالعه
_انا قولتلك كام مره أنا مش همسك الزفته دي
_خلاص حقك عليا متتعصبيش استني اسندك طيب
_مش عايزه حد يسندني أنا بعرف امشي لوحدي
_____________________
_اي الي خرجك من الاوضه ي ملاك مقولتيش ليه اجي اسندك
_حتي انتي يااسماء ع فكره أنا بعرف أسند نفسي قولت كام مره متحسونيش اني عاجزه
_طب خلاص حقك عليا تعالي اقعدي جمبي
_فيلم اي داه أنا سمعت الصوت داه قبل كدا هما عملو الجزء التاني من فيلم سندريلا
_ها لا مش هو اساسا مفيش حاجه حلوه ف التلفزيون
_هو مبقاش فيه صوت ليه انتي قفلتي التلفزيون
_مفهوش حاجه حلوه قولت اقفلو
_بس أن........
_اسماء تعاليلي عايزاكي
_حاضر ياماما جايه هكلم ماما واجيلك ياكوكي
_ايوا ياماما
_انا خارجه ياحبيبتي في مشوار لازم اروحو ضروري ومش هتأخر خلي بالك من اختك يااسماء اوعي عينك تغفل عنها
_متقلقيش ياماما كل حاجه هتبقي تمام
__________
_كوكي ماما خرجت وجايه بسرعه هنرخم ع بعضنا بقي شويه
_مش رايقالك أنا
_اخص عليكي يابطه دانا اختك حبيبتك
_بقولك مش......
_معلش ثواني الموبايل بيرن هطلع البلكونه ارد واجيلك تاني
_طيب
(دخلت اوضتها لبست ونزلت من غير ماتقول لأختها)
_اسماء اسماء
_نعم ياماما
_اختك فين
_انا سبتها هنا يلهووي
_نهارك مش فايت سبتي اختك فين قوليلي
_اهدي ياماما هلاقيها هتروح فين يعني أنا ملحقتش أتأخر عليها
_استرها يااارب منك لـلـه يااسماء أنا قولت مش لازم اخرج قلبي كان مقبوض
_اهدي ياماما بقي متوترنيش هنلقيها قولتلك
أنا مكملتش ساعه بتكلم ف البلكونه
_ساعه بتتكلمي ف الموبايل وسيبتي اختك ساعه ياجزمه أنا الغلط عندي
________________
_بقالك فتره قاعده هنا وبتبصي للسما لفت انتباهي انك لابسه نضاره والشمس مش طالعه
اقلعي النضاره علشان تعرفي تتفرجي ع السما
_حتي لو قلعتها مش هعرف اتفرج
(قرب ايدو من وشها متحركتش عرف انها مبتشوفش)
_انا اسف
_عادي ولا يهمك ع فكره انا كمان فضوليه
_مش محتاجه مساعده طيب
_لا أنا كويسه ممكن اعرف حضرتك مين
_انا واقف ف السوبر ماركت اللي انتي قاعده قدامو
_انا اسفه مخدتش بالي أنا مسدقت لقيت مكان مفهوش زحمه اقعد فيه
_وبتتأسفي ليه هو أنا قولتلك حاجه
مين معاكي؟
_مفيش حد أنا بعرف اخد بالي من نفسي
_ياسلام ع الثقه
_......
_تعرفي أنها هتمطر
_بجد هتمطر
_بتحبي المطر
_......
_بسألك بتحبي المطر!
_ها اه بحبو
_حلو الابيض عليكي
_هو أنا لابسه ابيض
_لابسه فستان ابيض جميل وهادي جدا
_فستان ابيض ! بس أنا معنديش فستان ابيض
_هو تقريباً فستان لمناسبه كتب كتاب خطوبه
_اي دااه معقوله لبستو أنا معرفش أنا لبست اي
_اهدي اهدي شكلو حلو اوي
(بص لايدها شاف الدبله)
انتي مخطوبه؟
_بتسأل ليه
_في دبله ف ايدك
_(ضحكت بسخريه ) نسيت اقلعها
_انتي فركشتي
_حاجه زي كدا تعرف الفستان اللي لابساه داه فستان كتب الكتاب كان مفروض أنو بعد شهر
_انا اسف مقصدش افكرك
_.......
