الاخ الروحى وقلوب حائرة

رواية الاخ الروحى وقلوب حائرة

الفصل الاول 1

تعريف الشخصياات ..

مروان البلبيسي..شاب عنده اربعين سنه شكله وسيم جسمه رياضي اسمر البشره شخصيته قويه جدا عنده برود في المشاعر بعد مافقد حب عمره مراته سها اللي ماتت في حادثه عربيه اودام عنيه ومن وقتها وهو حرم علي نفسه جنس حواء خريج تجاره عنده شركه استراد وتصدير

ناهد الام ..ارمله زوجها اتوفي ومن وقتها وابنها وحيدها مروان وصديقه وحبيبه احمد هما اللي بيرعوها وياخدوا بالهم منها لانها مريضه قلب بتحب ابنها مروان جدا ونفسها ان تشوفه مرتاح في حياته ومتجوز بنت عمه حسناء اللي عارفه انها بتحبه من صغرها

احمد لاشين ...صاحب وحبيب مروان من زمان عنده 55 سنه وسيم الشكل وبيشتغل مع مروان في نفس الشركه مدير اعماله

حسناء البلبيسي ..بنت جميله عنيها خضره شعرها اصفر لون بشرتها قمحي عندها 25 سنه طيبه جدا وبريئه وعفويه بس مشكلتها هوسها بمروان ابن عمها اللي بتحبه من صغرها حتي مراته كانت بتكرها بسبب جنونها بحب مروان خلصت كليه تجاره مخصوص عشان تبقي زيه وعلي امل ان تشتغل معاه في الشركه فاتقرب منه ويحبها

كريمه الام ..ست طيبه وحنونه جدا علي حسناء اللي مجابتش غبرها بسبب كانسر ف الرحم وده اللي حرمها بعدها من الانجاب روحها وحياتها بنتها وجوزها مدحت ابو حسناء

مدحت ..ابو حسناء راجل طيب وبيحب مراته وبنته جدا رغم ان عنده فلوس كتير ومصانع الا انه عامل بيت عيله كبير بكذا دور عشان مرات اخوه وابن اخوه مروان يعيشوا معاه ويكونوا كلهم قريبين لبعض وتحت ظله

ليلي ..صاحبه حسناء وبير اسرارها واقرب صديقه ليها بنوته جميله بيضه وشعرها اسود وعنيها سوده وواسعه بتحب حسناء كانها اختها

حسنااااااااااء انتي يابت

صوت كريمه بتنده علي حسناء وبتدخل عليها اوضتها تلاقيها واقفه في البلكونه كالعاده

كريمه بعصبيه ...برضوا واقفالي في البلكونه مفيش فايده فيكي ابدا

حسناء بخضه ...حرام عليكي ياماما انتي بتزعقي كدا ليه فزعتيني

كريمه بغيظ منها ...بزعق ماهو انتي لو مركزه ياختي هتعرفي اني بنده بقالي كتير لما صوتي اتنبح عشان تيجي تعملي معايا الفطار

حسناء بتبرير ..والـلـه ياماما ماسمعتك وكملت

وبعدين ياحبيبتي انتي ليه بتضايقي كده لما اقف في البلكونه

كريمه بحزن علي بنتها قالت...عشان عارفه انتي بتقفي ليه ياحسناء بتقفي عشان تلمحيه وهو جاي من شغله

حسناء بتوتر ...انتي انتي تقصدي مين ياماما انا مش فاهمه انتي بتتكلمي علي ايه

كريمه بتاكيد ..لا ياحسناءانتي فاهمه وانا فاهمه انتي.مفكراني اني مش عارفه حبك لمروان لا ومن زمان كمان

كملت بحزن شديد ..حبك مكشوف يابنتي حتي هو نفسه عارف بس انتي بتشوفي منه ايه غير وجع القلب عمره بصلك حتي ولا قالك كلمه حلوه حتي لو باعتبارك بنت عمه مش حاجه تانيه فوقي يابنتي فوقي قبل مايتكسر قلبك تاني زي ماتكسر اولاني لما اتجوز

قالت كلامها عشان تفوقها وسابتها وخرجت من الاوضه وقفلت الباب وراها قبل ماتشوف انهيار بنتها قدامها وكسرتها لانها عارفه ان كل كلامها صح فلازم تفوق

باب الاوضه اتقفل عليها وسمحت لنفسها بقا بالعياط اللي كتماه وهي بتسمع كلام امها اللي مفيش منه كلمه غلط

هي متاكده ان حبها المرضي ده لمروان غلط خاصه انه مش شايفها اساسا ولا بيعمل حاجه غير انه يجرحها بس هتعمل ايه في قلبها اللي اختاره

انهارت من العياط وهي بتكلم نفسها بحزن ودموع مش بتقف ...

