Note: You can change font size, font face, and turn on dark mode by clicking the "A" icon tab in the Story Info Box.
You can temporarily switch back to a Classic Literotica® experience during our ongoing public Beta testing. Please consider leaving feedback on issues you experience or suggest improvements.
Click here
_اطمن أنا بعرف اخد بالي من نفسي كويس
"سابته ولاول مره مسكت العصايه الي بتسند عليها وفضلت تحسس ومشيت كام خطوه لقدام"
"رفع حاجبه وبص عليها وهي ماشيه"
_لا واضح بتعرفي الطريق مش من هنا ياهانم الطريق من هنا وراح شايلها غصب عنها
"بتحاول تنزل" نزلني انت اتجننت
_هشش مسمعش صوتك اذا كنتي عنيده فأنا اعند منك
" الناس بتبص عليهم "
ابتسم ابتسامه مصطنعه
مراتي ياجمااعه بس هي أفوشه شويتين
"ملاك ردت بإندهاش" مراتك هي مين دي الي مراتك
_مش انتي مش انتي اقعدي ساكته بقى
_طب نزلني
_خلاص وصلنا العربيه انزلي
"بتحاول تنزل من ع ايده وهو مبتسم"
_نزلني بقى اي الرخامه دي
_عجبني الوضع كدا خليكي شويه وراح مقربها منه وبايسها ع راسها
"اتكسفت جامد"
_راح منزلها وقالها اول مره اشوف قمر خدودو بتحمر
_خبطته وقالتله بطل بقى ولو مُصر توصلني خلاص موافقه بس هتوديني ع بيتنا
_اتنكي ماشي ياستي هوديكي ع بيتكو
"وصلو البيت ودخلت افتكرت اختها ووالدتها وانهارت من العياط تاني"
_انا قولت بلاش تيجي البيت دلوقتي بس انتي مبتسمعيش الكلام
_وحشوني اوي ازاي هعيش من غيرهم دول هما كانو كل حياتي دول كانو الحاجه الوحيده الحلوه فيها
_قولي الحمدلـلـه دا قضاء ربـنـا
"الدموع مغرقه وشها"
_الحمدلـلـه انا راضيه بكل حاجه
"قرب منها ومسحلها دموعها وقالها ارتاحي كدا شويه لحد مادخل المطبخ اعملك حاجه تشربها
_حمزة ودي كانت اول مره تنده بأسمه
رجعلها وقالها
_ قوليها تاني كدا
_هي اي
_قولي اسمي
_اسمي
_ياسلام
_هزة براسها اها
_ماشي ياستي براحتك كنتي عايزه اي
"حطت وشها ف الارض"
شكرا ع كل حاجه عملتهالي
_وبتشكريني ليه حد قالك اني محتاج تشكريني أنا مش عارف لحد أمتى هتفضلي تعامليني كواحد غريب وقام متعصب
_مقصدش ازعلك أنا حسيت اني لازم اشكرك
_مردش عليها
_حمزة انت هنا ولا مشيت
_مردش عليها
_حمزة انت فين بجد أنا بخاف
"ابتسم وقالها"
_انا جمبك بس كنت عايز اسمع اسمي منك تاني
_خضتني افتكرتك مشيت
_بتخافي تبقى لوحدك
"هزة براسها" لا اقصدي ي ي
قوليها بصوت واطي وانا مش هقول لحد وكان قريب منها جامد
_ وعد مش هتقول لحد
_ايوا
_الحقيقه اني لا مش بخاف
"ضحك" ماشي يالمضه
"قرب ايده من وشها وشالها النضاره كانت مغمضه"
_شلت النضاره ليه
_عايز اشوفك من غيرها تعرفي إن شكلك احلي كدا وحط ايده ع خدها
اتكسفت وارتبكت
تعرف أنا جعانه
_ ابتسم وقالها ياسلام جعانه بردو ولا عايزه تقوميني
"فجأه موبايله بيرن"
_الو