_بتسكتي كتير
انتي محتاجه الدبله ف حاجه
_لا
_طب اقلعيها
_ها حاضر
_شكلي هحب اللي سابك داه
_........
_ تعرفي إن والدتي بتدرولي ع عروسه وانا دايما اقولها اهم حاجه شعرها يبقي طويل بس اول مره اعرف أن الشعر القصير جميل كدا.
_(اتكسفت)
_(ابتسم) دلوقتي تقولي اني برخم عليكي
_لا مش هقول ممكن طلب
_اكيد
_اوصفلي شكل السما
_بصي ياستي انتي فوقك بالظبط سحابه غامقه جدا شكلها مرعب
_ازاي والسحاب عمرو ماكان شكلو مرعب
_مانا جايلك ف الكلام اهو السحابه المرعبه دي بمجرد ما المايه تنزل منها وتمطر هترجع زرقا وجميله تاني والشمس هتنور من وسطها
_اها
_انتي بتشبيهها
_أنا
_ايوا بتشبيها صوتك مخنوق من العياط ليه مبتعيطيش
_بس أنا مش عايزه اعيط
_مش يمكن عايزه بس خايفه يقولو عليكي ضعيفه
_.........
_سكتي تاني اقولك خدي الجاكيت داه (وقام حاتط الجاكيت ع رأسها وغطاها بيه)
خليكي جوه وعيطي براحتك أنا مخبيكي
_(عيطت كأنها من سنين معيطتش عيطت لدرجة أن صوت عياطها كان سمعو )
_انتي ياأنسه أنا عايزه اشوف الشمس بقي هنفضل نعيط كتير ولا اي
_...…...
_طب ع فكره انا معايا شوكولاته بس مش هديها الا للشطار اللي بيسمعو الكلام
(شالت الجاكيت وابتسمت)
_اخيرا الشمس طلعت والسحابه الزرقا نورت
_بجد
_انا بتكلم عن السحابه الجميله اللي قدامي
_مش فاهمه
_مش لازم تفهمي افتحلك الشكولاته
_هفتحها لوحدي
_انتي ليه رافضه اي مساعده
_مش عايزه اتعود ع كدا أنا بخاف من الضلمه ولازم اتعود عليها
_مش هقولك ممكن انورلك حياتك بس اسمحيلي اقعد معاكي ف الضلمه
_........
_يمكن لما اقعد معاكي تحسي بالأمان
_ومين هيحب يقعد ف الضلمه!
_لما نكون اتنين مش هنحس بالعتمه
_.......
_سكتي تاني
_في صوت حلو أنا سمعاه
_صوت اي
_صوت قطرات المايه وهي بتخبط ف الأرض بتمطر صح !
_ههههه اه بتمطر
_امال ليه مفيش مايه جت عليا
_علشان فوقك سقف البلكونه
_عايزه تلمسي المطر
هاتي ايدك
_......
_هاتي ايدك متخفيش
_(مدت أيدها واول لما صوابعها لمستو شدت أيدها بسرعه ) لا خلاص مش عايزه المس المايه
_(شدها غصب عنها ووقفها تحت المطره )
اسف بقي متزعليش
(ابتسمت وحطت أيدها تحت المايه وهو واقف يبص ليها قالها )
متأكدة انك بشر حاسس انك ملاك
_تعرف أن اسمي ملا...