اعمل ايه في قلبي اللي حبك يامروان نفسي تكون ليا في يوم انا مش شايفه راجل غيرك من اول مابدات اعرف معني كلمه حب

كملت بانهيار كانها بتكلمه هو .....اتجوزت وجرحتني وكنت بشوف حبك لمراتك اودامي وانا بتحرق من جوايا شوفت ايه مني انت عشان استاهل منك كده شوفت مني ايه انا قلبي وجعني منك يامروان قلبي واجعني اووي

الفصل الثاني 2

بعد وصله عياط دامت لساعات وانتهت بنوم حسناء ودموعها علي خدها بقهر

تاني يوم صحت علي صوت مامتها الحنون وهي بتهزها براحه

كريمه بحنان ..حسناء قومي ياحبيبتي عشان نفطر سوا انا عملتلك الاكل اللي بتحبيه

حسناء بتعب من عياطها المتواصل واللي اثاره باينه علي عنيها ..

ايوه ياماما هقوم اهو ياحبيبتي حصليني انتي بس وانا هفوق وجايه وراك

كريمه باستسلام ..خلاص براحتك ياحبيبتي بس بسرعه عشان الاكل مايبردش

بعد كريمه مامشت حسناء قامت دخلت الحمام وخدت شاور واتوضت وصلت فرضها وبعدها لبست احلي فستان عندها وسرحت شعرها وكانت جميله جدا كالعاده

خرجت لمامتها لقيتها قاعده مستنياها علي التربيذه وقدامها الاكل

راحت لعندها وباست ايديها وقعدت جنبها عشان ياكلوا سوا

حسناء باستغراب ...ماما الا صح بابا فين مبيفطرش معانا ليه

كريمه ..ابوكي ياحبيبتي فطر هو من بدري عشان يروح المصنع وانا قولت استناك

حسناء بحب ...ربـنـا يخليكي ليا ياماما ويعينك يابابا ويديك الصحه ياحبيبي

كريمه بحنان ..امين يارب ياحبيبتي ويباركلنا فيك

حسناء بتوتر ..مااااما هو يعني ينفع يعني خلاص

كريمه ...الـلـه متتقولي يابت علي طول عايزه ايه

حسناء بحرج ..هو يعني ممكن اما اخلص اطلع اطمن علي طنط ناهد مرات عمي يعني عشان لو عايزه حاجه وكده

كريمه بعتاب ..برضوا يابنتي مافيش فايده حتي بعد كلامي معاكي امبارح

حسناء بحزن ..وبعدين بقا ياماما هو كل ما اقولك اطلع لمرات عمي تقعدي تسمعيني كلام يدايقني صدقيني ياماما متخافيش عليا مفيش حاجه من اللي في دماعك

كريمه بعدم اقتناع ..خلاص ياحسناء انتي حره بس افتكري اني حظرتك عشان مترجعيش تعيطي

حسناء قفلت الكلام علي كده عشان متسمعش من مامتها اللي يوجع قلبها

خلصت الفطار وشالت الاطباق مع مامتها وساعدتها في غسيلهم وبعدها خرجت عشان تطلع تشوف مرات عمها

اوبمعني اصح مروان حبيبها اللي معذبها وتاعب قلبها

لسه جايه تخبط علي الباب بعد ماوصلت للشقه لقت اللي بيفتح الباب

اتخضت قلبها دق كتير لدرجه انها حطت ايديها علي قلبها لانها حاسه انه هيقف خاصه لما شافت االي بيبصلها بقسوه وبرود كالعاده

مروان بتريقه ...ها البرنسيسه هتصورني ولا حاجه

وكمل بقسوه...عايزه ايه ياحسناء

حسناء اللي بتبصله ببلاهه واتكلمت بحب مش عارفه تخفيه ..