_ايوا ياحبيبي انت فين اتأخرت ليه أنا مستنياك
_لا متستنيش ياماما اتعشي انتي ونامي أنا هبات بره النهارده
"ملاك سمعت الكلمه اتخضت وقالتلو تبات فين"
حط ايده ع بوئها بسرعه علشان والدته متسمعش صوتها وقالها هوش
والدته: اي ياحمزة في اي ومين الي جمبك دي
_دي دي الو الو الشبكه بتقطع مش سامعك ياماما هقفل أنا بقى واطمني عليا متقلقيش
اووف وراح قافل
"لسه حاتط ايده ع بوء ملاك راحت عضاه"
_ااه يا مجنونه
_تستاهل قوم روح تبات فين
_وانتي صدقتي اني ممكن ابات هنا
_اي داه يعني انت مش هتبات هنا
_لا طبعا هبات وغصب عنك كمان وقومي يلا علشان نعمل حاجه ناكلها وشدها من أيدها دخلو المطبخ
_استنااا انت بتاخدني ف دوكه كدا
"وصلو المطبخ"
_طب وانت جايبني المطبخ ليه وانت عارفني مبعرفش اعمل حاجه ولا ليا لازمه
_ملاك ممكن متقوليش الكلام داه تاني
_ماهي دي الحقيقه
_الحقيقه انك دلوقتي حاجه مهمه قوي عند شخص والشخص داه من غيرك مش هيقدر يعيش يوم واحد يبقي ليكي لازمه ولا ملكيش
_مين الشخص داه
_اعرفيه لوحدك
_امممم تقصد احمد
"اتعصب جامد ورمى المعلقه الي ف ايده ع الأرض"
_ انتي عبيطه أنا مش عايز اسمع اسمه ع لسانك تاني
"ملاك بتعانده" اشمعنا يعني بتدايق منه
_مانتي لو بتفهمي كنت اتكلمت اقفلي السيره دي بقى وهو أحمد اساسا كان حبك دانتي غبيه بشكل
الفصل السادس 6
"في شقة حمزة"
_في اي ياأم حمزة مالك مش ع بعضك
_الواد ابنك داه هيجنني ياابراهيم قالي هيبات بره النهارده
_طيب واي يعني هو صغير
_مش قصدي بس أنا خايفه من الحربايه الي هو بيحبها دي ولا اكنها سحرالو
_واي علاقتها بالموضوع دلوقتي
_مانا حاسه أنه بايت عندها اصل اسم الـلـه عليها والدتها اتوفت
_لا حول ولا قوة الا بالـلـه وبعدين ياستي هو ابنك صغير ما طالما بيحبها ماتسبيه
_انت بتقول اي انت اتجننت اجوزه لواحده عاميه مبتشوفش
_ياشيخه اتقي الـلـه مش هي عجباه اله
_والنبي لو ع جستي البت دي مش هجوزها ابني ولا هتطولو
_طب أنا قايم انام بدل ماتعصب عليكي أستغفر الـلـه العظيم
_روح ياخويا بلا نيله انت كمان
_____$
"شقة ملاك"
"اتعشو وخلصو اكل وقاعديين ف البلكونه شويه"
_متشكره جدا ياحازم ع وقفتك جمبي
_ماقولت بلاش كلمة شكرا دي مبحبهاش ولا انتي بتطرديني بالزوء
_هو فعلا كدا لاني عايزه انام
_ماتنامي هو أنا حايشك
_انام فين انت اتجننت اتفضل روح يلا ع بيتكو
_وإن قولت مش ماشي أنا من هنا
_لا خد بالك أنا شكلي كيوت بس ميغركش أنا نرفزتي وحشه
"ضحك وقرب بالكرسي منها" لا بجد يعني اخاف
_احم مش تخاف اوي يعني
_طيب أنا مش مروح
_يابني مينفعش تبات هنا انت ليه مش عايز تفهم
_لما هو مينفعش خلي عندك ددمم ووافقي تتجوزيني بقى
_نعم اتجوزك
_ايوا اي قولت حاجه غلط
_لا خالص قوم روح لامك
_انتي مالك ومال امي يازفته انتي قولتلك متخفيش منها
_مش خايفه منها بس أنا علشان اتجوزك لازم اكون بحبك وانا مبحبكش