حمزة ياحمزة
_ثواني هرد ع صاحبي وارجعلك اقعدي مكانك تاني
_طيب
_حضرتك قاعده هنا وامك هتموت من الخضه عليكي
_مين اسماء
_ايوا زفته انتي مجنونه ازاي تنزلي من غير ماتعرفي حد
_انا مش قولت بلاش تحسسوني اني عاجزه
_قومي خلينا نمشي وتكمل كلامنا ف البيت امك زمانها هتموت
_هقوم بس بشرط
_انتي كمان هتتشرطي
_خلاص مش قايمه
_قولي عايزه اي انجزي
_تعرفي المكان اللي احنا فيه دلوقتي احفظي العنوان بتاعو
_ليه
_علشان هتجبيني كل فتره اقعد هنا
_حاضر يازفته قومي يلا حرام عليكي الدنيا برد وانتي خارجه بفستان خفيف
___________
(خلص كلام مع صاحبو وخرج يشوفها ملقهاش )
_مشيتي دانتي حتي مقولتليش اسمك اي
بس اكيد هنتقابل تاني
عمري ماسدقت إن فيه حب من اول لقاء بس دلوقتي شكلي حبيت
الفصل الثاني 2
"ملاك وأسماء وصلو البيت"
"والدتها جريت عليها بلهفه وكانت بتعيط "
_انتي كويسه فيكي حاجه جرالك حاجه حد زعلك
_اهدي ياماما أنا كويسه
_أهدى عايزاني اهدى كدا عادي انتي عارفه إنتي بتعملي اي ولا انتي لسه مفقوتيش من تأثير البنج
_ماما لو سمحتي قولتلك أنا مش صغيره
_ايوا انتي مش صغيره بس أنتي عاجزه عارفه يعني ايه يعني انتي مينفعش تتحركي خطوه واحده لوحدك
"ملاك عيطت من كلام والدتها وجريت ع أوضتها"
اسماء: ماما اي الي انتي بتقولي داه راعي مشاعرها حتى
_اختك لازم تفوق علشان مضعش من ايدي لازم تعيش الحقيقه وتفهم أنها عميا
_انتي كلامك بقى جارح اوي ع فكره سيبيها تعمل الي هي عايزاه مش كفايه الي حصلها انتي فاكره فراق احمد ليها سهل أنا متأكده أن فراق احمد بالنسبالها اقوي من أنها خسرت نظرها
_يعني اسبها تضيع نفسها انتي شايفه كدا
_لا ياماما مقولتش كدا بس بلاش تقولي قدامها الكلام داه تاني وبعدين ياستي أنا هاخد بالي منها بعد كدا
_انا غلطنالك انتي وهي يااسماء اعملو الي انتو عايزينو ماهو ابوكي لو كان عايش مكنش دا حصل
_ياماما....
_ ولا كلمه تاني أنا داخله اوضتي
"ملاك كانت ف اوضتها وسامعه كل كلامهم"
اسماء راحتلها "
احم
_عايزه اي انتي كمان
_متزعليش من ماما انتي عارفه انها خايفه عليكي
_مش زعلانه هي كل كلمه قالتها صح أنا عميا وعاجزه ولازم اخد بالي بعد كدا
_هش شش بطلي انت ست البنات بس قوليلي اي سر المكان الي كنتي قاعده فيه ها
_مفيش سر ولا حاجه المكان كان هادي وحسيت فيه براحه مش عايزه توديني متودنيش
_هو أنا قولت حاجه اي شغل القفش داه
_قومي اطلعي بره وسيبيني انام
_عيله بارده حاضر ياختي نامي
"حطت راسها ع المخده وأفتكرت كلامه ليها وابتسمت ونامت"
_______$$
"ف بيت حمزة"
_رجع من الشغل وقاعد سرحان ومبتسم
والدته: اي الانشكاح داه من زمان مشوفتكش مبسوط كدا
_خطفت قلبي ياماما
_هي مين ياواد
_حاجه كدا شبه الملاك
_لا متقولش حمزة ابني اخيرا حب ولقى البنت الي عايزها
_ ضحكتها ياماما ضحكتها كأنها شمس بتنور
_لا دانت حالتك صعبه المهم مضيعهاش من ايدك واطلبها للجواز ع طول أنا نفسي افرح بيكي بقى
_لو شوفتها تاني هكلمها ف موضوع الجواز داه
_نعم لو شوفتها تاني هو انت اصلا متعرفهاش
