- NonHuman
- اليتيم Ch. 02
- Page 4
Note: You can change font size, font face, and turn on dark mode by clicking the "A" icon tab in the Story Info Box.
You can temporarily switch back to a Classic Literotica® experience during our ongoing public Beta testing. Please consider leaving feedback on issues you experience or suggest improvements.
Click here
قنجاري: اوامرك يا مولاي واختفي بعدها
زنوبيا: متخفش ع الولاد ولا علي المملكه اخويا موجود
هودا بنظره غامضه: أنا خايف ع اخوكي نفسه........
//////////////////////////////////////////////////
في روسيا
عند برو في المكان ال كنا بنتدرب فيه زمان قاعد وبيفكر ف كل ال حصل وقت معركته مع كريمان وريهام وافتكر ال حصل قبلها...........
(فلاش باك)
قبل ما يحصل هجوم علي الشركه كان برو هناك هو الفرقه بتاعته وبعدين طلع مكتب فوق واول ما دخل ظهر قدامه واحد
برو: انت مين
الشخص: مش لازم تعرف
برو: وجاي ليه
الشخص: علشان اساعدك
برو: إزاي
الشخص: كده (وطلع من ايده نور دخل جوه برو )
برو ال حس ان قوته زادت: وده ليه
الشخص: علشان تقدر تواجه ودي الاوامر
برو: أوامر مين
الشخص: الذئب واختفي
عوده من الفلاش باك
( علشان أنا عارف يا صديقي انك مستغرب ان برو سد قدام كريمان مع انها الاقوي بس ده ال علي كان طلبه من صلا وهو الشخص ال ظهر لبرو علشان متستغربش)
وهنا برو قرر انه يكلم كرونيتش بنفسه واتصل بيه
برو: فين الذئب
كرو: اي واحد فيهم
برو: فين علي
كرو: رجع من الموت وهيتجمع معانا النهارده ف بيت جده
برو: طب إزاي
كرو: معرفش ده ال حصل
برو: ماشي سلام وقفل معاه وقعد يفكر ف ال جاي
برو: شكل ال جاي هيبقي دمار ع الكل...............
//////////////////////////////////////////////////////////
في اوضه سليم
قاعد مع امه لمياء وهو متوتر وخايف
لمياء: ازاي عايش لحد دلوقتي انت مش قتلته
سليم: وسلاحي غرز جواه
لمياء: جدتك لازم تعرف كل ال حصل دلوقتي
سليم: متقلقيش حصل كل ده وحسيب بلغها قبلي وطلعت كانت بتنفذ هجوم علي الشركه بتاعه روسيا ال بتساعد العائلات
بس للاسف هجومها فشل وكانت هتموت
لمياء: يبقي كده علي ليه دخل المهم هتتصرف إزاي
سليم: مش عارف اي ال هيحصل بس شكله مش خير ابدا.........
////////////////////////////////////////////////////
تاني يوم
وخصوصا في المطار نلاقي راجل كأن الزمن رافض يعدي عليه وعيونه بتفيض بشوق وحنين كبير لبلده خارج من المطار واول ما خرج فضل يبص ع كل حاجه حواليه ومره واحده الحنين ال ف عينه اتحول لاصرار وغموض وقال.....
حسين: دلوقتي جه وقت رجوع الامانه لصاحبها..............