انا انا انا كنت جايه عشان اشوف مرات عمي وكويس اني شوفتك واطمنت عليك انت كمان

مروان ببرود ...بجدد طب ياستي اناكويس ومرات عمك كويسه ادخلي شوفيها بدل ماانتي متنحه ومعطلاني علي شغلي كده

حسناء باحراج وحزن ..طيب انا اسفه اتفضل انت وانا هدخل اشوف طنط ناهد

مروان ببرود ..طيب سلام

مشي مروان بعد ما اتجاهل الحزن الواضح جدا في عنيها

دخلت حسناء لقت مرات عمها خارجه من اوضتها شافتها رحبت بيها جدا

ناهد بترحيب وحب ...اهلااااا بالسكر بتاعنا اذيك ياحسناء عامله ايه ياحبيبتي واذي كريمه ماطلعتش معاك اشوفها ليه

حسناء حاولت تنسي حزنها من معامله مروان ليها واتكلمت بحب ...تسلميلي يا طنط انا كويسه ياحبيبتي وماما هتبقي تجيلك مره تانيه باذن الـلـه

ناهد اللي لحظت الحزن في عنيها بتحاول تخبيه مسكت ايديها واتكلمت بحنان ...مالك ياحسناء عنيكي حزينه ليه ياحبيبتي انتي قابلتي مروان قالك حاجه ضايقتك

حسناء بحزن ودموع نزلوا غصب عنها ...لا ابدا ياطنط مقاليش حاجه انا كويسه ياحبيبتي متقلقيش عليا

ناهد بحزن عليها مسحت دموعها بايديها وقالتلها ..شيليه من قلبك يابنتي عشان ترتاحي هو ابني بس انتي برضوا بنتي وخايفه عليكي مروان قلبه مات بموت سها فافتحي قلبك انتي لحد غيره

حسناء بصدمه وخوف ..حضرتك ليه بتقولي كده مروان زي اخويا وحتي لما بيعاملني بقسوه مش بزعل منه عشان مقدره صدمته في موت مراته

وكملت بحزن بان في صوتها رغم محاولتها انها تداريه ..... وانا عارفه هو كان بيحبها ازاي

ناهد بتاكيد ..بقول كده ياحسناء عشان عارفه ومتاكده انك بتحبي مروان ومن زمان اوي كمان وحبك باين يابنتي في عنيكي حتي هو كشفه

حسناء ......

الفصل الثالث 3

حسناء بقوه مصطنعه ...لا ياطنط حضرتك فاهمه غلط انا بس ممكن اكون معجبه بشخصيته بشيلته وبره ليكي حنيته عليا وانا صغيره لما كنت بجيلكم وكان بيهتم بيا لكن حضرتك او هو حتي فهمتوا ده غلط

ناهد بعدم اقناع ...يلا يابنتي علي العموم انا كنت بنصحك لاني محبش اشوفك زعلانه ولا حزينه ابدا حتي لو ابني السبب

حسناء بحب واحترام ...ربـنـا يخليكي ليا ياطنط حضرتك طول عمرك مش مرات عم ابدا انتي طول عمرك ام تانيه ليا

وكملت بابتسامه ...وماتخفيش عليا انا اعرف احافظ علي قلبي كويس

عن اذنك بقي همشي لاني هروح اقابل ليلي عشان نتمشي شويه

ناهد بحب ...ماشي ياحبيبتي بس عايزه اشوفك دايما وسلميلي علي ليلي كتير

حسناء ..حاضر

مشت حسناء من عندها ونزلت من البيت رنت علي ليلي اللي ردت عليا بعصبيه مضحكه ....