_لا دانا شوفتها صدفه
"راحت راميه المخده عليه" قومي ياواد من هنا وانا الي خلاص بفكر ف أسامي احفادي جتك وكسه
_ااه اي ياست الكل بس زعلتي ليه أنا متأكد اني هشوفها
_واي اللي خلاك متأكد كدا
_قلبي ياماما قلبي
_طب بطل محن وقوم نام بلا وكسه
_ههههه متزوقيش طاااه
_____$$
"نهار يوم جديد"
اسماء :كوكي قومي كفايه نوم
_النهار لسه مطلعش
_احنا الضهر ياهانم
_بس أنا عندي مش شايفه النهار أنا عندي لسه قليل
"اسماء حست بكسرة نفس علشانها"
_تعالي اخرجك علشان تعرفي النهارد طلع ولا لا
_هتوديني فين
_المكان الي لقيتك فيه امبارح اي رأيك
_تعرفي أنا خايفه اكون بعلق نفسي وخلاص
_مش فاهمه
_احسن بردو قومي يلا جهزي الفطار
"والدتها دخلت "
_لسه زعلانه مني
_حد يزعل من مامته يعني
_انا من خوفي عليكي قولت كدا
_وانا اسفه اني قلقتك عليا "وحضنتها"
"اختها ووالدتها خرجو وهي قاعده ع السرير"
فجأه الموبايل بيرن مسكت الموبايل وردت
_الو
_مفيش حد بيرد
_الو مين معايا
_مفيش حد بيرد بردو
_ابتسمت وقالت تعرف أن صوت نفسك أنا عارفاه
_مردش
_متتكسفش أنا مش زعلانه منك الي انت عملته دا الصح
"فجأه الموبايل قفل"
"أسماء دخلت عليها"
_قومي يلا الفطار جهز
_حاضر جايه
"دخلت الحمام وفضلت تعيط وكأن صعبان عليها نفسها قوي وأنها بتتظاهر بالقوه وهي ضعيفه جدا "
"خلصو فطار والدتها خرجت راحت شغلها واسماء قررت تاخدها وتخرج"
"في طريقهم "
_انتي متأكده انك عارفه المكان
_اموت واعرف المكان الي شاغلك داه فيه اي
_مفهوش حاجه قولتلك
_ماشي بالراحه
"صاحبت اسماء جايه من بعيد"
_اي الصدفه الجميله دي ازيك ياياسمين
_الحمدلـلـه انتي وحشااااني كتير اخباركو اي
"اسماء وياسمين فضلو يتكلمو وسرحو ف الكلام ملاك سابتهم ومشيت لقدام وكان فيه عربيه جايه بسرعه ملاك مش واخده بالها منها
فجأه حد مسك ايدها وشدها لحضنه
_اي دا في اي
_لا واضح انك بتعرفي تاخدي بالك من نفسك
_اتكسفت وشدت نفسها لبعيد وهي بترجع كانت هتقع شدها تاني ليه وقالها
_دانتي عنيده بشكل
_هو انت
_عرفتيني ازاي
_ ابتسمت وحطت وشها ف الأرض
_تعالي معايا
_اجي فين وفين اختي
_هي اختك هنا
_ايوا كانت هنا دلوقتي بتكلم صاحبتها
_سيبك منها تعالي معايا "وشدها من أيدها"
_لا استنى مينفعش
"فجأه الموبايل بيرن ردت كالعاده وهي مش عارفه مين بيرن
_الو
_مبيردش
_انت ليه مش عايز تكلمني قولتلك مش زعلانه منك
"حمزة واقف مستغرب من كلامها ومش عارف بتكلم مين "
_احمد رد عليا انت كويس
"حمزة اول لما سمع كلمة احمد اتعصب وشد منها الموبايل وقفلو"
_انت اخدت مني الموبايل ليه
علشان مش وقته قولتلك عايزك
الفصل الثالث 3
_حمزة بيحاول ياخد ملاك وهي رافضه ف نفس الوقت اسماء خلصت كلام وجت ليها"
_انت يااستاذ يلي ماسك ايد اختي انت اتجننت انت بتعمل اي
ملاك شدت أيدها واتكسفت: اسماء هو ميقصدش
_ميقصدش اي انتي كمان وبعدين مش قولتلك متمشيش من جمبي
حمزة:بالراحه ياانسه شويه انتي بقالك ساعه واقفه مع صحبتك وسيباها ولا تعرفي عنها حاجه
_وانت مين علشان تكلمني كدا انت انسان مش محترم
_التزمي حدودك....