////////////////////////////////////////////////
في قصر الطحاوي
كان الكل متجمع هناك ماعدا العرسان وكله متحمس علشان يقابل علي بس الولاد كانوا متحمسين اكتر (ليث وغيث ويحيي وعهد ولاد علي و أسر و تمارا ولاد مجدي وسليلن وعلي و رقيه ولاد حسن وسيدرا ورقيه دي اتولدت بعد موتي وعندها 3سنين) وكان الكل منتظر وجودي وفجاءه دخلت عليهم
أنا: قبل ما اتكلم او اقول حاجه خلوني اسلم عليكم وفعلا بداءت اسلم عليهم واحد واحد لحد ما وصلت لاختي سيلين ال حضنتني وفضلت تعيط جامد وبعدين مجدي ال مكنش عايز يسبني نهائي وبعدين قربت من حسن وبصينا لبعض
أنا: وحشتني يا ابو علي (طراخ بوكس ف وشي)
حسن وهو بيحضني: وحشتني يا اخويا مكنتش عارف اعيش من غيرك كويس انك رجعتلنا بالسلامه
سبته وروحت سلمت علي سيدرا وحضنتها لانها زي اختي بالظبط وبوست البنوته وهي ف اديها وبعدها وصلت لأمي
أناوأنا بوطي ابوس أيدها: وحشتيني ياست الكل
راحت حضناني وفضلت تعيط لدرجه اني دمعت وبعدها سلمت علي ابويا وجدي ياسين وجدي سليمان والباقي ووقفت وبصيت علي إيار وسلمي وفتحت ايدي مره واحده لقيت الاتنين دخلو في حضني وفضلو يعيطو جامد ويبوسو فيا
أنا: اهدو أنا معاكو اهو وفعلا قدرت اهديهم وبصيت بعدها علي الولاد وكلهم كانوا مركزين معايا اوي كانهم بيتفحصوني
أنا: ممكن يا حلوين تستنوا اني اخلص كلام مع الكبار واجيلكم
يحيي: ليه يعني هما احسن مننا
انا ببص لسلملي وايار: ده ابني صح
ياسين: يلا يا يحيي العبو بره وبابا هيجيلكم بعد ما يخلص
يحيي بزعل: حاضر يا جدو وكلهم خرجو
حمزه: كنت فين يا بني كل ده واي ال حصل
أنا: كنت ف ارض الانبساق
اول ما قولت كده لقيت الكل اتصدم واتخض وبان عليهم القلق
ياسين: واي ال حصل هناك وانت راجع بقالك اد أي
أنا: راجع قبل عيد ميلادي
إيار: وكنت فين كل ده
أنا: هتعرفي بعدين واحنا في بيتنا
سليمان: ما تقول يا ابني وتطمنا
أنا: معلشي يا جدي ده يخص ايار وسلمي وبس
سلميان: ال تشوفه يا ابني أنا آسف ليك
قومت بسرعه وبوست ايده: متقولش كده يا جدي
سليمان: **** يحميك يا ابني
أنا: حبيبي يا سولم
بصيت لعمتي ولعم إبراهيم وأنا ببتسم
أنا: ساكته ليه يا شوشو وانت ياعم ابراهيم
ابراهيم: كفايه عليها اني شوفتك قدامي يا ابني
شيماء: مهما اوصفلك يا ابني مش هقدر اقولك ال جوايا
أنا: عارف يا حبايبي
ياسين: دلوقتي احكيلنا كل ال حصل
أنا بداءت احكيله كل ال حصل مع صلا ماعدا موضوع التخفي والنوري وحكيتلهم اني ال طلبت من صلا يبلغ العارف انه يقول لباكر علي تأمين القصر وكمان علي تأمين الشركه
ياسين: يعني انت كنت عارف ان ده هيحصل
انا: كان احساس جوايا وبس
ياسين: إزاي يعني
ربيع: خلاص يا بابا المهم انه ف وسطنا
أنا: تسلم يا عمي يلا أنا هخرج للولاد تعالي معايا حسن انت ومجدي عايزكم كمان وهاتو البنوته العسل دي معانا
حسن: تعالي يا رقيه وادهالي وخدتها وخرجنا للولاد.....
//////////////////////////////////////////////////
في مكان شبه المعابد
قاعد الراجل ال لابس زي روب اسود وليه غطا للراس وقدامه الشمعدان السباعي ونجمه داووود دخل عليه واحد لابس زيه بس مش مغطي راسه وانحني قدامه
الخادم : سيدى قائد المحفل
القائد: اي ال حصل في اي
الخادم: جنود الشيطان انهزموا وملك الوادي رجع تاني
القائد بخضه: إزاي مش كان مات
الخادم: ده ال حصل وبلغت بيه ساره
القائد: خليها تقابله والاهم لازم هي والعائلات يكسفو شغلهم ولازم يعرفو مين صاحب شركه le loup ولازم ساره تعمل شراكه معاهم غير شركاتها ف الشرق الأوسط والاهم تدخل مع علي في شراكه او مع عهد من عائلات العهد
الخادم: اوامرك يا سيدى ومشي وبعدها القائد كان بيفكر
القائد : ياريتك كنت من بني اليهود ياعلي...............