_ياراجل بجد امال بتحبي مين
_بحب بحب
_خدي بالك لو قولتي اسم حد غيري هزعلك
_"ابتسمت"لا خلاص مش قايله حاجه أنا مبحبش حد
_تمام اوي حبيني بقى بسيطه اهيه
_احبك ازاي يعني
_مش عارفه تحبي ازاي
"زعلت وحتط وشها ف الأرض"انا حبيت قبل كدا واتجرحت ومش عايزه اكررها تاني
_مانتي غبيه وزوقك بيئه اوي هو دا شكل بني ادم يتحب
_بس متقولش عليه حاجه وحشه
_ليه معقوله لسه بتحبيه
_لا مبحبوش بس بلاش وخلاص
"اتعصب وقالها ماشي"
"سكوت ثواني"
_حمزة
_ها
_اوصفلي السما
"ابتسم وقالها" السما صافيه النهارده اوي وشكل السحاب جميل
_بجد
_ تعرفي كمان مفيش غير نجمه واحده بس ظاهره قدامي رغم أن في نجوم كتير بس أنا مش شايف غيرها
_لي بقى
_النجمه دي جميله اوي وجمالها طاغي ع كل النجوم الي حواليها نفسي توافق وتخليني ابقى جمبها
_هتبقي جمبها ازاي يعني هتطلعلها الفضاء
_ملاك انتي غبيه صح انا كنت عارف
"ضحكت وقالتله"
_قوم روح بقى علشان عايزه انام
_بصي أنا مش هروح علشان نقفل الموضوع داه وبالنسبه للنوم أنا هنام ف البلكونه ياستي ولا تزعلي نفسك والشقه مش هدخلها كدا تمام
"استغربت" طب وليه كل داه
_علشان بحبك وخايف عليكي ومش هقدر اسيبك لوحدك
"ارتبكت وقامت من ع الكرسي"
_طيب أنا هدخل اوضتي بقى
_انتي هتفضلي تهربي من كل كلمه بقولها
_وعايزني ارد عليك اقولك اي
_قولي انك موافقه تتجوزيني
_بس أنا مبحبكش علشان اوافق اتجوزك
"اتصدم من كلامها ومنطقش"
"سابته ومشيت فضلت تحسس لحد ما دخلت اوضتها"
بعد مااترمت ع السرير فضلت تفكر مع نفسها
"انا اسفه بس أنا لازم ابعدك عني علشان والدتك وعلشانك أنا واحده عاجزه وعمري ماهنفع زوجه"
ف نفس الوقت كان هو بيفكر فيها
عارف انك بتعملي دا كلو علشان الكلام اللي سمعتيه من والدتي بس انا هعرف اراضيكي ازاي ونام زي ماهو ع الكنبه ف البلكونه
______$$
"نهار يوم جديد"
"الباب بيخبط جامد"
حمزة: ايوا ايوا مين
ملاك قامت مخضوضه: هو في اي
حمزة فتح الباب
لقا راجل واقف وزقو ودخل
_الـلـه الـلـه اول لما والدتها ماتت بقت تجيب رجاله البيت
حمزة شدو جامد وقالو انت رايح فين انت مين
"ملاك خرجت من اوضتها لما عرفت أن داه صوت عمها"
ملاك بصدمه :عمي
_ايوا عمك ياصايعه جايبه راجل غريب يبات معاكي ف الشقه
"حمزة اتعصب وقالو ماتبطل هري وكلام فاضي وانا مش عايز اعملها معاك وانت اد ابويا كدا"
ملاك:اهدى ياحمزة دا عمي مينفعش الي انت بتقولو داه
حمزة: وهو يعني كان ينفع اللي هو بيقولو
عمها :وكمان انت ليك عين تتكلم دا انت راجل معندكش نخوه ازاي تبات مع واحده ف بيت واحد وانتي ياهانم ازاي تسمحيلو بكدا
رد حمزة بعصبيه: لا انت كدا ذودتها
ملاك متوتره: طب اقعد ياعمي وانا هفهمك كل حاجه
عمها : تفهميني اي انتي هتيجي معايا دلوقتي كفايه كدا جبتلنا العار وشدها من أيدها
"حمزة راح شدها منه وقالو انت اتجننت انت واخدها فين"