ملاك: باااااس اسكتو انتو الاتنين أنا ماشيه
حمزة: رايحه فين وانا افتكرتك جايه تشوفيني
اسماء: تشوفك اي يااستاذ ماتحترم نفسك
حمزة: انتي اسكتي خالص انا ممكن أخدها غصب عنك بس هي توافق
اسماء: ملاك انتي تعرفيه
ملاك: انا شو....
حمزة رد باستغراب : انتي اسمك ملاك
اسماء: انطقي انتي تعرفيه
ملاك: اه اعرفو ارتحتي اسكتي بقى ويلا نمشي
حمزة: لا تمشو اي في كافتريا جمبنا هنا ممكن نقعد فيها ونتكلم
اسماء: ونقعد معاك بتاع اي
حمزة اتعصب: انا هستحملك علشان خاطر اختك بس
ملاك: اسماء خلاص بطلي خناق دا شخص محترم جدا ودلوقتي كانت فيه عربيه هتخبطني وهو انقذني
اسماء: اي دا بجد أنا اسفه مكنتش اعرف
حمزة: ولا يهمك ممكن نقعد بقى
_ ممكن
"قعدو ف الكافتيريا واتعرفو ع بعض وبعدين حمزة طلب من اسماء ياخد ملاك مشوار صغير ويرجعها تاني"
اسماء : أنا مش مطمنه المشوار داه ملاك لو حصلها حاجه مانا عمرها ماهتسمحني
حمزة: اطمني عليها طول ماهي معايا
ملاك: ها وبعدين خلصتو أفوره زي ماتكونو بتتكلمو عن عيله صغيره
حمزة ضحك وقالها دانتي ست البنات كلهم
اسماء : احم هتعاكس اختي قدامي ولا اي
حمزة: ياختاااااي منك اسكتي يلا ياملاك هاتي ايدك
"خدها ومشيو وطول الطريق بتسألو رايحين فين وهو بيقولها لما نوصل هتعرفي"
بعد حوالي نص ساعه
_هاتي ايدك اسندك علشان نطلع السلم
ملاك اتخضت: سلم اي
_سلم بيتنا أنا كنت عايز ماما تشوفك
_والدتك تشوفني !
_مالك اتخضيتي ليه
_انت جايبني لوالدتك تشوفني ليه
_انا معرفش انك هتزعلي
_مش زعلانه بس شايفه أنه ملوش لازمه
_هاتي بس ايدك وتعالي نطلع سلمي عليها وانزلي
_(تنهيده) طيب ماشي
__$
"وصلو الشقه"
_ماما انتي فين
_انا جايه اهو ياحبيبي في حاجه اول لما شافت ملاك لابسه نضاره سودا وشافت حمزة بيسندها اتخضت
_تعالي ياماما سلمي ع ملاك
_مين دي
_دي الي حكتلك عنها امبارح ياماما انتي نسيتي
_بس انت مقولتليش أنها عاميه وبعدين انا عايزه اجوزك علشان تلاقي واحده تخدمك مش انت الي تخدمها
"ملاك من التوتر بدأت تاكل ف ضوافرها وف نفس الوقت كانت بتبين الامبالاه"
_مين جاب سيرة الجواز ياطنط اطمني أنا عمري ماتهجوز ابنك
"حمزة اتصدم من كلام والدته ومكنش عارف يتصرف"
_معلش ياملاك ماما بتحب تهزر ههه مش كدا ياماما "وخد والدته ودخل الاوضه وهو متعصب"
_اي ياماما الي انتي عملتيه داه اول مره تحسسني اني قليل اوي بالشكل داه
_ عايز تتجوز واحده مبتشوفش ياحمزة طب وربـنـا لو حصل لا انت ابني ولا اعرفك
_اتعصب وسابها وخرج
_ملاك أنا.....
"لقاها مشيت"
نزل جري وراها ملااااك ملاااك
الفصل الرابع 4
"حمزة طلع يجري وراها بعد ماوالدته أهانتها"
_ملاااك ملاااك
"بص لقاها عدت الطريق وواقفه ع الرصيف الي ف الي بيفصل بين الطريقين علشان تعدي الطريق التاني لحقها بسرعه"
_انا اسف
"بتحاول تخبي دموعها" وأسف ليه هي مقلتش حاجه غلط ومين قال اني ممكن اتجوزك
_ملاك ارجوكي افهميني...