/////////////////////////////////////////////
نرجع عندي أنا
خرجت للأطفال ال اتجمعو حواليا إلا يحيي ابني
أنا: تعالي يا يحيي واقف بعيد ليه
يحيي: أنا كده كويس يا بابا ( اول ما سمعت الكلمه دي حسيت ان جسمي كله اتهز وقلبي فضل يدق جامد)
أنا: هو أنا مش وحشتك ولا أي
يحيي وهو بيجري عليا ويحضني: لا وحشتني اوي وكان نفسي تكون معانا علشان نقول لاصحابنا اننا عندنا بابا زيهم
أنا بحزن: متزعلشي يا حبيبي أنا خلاص هبقي معاكم ديما
حسن: مش انت كنت عايز تتمرن يا يحيي
يحيي: ايوا يا ابو علي
مجدي: خلاص بابا ال يدربك يا يحيي
يحيي: بجد يا بابا
أنا: اه يا حبيبي وهدربكم كلكم كمان
غيث: بس عهد لا
أنا: ليه يا استاذ دي بنتي وأنا حر
غيث: بس برد اختي ومش هتستحمل وأنا حر بردو
مجدي: انسي يا معلم ان حد يكلم عهد و غيث موجود
أنا: شكلي داخل علي جنان وضحكنا
أنا: حسن متنساش خالد ابن نجلاء لازم يتدرب كويس وتهتمو بيه كمان وتبعت ناس تجيبه بعد بكره وكمان ناس يوصلو نجلاء لحد المنصوره
حسن: اعتبره حصل بس انت ناوي ع أي وخصوصا بظهور ساره يعقوب و داوود اسحاق
أنا: كله هيبان بكره لما تجيلنا.....
///////////////////////////////////////////
في فيلا ساره
قاعده ساره وداوود بعد ما جالهم التعليمات و وصل ليهم شاهين و وفاء وكنا متجمعين الاربعه
ساره: دلوقتي التعليمات وصلت وجه دوركم
شاهين: اؤمريني
ساره: عايزك تضم سليم لينا بأي طريقه
شاهين: مع انه صعب بس الطريق سهل
داوود: وانتي يا وفاء عايزك تعرفي اي اخبار جديده واي حاجه تخص ياسين الطحاوي وعائلات العهد ال جوه وبره مصر
وفاء: اعتبره حصل
ساره: وعايزاكي تعرفيلي كل حاجه عن ابراهيم جوز شيماء الطحاوي وعلاقته ب هيام مرات حمزه
وفاء: حاضر كل حاجه هتبقي عندك
ساره: بكره هبقي عندهم في الشركه وهنشوف اي ال هيحصل اي نفسي اشوف شكل الراجل ال كله عمله حساب ده.....