عمها: سيب البنت بقولك
حمزة رد بارتباك: دي مراتي اسيبها ازاي
"عمها وملاك ف نفس اللحظه"
مراااتك
_ايوا مراتي
عمها بدأ يهدى: ازاي يعني
_زي الناس ردي انتي ياملاك فهميه
_ملاك واقفه جمبه راحت دايسه ع رجلو وقالتلو بصوت واطي من تحت سنانها ارد ااقول اي انت كدا نيلتها
عمها: انتو بتشقطوني لبعض انتطقي دا جوزك
"ملاك محتاره "
حمزة راح شدها لحضنه وقالو ايوا مراتي
عمها واقف مستغرب: ودا حصل امتى وازاي
حمزة: ياسلام ع اسألتك الكتير ياعمي طب تصدق ياعمي ياسكره انت لا بس أنا زعلان منك ياملاك ازاي متقوليش انك عند عم جميل كدا
_ملاك واقفه متنحه
عمها انشكح من كلام حمزة
حمزة:اتفضل ياعمي اتفضل اقعد داحنا لسه مفطرناش حتى هجهز الفطار واجي بسرعه
عمها اقعد وقال يااه هو كمان الي بيجهز الفطار
ملاك قعدت جمبه: انت لسه فاكر تسأل عليا ياعمي دانا افتكرتك نستنا من بعد وفاة بابا
_غصب عني والـلـه يابنتي سامحيني بس أنا اتبصتلك جدا لما عرفت انك اتجوزتي اصل بصراحه مكنتش متوقع أن فيه حد يوافق يتجوز واحده مبتشوفش
"كلامه جرحها جدا بس كانت بداري"
_اه شوف النصيب بقى صحيح احمد اللي قالك ان في واحد غريب ف الشقه عندي صح
_اي دا عرفت ازاي
"حمزة ف المطبخ وسامع الكلام : يااحمد الكلب اصبر عليا بس"
بعد كلام بينهم كتير حمزة جهز الفطار وجه
_معلش ياعمي أنا مليش ف عمايل الاكل كتير بس بحاول اتعلم يارب الفطار يعجبك
_طبعا لازم تتعلم علشان ملاك مبتعرفش تعمل حاجه وراح ضاحك هههههه
"حمزة بصوت واطي" ياتقل دمك
"ملاك بتحاول تداري أن كلام عمها جارح وبتبتسم"
ف وسط الاكل عمها قال : ها ممكن توروني قسيمة الجواز
حمزة وملاك شرقو ع الاكل: اهؤ اهؤ
_اي ياولاد في اي
حمزة: لا مفيش حاجه خالص
عمها: طيب انا كلت الحمدلـلـه ممكن بقى اشوف قسيمة الجواز علشان اطمن ع بنت اخويا وامشي
حمزة:اه طبعا من حقك
ملاك قالتلو معلش بس ياعمي ممكن اخد جوزي حبيبي اقولو كلمتين بس
_اي دا في اسرار ولا اي
_لا لا دانا بس كنت عايزه اكلمو ف حاجه
_اتفضلو اما اشوف اخرتها
الفصل السابع 7
(ملاك خدت حمزة ودخلو الاوضه وقفلو الباب)
_انت اتجننت اي الي انت هببتو بره داه
_امال كنت عايزاني اعمل اي يعني اسيبه ياخدك
_مايخدني عادي هو مش عمي
_طب وانا
_وانت اي أنا قولتلك انت ولا حاجه وعمري ماهتجوزك سيبك بقى من الحوار داه وشوف مستقبلك وحب واتحب وعيش حياتك متربطش نفسك بواحده عاجزه زي
_بطلي هري وكلام ملوش لازمه علشان أنا عمري ماهسيبك برضاكي غصب عنك أنا هفضل جمبك
_ حمزة الموضوع كدا ذاد عن حده اتفضل اخرج بره بيتي ومش عايزه اشوفك تاني
_انتي بتعملي دا كلو ليه مكنوش كلمتين امي قالتهم يعني
_الكلمتين دول هما الحقيقه الي انت مش قادر تصدقها والدتك نفسها تفرح بيك وبمراتك تقوم انت تكسر فرحتها وتجبلها واحده مبتشوفش زي وراحت معيطه