"فجأه موبايلها رن"
طلعت الموبايل وايدها بتترعش
الو
ايوا يافندم والدة حضرتك ف المستشفى دلوقتي ياريت تيجي بسرعه
"ردت بفزع" مين بيكلمني ماما جرالها اي
_انا الممرضه والدتك تعبت فجأه ف الشغل وحالتها حرجه ولازم يكون في حد جمبها
"قفلت الفون واول مره ف حياتها بعد فشل العمليه حست إنها فعلا عاجزه وأنها ملهاش اي لازمه ولا تقدر تفيد حد بأي حاجه"
نزلت ع ركبتها ع الأرض وانهارت من العياط
حمزة اتخض عليها : ملاك في اي انتي كويسه في حاجه حصلت
"مردتش عليه ومسكت موبايلها كلمت اسماء وقالتلها تروح لوالدتها ف المستشفى لانها مش عارفه تتصرف"
اسماء من الصدمه طلعت تجري ع المستشفى بسرعه ومن لهفتها إنها تشوف والدتها عملت حادثه وملاك متعرفش
______
"الجو بيمطر وملاك ع الأرض بتعيط ف وسط الطريق عربيات رايحه وعربيات جايه الصوت كان عاملها توتر حست بخوف بس كانت بتقاوم"
"حمزة قاعد جمبها "
_ملاااك كفايه عياط علشان خاطري تعاالي اوديكي المستشفى علشان تشوفي والدتك
_شدت ايده لبعيد / أنا مش عايزه مساعده من حد ابعد عني
_حقك عليا طيب والـلـه امي ماتقصد الي قالتو متزعليش
"دموعها مغرقه وشها" مش زعلانه ولا أقولك لا أنا زعلانه زعلانه من كل حاجه أنا مبقتش قادره اقاوم خلاص انا مش قويه أنا ضعيفه جداً
_ملاك اهدى عشان خاطري متزعليش أنا اسف
_لا أنا زعلانه زعلانه منكو كلكو أنا زعلانه ان احمد سابني ف عز ماكنت محتجاه زعلانه ان العمليه فشلت وانا بقيت واحده عاجزه زعلانه من الكلام الجارح الي والدتك قالتو أنا مش هستحمل حد بعد كدا ارجوك انت ابعد عني
_حمزة دموعه نزلت غصب عنه من كلامها وحاول يحضنها علشان تهدى
_قولتلك ابعد عني انت مين اساسا علشان تدخل ف حياتي انت مجرد شخص عابر شوفته مره او اتنين صدفه واتأذيت واتجرحت بسببك
"كلامها كان جارح جدا وحمزة كان بيداري أنه مدايق وزعلان علشانها"
"ف نفس الوقت كان وصل خبر وفاة والدة ملاك ف المستشفى بسكته قلبيه وخبر وفاة اختها بحادثه ع الطريق لاحمد خطيبها السابق"
"الجو لسه بيمطر وملاك لسه قاعده بتعيط ع الأرض وحمزة جمبها"
"بيحاول يحضنها تاني علشان تهدى بس هي كانت رافضه وبتشده لبعيد"
_ صرخت وقالتلو ابعد عني بقولك سبوني لوحدي أنا مش عايزه حد جمبي
"فجأه لقى شخص حط ايده ع كتفه وقاله
_بتقولك ابعد عنها ولا انت مبتسمعش
"ملاك ف لحظة صمت" أحمد
_مد ايده ليها وقالها ايوا احمد قومي يلا
(طبعا احمد جالها بعد ماعرف خبر وفاة والدتها واختها)
حمزة عرف أن دا خطيبها القديم اول لما قالت اسمه قام من ع الأرض وهو متعصب وبص ع ايد احمد وهي ممدوه لملاك علشان تقوم وراح ماسك ايده وقاله خلي ايدك جمبك
"احمد استغرب ردة فعله" ملاك مين داه !