/////////////////////////////////////////
نرجع عندي أنا
طبعا امي رفضت اننا نروح نهائي وقررت ان الكل يبات ف قصر جدي وجدي طبعا صدق ع كلامها وفعلا نمنا هناك وتاني يوم قررت انزل الشركة (سميتها شركه العهد) وروحت وعرفوني كل حاجه حصلت بخصوص مقابله ساره وداوود
أحمد: واهي كمان ربع ساعه هتكون هنا
حسن: انت كنت تعرف انها هتيجي
مجدي: متتعبش نفسك هيقولك احساس او توقع
أنا: بالظبط كده وهنا يدخل السكرتير يعرفنا أن ساره وداوود وصلوا بره وخليناهم يدخلوا وفعلا دخلو المكتب
ساره: بونجور يا جماعه
كلنا: بونجور اسي ڤو ( يعني اعدو بالفرنساوي)
( طبعا هما ميعرفوش شكلي ولا يعرفوا أنا مين)
داوود: افتكر ندخل ف الموضوع ع طول ياتري رأيك اي في العرض ال عرضناه عليك يا مستر حسن
أنا: واي هو العرض
ساره باستغراب: ومين حضرتك
أنا: علي الطحاوي رايس مجلس اداره الشركه دي
ساره بانبهار : سوري مستر علي كويس ان حضرتك رجعت من الموت لدرجه دي حضرتك قوي
أنا: جدا اصلنا فراعنه ومن كتر ما كنا بنهتم بالقطط زمان بقينا زيها ب سبع ارواح
داوود: ال حمدلله بالسلامه
ساره: حلو لما تبقي 7 زينا رمزنا فيه الشمعدان السباعي
أنا: سبعه عن سبعه تفرق المهم اي هو عرضكم احب اسمعه
ساره: احنا عرضنا شراكه معاكم ب 3اضعاف شركه le loup او شراكه معاكم انتم الاتنين بعد ما حصل الدمج
أنا: وانا احب اقولك ان العرضين مرفوضين
داوود: وانت بصفتك اي ترفض العرضين انت تتكلم عن شركتك وبس لكن الشركه التانيه لا
أنا: بصفتي رايس مجلس اداره شركه العهد والاهم اني أنا صاحب شركه le loup وبقولكم عرضكم مرفوض والمقابله انتهت اتفضلو
( طبعا هنا كل ال موجود اتصدم وخصوصا ساره وداوود ال قاموا وهما بيجرو خبيتهم وراهم وفوقيها خزوق صح)
أنا: استنوا
ساره ودوواد: نعم
أنا: احب اقولكم حاجه قبل ما تمشو عايزكم تعرفو ان اللعب معايا حاجه تانيه واعرفوا كويس أنا ال جاي لافيه راحه ولا براحه....................... يتبع
( معلشي متاثر بالبحراوي سيكا 😂)
////////////////////////////////////////////
الدنيا عامله زي المدرب ال بيجهزك علشان تنزل الماتش تبدع وتطلع كل ال عندك بعد ما يفضل راكنك ع الدكه وعلي هنا رجع من الموت ونزل الملعب وقرر يهاجم ياتري هيعرف يجيب اجوان ولا هيتعمل عليه هجمه مرتده واي ال هيحصل مع كل الشخصيات و خصوصا الشخصيات المجهوله وكمان اي دور حسين ال رجع من بره مره واحده ده واي ال هيحصل بالظبط كل ده واكتر هنعرفو في الاجزاء الجايه كنتم مع اليتيم الجزء الثالث من السلسله الثانيه انجوووووووي 😍😘
الجزء الرابع
///////////////////////////////////
إحنا مش شبه بعض؛ قوة تحملنا مش متساوية؛ اللي أنت بتقدر تعديه، غيرك بيحسه هم تقيل، بيكمل وهو موجوع وشايله تقل على روحه.. فلو مش قادر تفهم؛ متلومش على حزن وتعب أنت مش قادر تستوعب أسبابه.. مفيش إنسان بيستحمل التأنيب وهو بيتألم........