يااااسلام مالسه بدري ياختي كل ده سايباني في الكافي شوب لما الشمس حرقت دماغي ولسه بتفتكري تتصلي

حسناء بضحك عليها ...حييلك حيلك يابنتي اتهدي اما اتكلم حتي انا بقيت داخله عليكي اهو خلاص اقفلي شوفتك

راحت عندها وشدت الكرسي وقعدت بس ليلي لفت وشها بعيد عنها بزعل

حسناء بابتسامه ولين ...خلاص بقا يا ليلي حقك عليا والـلـه ماكان قصدي اتاخر عليكي بس قعدت مع طنط ناهد والكلام اخدنا

ليلي بصوت عالي .....ايييييوه قولي كده بقا انك كنتي عند حبيب القلب

وكملت بغيظ ...نفسي اعرف يابنتي عجبك فيه ايه ده اكبر من ب15 سنه يعني كان شاب وبيجي عندكوا البيت ويحطك علي رجله ويلعبك وانتي بيبي لسه

حسناء بحزن ...ممكن توطي صوتك ياليلي عشان والـلـه هزعل منك وبعدين مش قولتلك كذا مره متتكلميش علي مروان وحش قدامي بحبه ياااستي بحبببببه

ليلي بهدوء وجديه ..حسنااء انتي عارفه اننا اخوات واصحاب عشان كده بنصحك دايما انك تبعدي عنه وياستي مش هغلط فيه بس انتي مشوفتيش منه غير الزعل وكسره القلب و

حسناء مقاطعه بعصبيه ..كفايه يا ليلي ارجوكي كفايه بقي انا تعبت وياستي انا غلطانه اني جيت قابلتك اصلا انا ماشيه

ليلي ندهت عليها كتير عشان توقفها ومتمشيش وهي زعلانه منها بس حسناء مرضتش ومشت بزعل منها

راحت ركبت عربيتها وساقت لغايه ماوصلت تحت شركه مروان قعدت تبص للشركه ومحتاره تعمل اللي جت عشانه ولا تمشي بس في الاخر استقرت انها تطلع

راحت عند الشركه ودخلت مكتب السكرتيره اللي بصتلها باستفهام وسالتها ...

اومري حضرتك عايزه مين

حسناء بتوتر ...انا انا عايزه مروان هو موجود

السكرتيره باستغراب بسبب نطقها لاسمه بدون القاب ردت ...ايوه مروان بيه موجود اديله خبر مين عايزه

حسناء بنفس التوتر ..قوليله حسناء بنت عمه

السكرتيره بترحيب ..اه اهلا وسهلا بحضرتك حاضر هديه خبر

دخلت تديه خبر وسابت حسناء اللي هتموت من التوتر والخوف من اللي جايه عشانه

بعد شويه السكرتيره خرجت وسمحت ليها بالدخول شكرتها ودخلت

وهي حاطه وشها في الارض وماسكه في ايديها من الخوف والتوتر

رفعت عنيها لقت اللي حاطط رجل علي رجل وبيبصلها باستغراب وفي نفس الوقت تركيز

سمعت صوته بيقولها ببرود ...

مصدقتش سالي لما قالتلي انك عايزاني ها ايه اللي خلاكي تزوريني فجاه كده ما انتي شايفاني الصبح

حسناء بتوتر راحت لعند المكتب اللي قاعد عليه وقعدت قدامه واتكلمت بلجلجه ...ممروان هو انا يعني كنت عايزه اقولك حاجه

مروان باهتمام ..قولي ياحسناء سامعك واتكلمي علي طول بلاش توتر

حسناء مدعيه القوه وهي من جواها اضعف مايكون خاصه اودامه ....

مروان انا عايزه اقولك حاجه من زمان نفسي اقولهالك بس ماكنش عندي الجرئه بس دلوقتي قويت نفسي وعايزه اقولك اني اني

وكملت بضعف ظهر غصب عنها في صوتها

اني بحبك يامروان وبحبك اوي من زمان

مروان اللي بيسمعها ومش باين علي وشه اي علامات تاثير باللي سمعه

رد عليها بتاكيد ....عاارف

حسناء باحراج منه ...عارف ايه

مروان ...عارف انك بتحبيني ومن قبل ما اتجوز سهي بس ياحسناء انا عايز اقولك انه ماينفعش

حسناء بصدمه من طريقته ..لما انت عارف يبقي ليه ماينفعش

مروان بقسوه ..عشان مبحبكش ولا عمري حبيبت في حياتي غير واحده بس واظن انتي عارفاها كويس سهي وبس

وكمل بصوت عالي وعصبيه ..ولو مفكره ان عشان هي ماتت يبقي فضيلك الجو احب اقولك انسييي لاني عمري ما هحب حد بعدها اظن كلااامي واضج