"ملاك عرفت أن فيه حاجه حصلت علشان كدا احمد جه"
قامت تحسس ع أحمد وقالتلو احمد ماما كويسه ماما جرالها حاجه
_تعالي معايا وانا هفهمك كل حاجه ومسك أيدها علشان ياخدها
ملاك : اجي معاك فين فهمني دلوقتي ماما كويسه
_شدها غصب عنها وقالها يلا
حمزة مسح وشه من ماية المطره ورجع شعره لورا وهو بياخد نفس وراح شادد ايد احمد من أيدها وضربو بوكس وابتسم ابتسامه مصطنعه وشدها تحت دراعه
"ملاك مش شايفه حاجه" هو في اي اي اللي بيحصل
رد حمزة وقالها مفيش كل الحكايه انك طول مانتي معايا محدش هيقدر ياخدك مني
احمد حاتط ايده ع وشه ومتعصب جامد قال
طيب لولا أن والدة ملاك اتوفت هي واختها أنا كنت عرفت ارد عليك
ملاك ف حالة صدمه : انت اتجننت انت بتقول اي
حمزة هو كمان مصدوم ولاول مره يكون حاسس أنه مش عارف يتصرف حرفياً
احمد: أنا متجننتش والكلام دا حقيقي اختك ووالدتك ف المستشفى متوفيين ولآخر مره هقولك تيجي معايا
الفصل الخامس 5
"بعد خبر وفاة والدتها واختها ملاك كانت ف حالة صدمه وكأن كل حاجه قررت تبقى ضدها"
أحمد: لآخر مره هتيجي معايا
"شدت ايد حمزة من عليها" استنا أنا هاجي
حمزة اتعصب بس كان مقدر اللي هي بتمر بيه
حمزة: يلا
أحمد استغرب: يلا فين
_ف اي مكان انتو رايحينه أنا معاكو
احمد قرب منه ومسكه من لياقة القميص وقاله بقولك ايه ماتلم الدور علشان الوضع ميسمحش بكدا
حمزة لسه هيضربو تاني
راحت ملاك سابتهم ومشيت لماحست بأستخفاف لمشاعرها وأن دا مش وقت اللي بيحصل
حمزة: ملااك استني وجري مسك أيدها علشان يعديها الشارع
"ركبو تاكسي ف طريقهم للمستشفى"
ملاك بتعيط وأحمد بيحاول يهديها مسك أيدها وقالها
_كفايه عياط علشان خاطري لو أنا غالي عندك
حمزة اتعصب بس قاعد ماسك نفسه بالعافيه
"وصلو المستشفى وملاك دخلت تشوف امها وأختها لآخر مره "
كانت بتحسس ع وشهم ومن شدة الصدمه اغمى عليها
"فضلت اسبوع ف المستشفى تحت رعاية الطبيب وبعدها خرجت لما استاعدت قوتها وقدرت تقف ع رجلها تاني"
حمزة وأحمد ف مشهد طفولي قدام المستشفى اللي هو كل واحد عايز ياخدها
احمد: تعالي معايا ياملاك
حمزة: لا تيجي معاك فين انتي هتيجي معايا
ضحكت بسخريه
_احمد عايزني معاك بجد مش انت بردو الي مستنتش حتى اخرج من المستشفى بعد فشل العمليه وقولت كل شئ نصيب
_ملاك دا كان غصب عني
_غصب عنك هه أنا عارفه انت رجعت تاني ليه أنت حاسس بالذنب من ناحيتي وبتشفق عليا مش اكتر واحب اقولك شكرا لحد كدا
"احمد اتعصب ومشي"
"حمزة اتبسط من كلامها ومسك أيدها وقالها يلا"
نزلت ايده: يلا فين
_يلا معايا هاخدك ع البيت
_ضحكت ضحكة وجع وقالتلو البيت الي والدتك اهنتني فيه صح عايزني اروحلها علشان تقول جبت العاجزه تاني ليه
_ملاك افهمي امي مكنتش تقصد وانا هخليها تعتذرلك لو دا يرضيكي
_لا ميرضنيش ولا هسمح ليها تعتذرلي علشان هي مقلتش حاجه غلط
"حمزة اتعصب" افهميني بقى
_مش هفهم انت اللي لازم تفهم احنا مستحيل نكون مع بعض
_مش بقولك نكون مع بعض بس أنا مش هينفع اسيبك لازم اخد بالي منك