/////////////////////////////////////
عندي في البيت
تاني يوم بعد ما قابلت ساره وداوود رجعت البيت و قاعد في اوضه عاملها لنفسي ومهما حصل وأنا جواها محدش يدخل عليها فيها الاوضه كانت اخر اوضه ف البيت وليها مكان زي البلكونه كده ( وده مكاني المفضل ف الحقيقه) قاعد فيها وعمال افكر ف كل ال حصل وال لسه هيحصل وبفكر في عيلتي و ولادي ومش عارف اي ال هيحصل وخايف عليهم فجاءه لقيت صلا ظهر قدامي مره واحده وكان بيضحك
أنا: خير
صلا: مش عاوزني ازورك ولا أي
أنا: لا إزاي هو أنا ورايا غيركم
صلا: ماشي يا علي هقولك حاجه خليك ديما عارفها
أنا: من غير ما تقول أنا عارف أن كل ال بيحصلي ده علشان ده دوري ال اتخلقت علشانه وهتقولي أن ده قدري
صلا: ما انت عارف اهو مالك بقا
أنا: وأنا رضيت ومشتكتش لحد بس محدش يقدر يمنعني اني اشكي لنفسي وافضفض معاها ولا مش من حقي
صلا: محدش يقدر يقول كده بس ناوي ع اي ف ال جي
أنا: من نحيه أي
صلا: كل حاجه وخصوصاً الملوك
أنا: مالهم
صلا: هيطلبو يقابلوك
أنا: وماله متخفش اذا كنت انت نفسك متعرفش أنا اعرف أي
صلا: تمام باكر هيجيلك يبلغك دلوقتي واختفي وبعدها لقيت إيار بتتخاطر معايا بتعرفني أن باكر عايزني تحت قومت نزلت تحت لقيت إيار وسلمي والولاد ومعاهم باكر
أنا: خير يا باكر في حاجه ولا أي
باكر: جايلك برسالة يا جناب الملك وبينحني
أنا: باكر مليون مره قولتلك أنا علي وبس ولا ملك ولازفت
باكر: بس يا علي
أنا: مبسش خير ف أي
باكر: مجلس الملوك وجناب الكاهن الاعظم عايزين يقابلوك
أنا: تمام عرفهم ان هكون عندهم ف اقرب وقت
باكر: ماشي يا علي سلام واختفي ( بعدها لقيت إيار وسلمي بيبوصولي اوي ومركزين معايا)
أنا: ها قولو ال عندكم
إيار: بص أنا مش هسالك انت كنت فين
سلمي: ولا أنا بس مش ملاحظ انك راجع بعد 4 سنين ومعبرتش اي حد فينا ولا انت لسه عايش ف غربتك
أنا ببرود: وبعدين عاوزين أي
سلمي: ولا حاجه وجريت ع فوق وهي بتعيط
أنا: وسمو الأميرة إيار مش عايزه تقول حاجه
إيار: كفايه عليك نوجا مش بردو كنت عندها اول ما رجعت
أنا بضحك: اه كنت عندها ونمت معاها كمان عايزه حاجه
إيار بدموع: لا مش عايزه حاجه خالص
أنا: ماشي أنا خارج ومعايا الولاد وسيبتها ومشيت.....................
///////////////////////////////////////////////
في مكان ع البحر
واقفه ليلي وعماله تفكر وشوقها وحبها لسليم خلاها تعيط وهنا يظهر سليم ال كان بيراقبها وقرر يروحلها
سليم: مفيش حاجه تستاهل دموعك يا ليلي ولا حتي أنا
ليلي متفاجاءه: سليم خير عايز أي
سليم بحب: مش عايز غيرك انتي وبس
ليلي بتوتر: قولتلك أنا مش هبقي لحد اناني مبيحبش غير نفسه
سليم: لو كنت اناني مكنتش فضلت مستنيكي كل ده أنا لاحبيت وبحب ولا عرفت الحب غير لما قلبي دقلك يا ليلي
ليلي: بس أنا خايفه منك يا سليم وكان نفسي تتغير
سليم بيمسك ايديها: اوعدك هتغير بس وانتي جنبي ومعايا وبعدين أنا فعلا بداءت التغير وخلاص هستقل بنفسي
ليلي: إزاي يا سليم
سليم: خلاص أنا بداءت اسس شغل لنفسي وهستقل بنفسي بعيد عن اي حاجه تخص العيله
ليلي بفرح: أنا فخوره بيك اوي يا سليم
سليم: يعني موافقه اطلب ايدك من شاهين
ليلي بكسوف: موافقه
سليم: بحبك اوي يا ليلي
ليلي: وأنا كمان...................