"عمها قاعد بره شاكك من صوتهم أن في حاجه مش طبيعيه فقرر يفتح باب الاوضه ويدخل"
"حمزة خد باله أن عمها بيفتح الباب راح شاددها ليه ومش هقولكو عمل اي زي كل مره😹🤫
"ملاك بتحاول تزوقو لبعيد راح ماسك أيدها ورا ضهرها"
عمها دخل شاف المنظر
_حط ايده ع وشه واتكسف وخرج وقفل الباب تاني
استغفر الـلـه العظيم اي دا مش قادريين يستنو أما امشي حتى عيال اخر زمن
"اول لما عمها خرج وقفل الباب حمزة سابها بترفع أيدها علشان تديلو بالقلم راح ماسكها"
_مش وقته اي حاجه خالص عمك عايز قسيمة الجواز ويلا علشان نجبها
_انت اتجننت اي الي انت عملته داه أنا افتكرتك بنى ادم محترم
_هوش ولا كلمه انتي هتبقى مراتي غصب عنك
_مراتك لا انت ذودتها أنا هطلع اقول لعمي كل حاجه
_قعد ع الكرسي وحط رجل ع رجل وقالها ابقي قوليلو وبالمره فسريلو أني ازاي نايم معاكي ف نفس البيت وان ازاي وافقتي تبوسيني دلوقتي اصل للاسف يعني عمك شاف كل حاجه
_انت بتهزر صح
_لو مش مصدقه اطلعي اسأليه وجهزي اجوبه لاسئلته زي الشطوره كدا
_انت بني ادم مستفز وراحت قاعده ع الأرض ومعيطه
_لا بلاش عياط علشان خاطري انتي عارفه إني بحبك وعمري ماهعمل حاجه تأذيكي
_واللي انت عملته دلوقتي داه اي
_انا عارف انك عنيده ومش هتيجي إلا بكدا
_هنتصرف ازاي دلوقتي يازفت
_هنتجوز
_نعم
_ايوا هنتجوز امال عمك هيشوف قسيمة الجواز ازاي يعني
_انا حاسه اني تايهه وكل حاجه غلط
_اهدي بس وكل حاجه هتبقى تمام تعالي دلوقتي نطلع لعمك وانا هتصرف
__________$$
"احمد خطيبها القديم قاعد مع واحد صاحبه"
_مبسوط كدا انك قولت لعمها أن في راجل عندها ف البيت
_لا مش مبسوط أنا مش هتبسط الا لما البعدو عنها خالص
_يابني انت مجنون مش انت اللي سبتها
_مانا افتكرت إن مفيش حد هيتجرأ يبصلها حتى علشان مبتشوفش دلوقتي لما شوفت الجدع داه معاها حاسس اني متغاظ اوي
_متغاظ ولا غيران بس ع فكره الي انت بتعملو دا انانيه يااحمد طالما أنك مش هتتجوزها سيبها تشوف حياتها
_مش قادر اتخيلها مع واحد تاني الموضوع صعب اوي فوق ماتتخيل دي خطوبة 3سنين
_انت حيرتني معاك بصراحه
_اهدى بس اما ارن ع عمها اشوفو عمل اي دا الحيوان بايت عندها كمان مشوفتش بجاحه كدا
_رن ياخويا اما نشوف اخرتها
_______$$
_"ملاك وحمزة خرجو لعمها بره"
_حمدالـلـه ع السلامه ما لسه بدري
_معلش ياعمي كنا بنتكلم ف حاجه مهمه
_اه ماناشوفت الكلام المهم
"ملاك اتكسفت وخدودها احمرو حمزة راح مبتسم ووقف قدامها ومداريها"
_دا احلى كلام مهم قولته ف حياتي والـلـه ياعمي "ملاك راحت خبطاه ف ضهره"
_ااا اي يابت أنا قولت حاجه غلط
_المهم دولقتي انت وهي فين قسيمة الجواز علشان اروح
_هو بصراحه القسيمه مش هنا
_نعم ياخويا
_زي ماسمعت كدا بالظبط القسيمه ف شقتي أنا ومجبتهاش معايا
_ساعه قاعدين ترغو جوا وف الاخر تقولي القسيمه مش هنا
_انت مش اهم حاجه عندك تشوفها
_ايوا طبعا