حسناء كانت بتسمعه والدموع بتنزل من عنيها من غير ماتحس يعني هو دلوقتي بيهينها وبيجرحها ويكسرها وهي لسه عايزه تسمع ايه تاني اخيرا لقت صوت تنطق بيه

حسناء بصوت ضعيف ..يعني انت كده مرتاح وانت بتكسرني تاني بعد ماكسرتني لما اتجوزت وانت عارف اني بحبك

مروان مقاطعها بحسم ...عشاان لازم تفوقي انتي بنت عمي وانا مرضلكيش انك تربطي نفسك بواحد قلبه مع غيرك ساعتها كسره قلبك هتكون اصعب مليون مره من اللي انتي شايفاه دلوقتي

حسناء مسحت دموعها بعنف وحاولت تلم اللي بقي من كرامتها وقالت بكبرياء جريح ...ماشي ياا مروان براااحتك بس اعمل حسابك المره الجايه انت اللي هتيجي عشان تتطلب تتجوزني وساعتها بس هفكر

قالت كلامها ومشت بخطوات سريعه كانها بتجري مكنتش شايفه من دموعها اللي نزلوا غصب عنها بعد ماسابت ماكتبه

قفلت عليها باب عربيتها وسمحت لنفسها بالانهيار كان بتخبط ايديها جامد في دريكسيون العربيه وصوت شهاقتها عالي وهي بتكلم نفسها بجنون ...

كده ياامروان بعد كل ده تجرحني كده ملعون ابوا قلبي اللي حبك في يوم ملعون ابو الحب اللي يذل صاحبه بالطريقه دي

سكتت شويه من نوبه انهيارها واتكلمت بثقه بعد مامسحت دموعها بعنف ...

ماشي تمام مش انت مش مقدر حبي ليك ودوست عليه بدل المره 10يبقي انا بقي اللي هخليك تيجي وتترجاني عشان اتجوزك وساعتها هشوف اذا كان هقدر اسماحك ولا لا

وكملت بضحك مجنون ..وده مش هيحصل غير لما اعمل اللي في دماغي

مروان اللي لام نفسه علي قسوته معاها بعد مامشت منهاره من عنده وشاف دموعها بس كان لازم يفوقها عشان متحطش امل عليه اكتر من كده وتشوف حياتها خاصه انها صغيره اوي عليه

ده كان تفكيره لنفسه عشان يهدي من حده تانيب ضميره

بعد 7 ساعات من الشغل قرر انه يروح عشان يرتاح شويه

وصل عند البيت لقاه هادي لكن صوت عياط امه طالع من اوضتها عالي

جري علي الباب بلهفه خايف ان تكون تعبت وهو في شغله فتح الباب وجري عليها لقاها بتبصله بحزن وعتاب ودموع وقالتله ...

ليه كده يابني تعمل في بنت عمك كده دي من دمك تدمر مستقبلها لييه وتضيع شرفهااااا كده حرام عليك حرااام

مروان ......

الفصل الرابع 4

مروان بصدمه وزهول ....اييه اللي انتي بتقوليه ده ياماما ددمم ايه وشرف مين اللي ضيعته المتخلفه دي قالتلك ايه

ناهد ببكاء شديد وحزن ...قالتلي قالتلي ان ابني المحترم الكبير العاقل اعتدي عليها وضيع شرفها ومهاموش سمعه عمه وشرفه سكتت شويه وبعدها

كملت بحسم وقوه ...انت لااازم تتجوز حسناء يامروان ولو معملتش كده تبقي لا انت ابني ولا اعرفك

مروان بعصبيه شديده وصوت عاالي ...مستحييييل مش انا اللي يتلوي دراعي البت دي بتكذب وانا هعرف اربيها كويس واعرفها ازاي تلبسني مصيبه زي دي

ناهد بعصبيه مماثله ...ماهو مستحيل بنت زي حسناء ترضي علي نفسها كده وتكذب الكذبه دي وعشان ايه ان شاء الـلـه واحد كان عارف ومتاكد انها بتحبه وراح اتجوز غيرها ومش بيقلها الا اللي يجرحها

مروان بغيظ وانفعال ....هو في يا امي انتي كمان هي قلوبنا بايدينا يعني مبحبهاش مبحبهااااااش مفيش في قلبي غير سها ومش هتجوزها حتي لو ايييييه