/////////////////////////////////////////////////
في مجلس الملوك
كانوا متجمعين ومعاهم العارف وكمان ساندرا ويظهر عليهم باكر
كوش: ها يا باكر وصلت الرساله
باكر: حصل جلالتك
شقير: وكان اي الرد يا باكر
باكر: قال انه هيكون هنا ف اقرب وقت
العارف: تمام يا باكر دلوقتي تقدر تمشي وخليك جنبه وعايزك انت ال تجيبه وتيجي ع هنا
باكر: تمام جنابك بعد ازنك واختفي
كوش: ناوي ع اي جنابك
العارف: ناوي ع العهد القديم وع حراسه لعلي من المعبد
شقير: وتفتكر علي هيوافق
العارف: الأهم علي كان فين وعرف أي
عشتار: وليه منسالش صلا
العارف: ودي حاجه تفوتني
كوش: وقالك أي
العارف: مقالش حاجه خالص وقالي اعرف من علي
شقير : عموما احنا ف انتظاره وهنشوف.............
////////////////////////////////////////////////
في كافيه ع البحر
قاعد احمد مع حياه هناك والاتنين بيتكلمو
حياه: بس غريبه ال حصل ف الفرح اوي
أحمد: توقعي اي حاجه في عيلتنا
حياه: واضح اوي
أحمد: المهم كنت عايز أسألك ع حاجه
حياه: طبعا اتفضل
أحمد: انتي قولتي ان عندك اخت مسافره صح هي هتيجي امتا
حياه: صح بس معرفش هي هترجع امتا لانها عايشه لنفسها وبس غير كده ميفرقش معاها حد بس بتسأل ليه
أحمد: ابدا كنت عايز اطلب ايدك منها
حياه بسكوف: اعتبر ده عرض ولا هزار
احمد وهو بيمسك ايدها: اعتبريه واقع وهنفذه ومش هسمح بأي طريقه انك تكوني لغيري أنا بحبك يا حياه انتي الوحيده ال حركتي قلبي ومستني موافقتك علشان اجيلك بيتك قدام الدنيا كلها واخدك
حياه وهي بتقوم محمره: بكره الساعه 8 هستناكم وجريت
احمد: مجنونه بس بحبها............
//////////////////////////////////////////////////
في الدار
كنت وصلت هناك وكان معايا الولاد وكمان مجدي جه ومعاه نوجا وابنها خالد واتقابلنا في الدار كلنا
يحيي: احنا جاين الدار ليه يا بابا
أنا: علشان نقابل طنط ال جايه هناك دي
يحيي بضحك: تقصد نوجا
نوجا بتضحك وهي بتحضن يحيي: حبيب قلب نوجا
انا لمجدي: فهمني يا استاذ
مجدي: متنساش الامانه بتاعت نجلاء من وقت ما وصلتها وهي كل شهر بتجيلنا القصر تقضي اسبوع ف القصر
أنا: ماشي ولادك فين
مجدي: هيجو من حسن ف الطريق دلوقتي
أنا: ماشي خليكم هنا يا ولاد تعالي معايا يا خالد عايزك
خالد: حاضر يا عمو وخدته واتمشينا ف الدار وبداءت اتكلم
أنا: انت عارف انت هنا ليه يا خالد
خالد: ايوا يا عمو علشان ماما بتعاقبني
أنا: وبتعاقبك ليه
خالد: علشان بسال عن بابا وبعمل مشاكل
أنا: ولو قولتلك ان باباك هو سبب المشاكل
خالد: ازاي يا عمو
أنا: كان وحش وكان هيازي مامتك ويازيكو كمان ومامتك اختارتكم انتم وسابته وهي مش بتعاقبك هي جيباك هنا علشان تتدرب وتتعلم ازاي تكون راجل فهمت
خالد: ايوا يا عمو فهمت
أنا: وهتبقي راجل ولا هتكون عيل
خالد: لا ياعمو راجل وهتشوف
أنا: ماشي يا خالد تعالي (روحت لقيت حسن جه والكل متجمع ومعاهم ربيع و زروف وكمان باكر)
أنا للولاد كلهم: دلوقتي يا حبايبي انتو هتتدربو هنا وكل حاجه هتعملوها هنا طول فتره اجازتكم هتبقي هنا وعايزكم تعرفو ان خالد اخوكم الكبير وعايزكم تسمعو الكلام والاقيكم زي الشباب الكبيره دي اتفقنا دلوقتي هتروحو وبكره هتيجو هنا وانت يا خالد هتروح مع مامتك ف بيتك ال هنا وبكره هتيجي
( وبعدها مجدي خد ولادي و ولاده وابن حسن ومشي وكمان نوجا خدت خالد ومشيت هي كمان)
ربيع: مش شايف أن الولاد صغيرين اوي ع التدريب
باكر: أنا بردو شايف كده
أنا: الصغير بكره يكبر عايزكم تبداؤ معاهم وركز معاهم يا زروف كويس وعايزك تشوفهم بيحبو اي ونميه جواهم
زروف: اعتبره حصل
أنا: باكر بلغ العائلات ان في اجتماع بعد 3 ايام
باكر: تمام
أنا: ومتنساش تجبلي اخبار الناس ال ف السودان
باكر: حاضر يا علي
أنا: وبعد بكره نروح الزياره يلا سلام ومشيت وهما استغربو.....