_خلاص هجبهالك بس هاخد ملاك معايا
_وتاخدها لي ماتسبها
_لا معلش هي لازم تفضل معايا علشان اكون مطمن عليها
_اه نسيت انها مبتشوفش ماشي روحو هاتو قسيمة الجواز وانا هدخل انام شويه جوا عما تيجو
"ملاك وحمزة نزلو وهما نازلين ع السلم"
_انت عارف انت بتهبب اي ولا لا
_مش مهم المهم انك معايا
_______$$
عمها بيبص ف موبايله لقى احمد رن عليه كتير
_الو ايوا يااحمد معلش مسمعتش الموبايل
_لا ولا يهمك ياعمي عملت اي ف الواد الي قاعد مع ملاك
_يابني دا طلع جوزها
_جوزها! جوزها ازاي يعني
_زي الناس يابني هيكون جوزها ازاي
"احمد خبط ايدو جامد ع الطربيزه" وانت صدقته
_ومصدقوش ليه دول حتى راحو يجيبو قسيمة الجواز
"احمد قفل الموبايل وقام بسرعه صاحبه قاله في اي "
_مردش عليه ومشي وهو بيكلم ف نفسه مستحيل يتجوزها
_____$$
"حمزة وملاك عند المأذون"
_حمزة انت جايبني فين
_ مش عمك دلوقتي عايز قسيمة الجواز
_ايوا
_احنا دلوقتي هنجبها
"المأذون قاعد مستغرب" هي العروسه مش موافقه ولا اي
ملاك ردت بإندهاش: عروسة مين
حمزة قالها انتي
_انا اي ومين قال اني موافقه ع الجوازه دي
_ملاك مش وقت عند انجزي انتي مقدمكيش حل غير كدا
"ملاك حست بتوتر ف نفس الوقت احمد عمال يرن ع موبايلها وهي مش سامعه"
الماذون_ ها قولتي اي موافقه تتجوزيه
الفصل الثامن 8
"المشهد عند الماذون"
_ها موافقه تتجوزيني
"ملاك ساكته وبتفتكر في كلام مامته وأنها عمرها ماهتوافق تجوز ابنها لواحده زيها وبتفتكر في كلام عمها انها واحده عاجزه مين هيرضي يتجوزها وبتفتكر لحظة مااحمد سابها علشان خسرت نظرها ومبقاش ليها لازمه
حست انها لو وافقت ع الجوازه دي هتظلم حمزة معاها وهيجي يوم ويزهق منها ومن خدمتها لأنها مبتعرفش تعمل حاجه ف وسط كل الافكار دي ردت وقالت
_لا مش موافقه "وسابته وخرجت تحسس بأيدها علشان تخرج من عند المؤذون"
"حمزة اتعصب وقام مسكها من أيدها"
_انتي بتعملي دا كلو ليه إذا كان علشان الكلام الي والدتي قالتو تعالي معايا دلوقتي وأنا هخليها تفهمك أنها مكنتش تقصد حاجه
_شدت ايده وعيطت انت ليه مش عايز تفهم
_انتي الي مش عايزه تفهمي ومستكتره ع نفسك انك تتحبي
"خدها وراح ع بيت والدته علشان تقنعها"
_________$$
_ادخلي يلا
_انت جايبني فين هكون جايبك فين يعني هخطفك ماما تعالي هنا شويه
_ملاك واقفه ع الباب اتخضت اول لما قال ماما
اي داه هو. انت مش رجعتني البيت لعمي
_لا ومش مرجعك قولتلك قبل كدا اذا كنتي انتي عنيده أنا اعند منك
"والدته جت واول ما شفتها اتصدمت"
حمزة: ماما انتي موافقه ع جوازي من ملاك
"والدته وقتها عرفت أن حمزة ابنها خلاص وقع ف حب ملاك ولو قالت اي حاجه غلط هتخسره"
ملاك واقفه متوتره وخايفه
حمزة: ها ياماما كلميها
والدته ابتسمت ابتسامه مصطنعه: انت جبت البنت الحلوه دي معاك تاني دانا كنت عايزه اعتذرلها عن المره الي فاتت معلش يابنتي سامحيني مكنتش اقصد"والحقيقه انها مكنتش طايقه ملاك"