ناهد اللي حست بوجع في قلبها من الانفعال والزعل

حطت ايديها علي قلبها بوجع وصرخت ...ااااااه الحقني يامروان

مروان بلهفه جري عليها ومسكها قعدها علي الكرسي عشان ترتاح ومسك ايديها بخوف وقالها ...ماالك يا امي حاسه بايه اجيب دكتور

ناهد بوجع شديد ....لا يامروان ملوش لازمه هاتلي انت بس دواء القلب من عندك

قام بسرعه ولهفه جاب العلاج والمياه واداهولها

بعد ماخدت العلاج بصتله بتعب وقالتله ...عشان خاطري يابني انا تعبانه ومش حمل زعل اتجوز حسناء يابني دي كانت امنيتي من زمان ومكنتش اتمني ان امنيتي تتحقق بالطريقه دي ابدا بس النصيب عايز كده

وكملت بحنان ..انسي سهي يابني هي عند اللي احسن منك ومني وهو احن عليها من اي حد فعيش انت حياتك ياحبيبي وريحني

مروان بحزن واستسلام غريب عليه ...هو ده يعني اللي انتي عايزاه

وكمل بعصبيه مكتومه ...ماشي يا ماما هتجوزها بس ياريت هي اللي ماتندمش

ناهد بخوف ..اوعي تاذيها يامروان دي بنت عمك برضوا

مروان بابتسامه صفراء ...لا طبعا عمري ما اذيها دي بنت عمي برضوا

ناهد بارتياح ..ربـنـا يريح قلبك ياحبيبي ويهنيك معاها

وكملت بتحزير ..بس اوعي تجيب سيره لعمك ولا مرات عمك انا اللي هقولهم وهشوف هقولهم ايه سبب انك تطلب ايديها بسرعه كده وتعجل بالجواز

مروان بابتسامه مصطنعه ...ماشي يا ماما اللي تشوفيه عن اذنك هروح ارتاح شويه

ناهد بحنان ..روح ياحبيبي ربـنـا يريح قلبك

مشي من اودامها وقفل الباب عليها ودخل اوضته وقفلها وهو عايز يكسر اي حاجه اودامه لقي نفسه بيطلع التلفون بتاعه بعصبيه وبيتصل برقمها

رن شويه وبعد كده سمع ردها

حسناء بضحكه انتصار ....ياااه ايه اللي خلاك تتكرم وتتصل عليا يامروان باشا

مروان بعصبيه واحتقار..اووعي تفكري انك باللي عملتيه ده كسبتي لا ياحسناء عارفه انتي ايه في نظري دلوقتي وسكت شويه وهو سامع صوت نفسها العالي

فاكمل بقسوه ...واحده رخيصه معندهاش كرامه رضت علي نفسها انها تطعن في شرفها عشان توصلي بس انا ياحسناء اللي بكلمك دلوقتي عشان اقولك اننا هنتجوز زي ماكنتي عايزه وده مش عشانك لا ده عشان خاطر امي المريضه اللي انتي استغليتي مرضها وحبي ليها انك تضغطي عليا بس افتكري ياا حسناء انك هتندمي واوي كماان

حسناء بضعف ودموع ..مروان ان......

السكه اتقفلت في وشها بعد ماخلص كلامه مادهاش الفرصه انها ترد لانه ماكنش عايز يسمعها

قفلت السكه وانهارت من العياط بندم وحزن راحت وقفت اودام المرايه وبصت لنفسها واتكلمت بكسره ...بتعيطي ليه ياحسناء دلوقتي مبسوطه وانتي شايفه نفسك رخيصه كده انا فعلا زي مروان ماقال واحده رخيصه استغليت تعب طنط ناهد وحبها ليا عشان اضغط عليه ...