////////////////////////////////////////////////
في شركات الطحاوي
قاعد سليم ومعاه شاهين بيتكلمو ف الشغل
شاهين: ناوي ع اي الفتره الجايه
سليم: خلاص أنا قررت افتح شركه مع نفسي اي رأيك
شاهين: حلو اوي خطوه اتاخرت كتير يا صاحبي
سليم: خلاص يا شاهين أنا نويت استقل بنفسي خالص واعرف الكل مين هو سليم الطحاوي
شاهين: وال يساعدك ع كده
سليم: يبقي خدمني خدمه العمر
شاهين: الشراكه هي الحل
سليم: مع مين
شاهين: ساره يعقوب
سليم بخضه: مين وازاي اصلا
شاهين: اسمع بس أنا عملت كده قبلك وصدقني في مصلحه كبيره فكر ونتقابل باليل ولو وافقت هخدك ونروحلها
سليم: تمام واعمل حسابك احتمال نزوركم قريب
شاهين: تنورو وفجاءه ادخل عليهم من الباب مره واحده
سليم بغضب: اي ال جانبك هنا يا بتاع انت
شاهين: اهدي يا سليم مش كده
أنا: سيبه يا شاهين بس الظاهر ان البيه نسي اني ليا زيه هنا واكتر كمان بعد الدمج ولا البيه ميعرفش أني صاحب شركه le loup ال انقذتكم فوق يا سليم أنا سايبك بمزاجي
سليم: ولا تعرف تعمل حاجه يا ابن الدار
فجاءه هجمت عليه وثبته في الحيطه وقربت من ودنه
أنا بصوت زي الفحيح: أنا اقدر اعمل اكتر من كده بس ف الأول والآخر انت اخويا بس ممكن انساك ف ثواني ادعي بقا اني منساش الفتره دي سلام يا اخويا ومشيت...........
سليم بغضب: أنا جاي معاك باليل يا شاهين........
/////////////////////////////////////////////////////
في العالم الآخر
قاعد سائيل مع ولاده ومراته ودخل عليهم ناتا
ناتا: مولاي ادهم حضر زي ما حضرتك امرت
سائيل : خليه يدخل (وفعلا ادهم دخل)
ادهم: مولاي حضرتك طلبتني
سائيل: دلوقتي عايزك تبداء تتحرك
ادهم: في اي اتجاه يا مولاي
سائيل: ابعد عن عيله علي شوف مين ال هيوجعه من بره العيله
ادهم: تمام جلالتك
سائيل: وبلغ رجاله المحفل انهم يكثفو جهودهم وكمان اهتم بالفريقك كويس واستغل كريمان هتفيدك اوي
ادهم: اوامر جلالتك اي حاجه تانيه
سائيل: تقدر تمشي بس حذاري انك تفشل يلا امشي
بعد ما ادهم مشي ناتا دخل وهو بيجري
ناتا: جلاله الملك الامير لافون وصل
سائيل بفرحه: خليه يدخل فورا ( وهنا يدخل لافون ال يبان عليه من اول ما تشوفه انه الشر بعينه ويبان قوته الكبيره)
لافون: مولاي سائيل ملك العالم الآخر وزعيم الظلام
سائيل بيحضنه: وحشتني اوي يا ابني
لافون حضنه وسلم علي امه واخواته
لافون: اي اخر الاخبار
سائيل: شكل اللعب هيحلو جاهز
لافون بشر: جاهز جدا
سائيل لنيسان: تقدري دلوقتي تتحركي
نيسان بفرحه: حاضر يا بابا واختفت
سائيل: اجهز يا لافون علشان نجدد العهد ونشوف اخرتها مع ال اسمه علي ده......................