_ملاك بدأت تطمن والخوف يروح : لا ياطنط ولا يهمك
حمزة: ها ياستي شوفتي ماما قالت اي قولتلك متقصدش وانتي مصدقتنيش
والدته: لا اوعي تكوني لسه زعلانه مني دانتي دخلتي قلبي من اول مره
ملاك: لا مفيش زعل ولا حاجه بس ممكن اروح بقى
حمزة : تروحي فين
"ملاك اندهشت" اروح بيتي
حمزة: من وهنا ورايح دا بيتك لحد مانتجوز انتي مش هترجعي لعمك تاني فاهمه
"والدته واقفه هطق ف النص ولما سمعت كلمة جواز كانت هتتجنن بس بداري علشان متخسرش ابنها"
_اه فعلا تروحي فين خليكي هنا ع الأقل اخد بالي منك
_تسلميلي ياطنط بس أنا فعلا لازم اروح مش هينفع
حمزة شدها من أيدها وهو متعصب ودخل اوضته وقفل الباب
"والدته واقفه متنحه وبتفكر ازاي هتتخلص من البنت دي علشان خايفه ع مستقبل ابنها"
"حمزة وملاك ف الاوضه"
_انتي بتشدني كدا ليه بالراحه
حمزة متعصب وماسك نفسه بالعافيه
_كانت حجتك والدتي ودلوقتي الموضوع داه أظنه اتحل وانتي سمعتي منها بنفسك ممكن اعرف بقى ليه لسه بتعاندني
_انا مش بعاند أنا عايزه اروح
_(تنهيده) ماشي الي انتي عايزاه هروحك بس عايز اعرف اخر حاجه منك انتي بتحبيني ولا لا
بدأت تحسس علشان توصل لباب وتفتح وتخرج
_شدها ليه بقولك بتحبيني
_حمزة قولتلك ابعد عني
"راح مزعق فيها جامد بصوت عالي "جاوبي بتحبيني "
"ملاك ردت بصوت عالي وهي متعصبه بردو" ايوا بحبك ارتحت كدا ومش بس بحبك أنا بعشقك وبحب كل حاجه فيك صوتك كلامك اهتمامك بيا حتى لمسة ايدك وراحت معيطه
أنا فعلا بحبك ياحمزة بس أنا خايفه خايفه نفس الي حصل مع أحمد يتكرر تاني
_شدها لحضنه وقالها متقوليش اسمه تاني
"خبطته وقالتلو هو دا وقته"
_تعرفي اني كنت عارف ومتأكد انك بتحبيني بس خايفه تقولي اوعدك أننا هنعيش مع بعض احلى ايام وهعوضك عن كل حاجه وحشه حصلتلك
"والدته واقفه بره هتجنن وبتتسنط ع كلامهم"
_الحربايه عايزه تخطف ابني مني هي سحارلو أنا قولت سحرالو
______&&
"في شقة ملاك عمها مستنيها تيجي وأحمد بيخبط ع الباب"
_ايوا ايوا مين
"احمد دخل بسرعه "هي فين"
_هي مين
_ملاك ياعمي
_ملاك اه راحت مع جوزها يبجيبو القسيمه وجايين
_قسيمة اي انت صدقت ملاك مش متجوزه
"عمها وشه قلب"
اي الي انت بتقولو داه
_زي مابقولك ملاك مش متجوزه
"عمها رد بعصبيه" يابنت الكلب انتي كنتي بتستغفليني أما اشوفك ياملاك
_المهم دلوقتي هي فين
_معاه واكيد هيرجعوا
"احمد رد بيأس" معتقدش أنهم هيرجعو كدا الموضوع انتهي وسابه ومشي
"عمها قرر يدور عليها علشان يضربها وياخدها معاه"
______$$
شقة حمزة
_اي ياأم حمزة واقفه ع باب اوضة الواد في اي
_بسم الـلـه الرحمن الرحيم مش تقول انك صحيت
_اي ياوليه شوفتي عفريت
_ياريت ياخويا كان اهون
_ياسلام من طولة لسانك
"حمزة سمعهم راح وا خد ملاك وخارج من الاوضه
_اي ياجماعه بتتخانقو ع باب اوضتي ليه
"والده اول لما شاف ملاك استغرب
_مين دي ياحمزة
_دي الي اخترتها تبقى مراتي يابابا
_اه دي ملاك صح امك كانت حكتلي عنها اخيرا ياحبيبي هفرح بيك قبل مااموت
_بعد الشر عليك يابابا متقولش كدا بكرا تشيل أحفادك دانا ناوي اخلفلك 10عيال
"والدته واقفه هطق وبتتكلم من تحت سنانها"
_اه ياحبيبي امال مش 10
_اي ياماما الكلام مش عاجبك ولا اي
_لا لا عاجبني ربـنـا يسعدك يابني يارب ويبعد عنك ولاد الحرام وبتبص ع ملاك
"ملاك واقفه وسطهم وماسكه ف ايد حمزة ومكسوفه"
حمزة: أنا عايزك تعتبري البيت بيتك وتاخدي راحتك ف كل حاجه
والده: متتكسفيش مننا دانا زي ابوكي يابنتي
ملاك: اكيد طبعا ياعمي ربـنـا يخليكو ليا
"والدتهم حتطت الاكل والكل اتعشى وبتشيل الاكل"
_يلا الحمدلـلـه اما اقوم اشيل الاكل مع اني والـلـه رجلي تعباني من الصبح مش قادره اقف عليها
حمزة: خليكي ياماما أنا هشيل
_لا ياحبيبي تشيل ليه والـلـه يابني انا كنت عايزه اجوزك علشان الاقي حد يخدمني يلا شكل مليش نصيب ارتاح"
"كلامها كان جارح وملاك ابتسمت وكأن مفيش حاجه"
"حمزة بص لوالدته وهو مدايق وراح واخد ملاك مدخلها اوضته"
والده: انتي اي ياست انتي لو مرمتيش دبش مترتحيش ابدا
_هو انا قولت حاجه غلط مادي الحقيقه دي هتطلع عين ابنك بس اصبر دي حتى مبتعرفش تخدم نفسها
"حمزة وملاك ف الاوضه"
_هو انت كل شويه تشدني كدا طب ابقى عرفني
_طول مانتي معايا مش لازم تعرفي اي حاجه امشي وبس
_ياسلام طب احنا فين دلوقتي ياستاذ
_ف اوضتي
"ملاك اتصدمت" اوضتك وبعمل اي ف اوضتك
_هتكوني بتعملي اي يعني دخلتك علشان تنامي
_انام!
_اتخضيتي كدا ليه مانا هخرج انام بره ياهبله
"اطمنت " اااه ماشي
"قام من مكانه وقرب منها "
حست بيه قريب
_اي دا في اي
_متخفيش مش هكلك أنا
كل الحكايه مش عايزك تزعلي من أمي دي طيبه والـلـه وبتتكلم ع نيتها
_مش زعلانه صدقني
_كنت عارف انك مش هتزعلي منها نامي يلا علشان اغطيكي
نامت وخرج من الاوضه
" ف نفس الوقت والدته بره بتفكر ازاي هتتخلص منها"
الفصل التاسع 9
"في شقة حمزة والده ووالدته بيتكلمو مع بعض"
_هتفضلي صاحيه كدا ياأم حمزة
_مش جايلي ونوم
_ولا هيجيلك هو أنا مش عارفك
_طب نقطني بسكاتك ونام وبدأت تكلم ف نفسها بصوت واطي
"أنام ازاي والعقربه دي نايمه ف اوضة ابني أنا مش هيهدالي بالي الا لما اخلص منها
"ملاك ف اوضتها بتفكر هل قرار الزواج داه صح ولا غلط هل حياتها فعلا هتتعدل وكل حاجه هتبقى تمام ولا كل شئ هيبقى اسوء من الأول "
"حمزة نايم بره ع كنبة الانتريه وبيفكر بردو
ياترى هيقدر يسعدها زي ماوعدها ولا مش هيكون اد الوعد ياترى هيقدر يحافظ عليها ولا لا"
_________#
"نهار يوم جديد
"حمزة دخل بالراحه يصحي ملاك ولما لقاها رايحه ف النوم قعد جمبها وحط ايده ع شعرها
ملاك حست بأيد بتحط ع شعرها راحت مصوته
_ااأاااأ
_في اي يابنت المجنونه