//////////////////////////////////////////////
في مكان بعيد عن الانظار
نلاقي لمياء واقفه ومعاها كريمان ومعاهم سليم كمان
كريمان: اي الاخبار دلوقتي
لمياء: مفيش جديد ف البيت من بعد ما علي جه بس حتي اجتماعهم معرفش اي ال حصل فيه
كريمان: إزاي انتي مش معاهم
لمياء: متتخيليش كانو بيتكلموا بصوت واطي إزاي
كريمان: وانت يا سليم
سليم: حكالها عن الشركه وعن ال قالو شاهين
كريمان: اسمع كلامه وشارك ساره دي من كبار المحفل
سليم: لما اقابلها هعرف كل حاجه
كريمان: تقصد أي
سليم: لازم احدد موقفي معاها ولا مش من حقي
كريمان: لا حقك بس اشمعنا
سليم: لأني نويت اتجوز
لمياء وكريمان بستغراب: مين
سليم: ليلي النمر
كريمان: اخت مجدي
سليم: واخت شاهين بردو
كريمان: ماشي يا سليم مبروك بس تعاون مع ساره ولو احتجت حاجه روح لعين السراج واعمل حسابك هتقابل ادهم قريب
وسابتهم واختفت خالص.............
/////////////////////////////////////////////////
في البيت عندي
إيار قاعده ف قاعه عاملها للتدريب عماله تتدرب وهي مخنوقه بسبب طريقتي معاها و ف عز تدريبها تظهرلها نيسان
إيار بهدوء: جايه ليه يا بنت سائيل
نيسان: بلاش ازور صاحبتي وال ابوها ابن عمي
إيار بضحك: صاحبتك انتي عمرك ما كنتي صاحبتي انتي طول عمرك بتغيري مني فاكره لما كنت بهزمك ديما ف اي قتال جامعنا سوا وكنتي بتعيطي
نيسان: ده كان زمان تحبي تشوفي ياريت
إيار: وماله بس احب اعرف الأول جايه ليه
نيسان: ابعدي جوزك احسن له واحسنلك
أيار: ولو مبعدتوش انتي ال هتقفيله ولا شيرون ولا امك ولا ابوكي مين بالظبط
نيسان: لا لافون
أيار بتوتر حاولت تداريه: قولتي ال عندك وريني بقا
(وهنا إيار يظهر حواليها درع ع شكل صقر وعيونه بتطلع زي نور وحواليها هاله بيضه)
نيسان : بس كده يلا ( هنا يظهر حواليها درع ع شكل عنقاء لونها اسود وعيونها بتطلع ضوء اسود وحوليها هاله سوده)
وهنا بتهجم نيسان ع إيار وحاولت تضربها بس إيار تصدت لكن لما إيار حاولت ترد الضربه معرفتش بسبب سرعه نيسان
نيسان بتضحك: متستغربيش اصل لافون ضربني شوفي بقا هيعمل اي ف جوزك وهجمت ع أيار وضربتها ف بطنها جامد لكن إيار مسكتتش ووجهت ليها ضربتين ف صدرها
إيار: خافي انتي ع نفسك واخوكي من جوزي (وهنا بقاطعهم)
أنا: اعتقد ان جوزك قادر يرد بنفسه
(هنا الاتنين رجعو لطبيعتهم ولقيت نيسان بتبصلي اوي)
نيسان: انت بقا علي
أنا: ايوا أنا وانتي بقا بنت سائيل
نيسان: ايوا أنا وبقولك خاف ع نفسك وع ال حواليك
أنا وأنا بقرب منها: اصل أنا مبخفش ومبتهددش بس لو كنت اعرف أن سائيل عنده بنت حلوه كده كنت عملت كتير