سكتت شويه وبعدها كملت بامل ...بس انا بحبه وممكن لما يتجوز وابقا جنبه ويشوف حبي ليه ساعتها يحس بيا ويحبني زي مابحبه

مسحت دموعها بعنف وصبرت نفسها بالامل ده

عدي عليهم اسبوع حصل فيه ان ناهد اتكلمت مع مدحت وكريمه وطلبت ايد حسناء منهم وجاوبت علي استغرابهم بسبب السرعه في ميعاد كتب الكتاب انها مريضه وعايزه تطمن علي مروان مع حسناء لانها الوحيده اللي هتحافظ عليه

مروان اللي صمم انه يكون كتب كتاب بس ويطلعوا علي شقتهم اللي في الدور الاخير واللي كان متجوز فيه قبل كده سهي

عدي اسبوع تاني وكان مروان بيتجنب الكلام معاها غير يوم ماطلبها عشان تنزل معاه تنقي الشبكه اللي عايزاها ودي كانت بالنسبالها قمه الفرح والسعاده و حسناء اللي بتحاول تقنع امها وابوها ان مايكنش فيه فرح وده من حبها لمروان وتنفيذا لرغبته واخيرا وافقوا تحت اصرارها وتمسكها برايها

اجه معاد كتب الكتاب واللي كان بيضم العيلتين ونسبه بسيطه من الاصحاب عشان الفرحه تكون عائليه

في اوضه حسناء ليلي قاعده معاها وهي بتحط لمساتها الاخيره في الميكب واللي خلصته اخيرا وطلعت في ابهي صوره ليها

ليلي مكنتش عارفه تكون مبسوطه من قلبها خاصه وهي عارفه ان حسناء مريضه بحب مروان وهو مش بيقابلها غير بالقسوه والبرود بس

حاولت ترسم ضحكه عشان خاطر حسناء واللي شايفاها بتتنطط من الفرحه وبتلف حوالين نفسها قدام المرايه تشوف نفسها فيها

ليلي بابتسامه مصطنعه ...مبرووك ياحسناء الف مبروك ياحبيبتي ربـنـا يسعدك يارب

حسناء بابتسامه وفرحه ..ميرسي يالولو عقبالك يا قلبي ياارب

وابتسامتها اختفت لمافكرت في اللي عايزه تعمله نطقت بتوتر

ليلي ممكن ياحبيبتي تنادي طنط ناهد بس من غير ماحد ياخد باله بس بسرعه قبل ما الماذون يوصل

ليلي باستغراب ...عايزاها ليه يااحسناء دلوقتي

حسناء بخوف واستعجال ..عايزه اسالها علي حاجه بقا ياليلي الـلـه

ليلي اللي استغربت من طريقتها ومع ذلك راحت تنفذ طلبها وتنادي ناهد من بره اللي جت بعد شويه لوحدها وقفلت عليها الباب وراحت عند حسناء اللي بتمسك في ايديها بتوتر وخوف

ناهد بابتسامه وحنان ..ماشاء الـلـه ياحبيبتي قمر

وكملت باستفهام ...مالك ياحسناء قلقانه كده ليه وعايزه تقوليلي ايه

حسناء بتوتر ...هي ليلي فين

ناهد ..راحت مع مامتك تساعدها لانها ندهت عليها هاا قلقتيني

حسناء برعشه ..طنط انا عايزه اعترفلك بحاجه قبل ما اكتب الكتاب

ناهد بقلق ...خير يابنتي ماتتكلمي علي طول

حسناء اللي استجمعت قوتها واتكلمت بندم ...طنط مروان ملمسنيش

ناهد ببساطه وتاكيد...طب مانا عارفه

حسناء بصدمه ...اييييه .........

الفصل الخامس 5

حسناء بصدمه ..يعني ايه عارفه ياطنط

ناهد ببساطه ..يعني عارفه ومتاكده كمان ان مروان عمره مايعمل كده ابدا سكتت شويه

وكملت بحزن ...بس عارفه ياحسناء انا يوم ما صممت انه يتجوزك كنت حقيقي ببكي من قلبي عليكي

عارفه ليه

حسناء بصوت ضعيف وكتمه بكاء ...ليييه

ناهد مكمله بحزن اشد ...عشان انتي حبك لمروان عماكي ياحسناء ....لدرجه انك ترضي علي نفسك كده عشان يبقي ملكك

ومع ذلك ساعدتك في اللي انتي بدأتيه عشان عارفه انك اتعذبتي كتير بسببه وانا ربـنـا اللي يعلم معزتك في قلبي عامله ازاي

حسناء بتسمع كلامها بحزن وكسره واحساس ندم متملك منها انها ازاي تحط نفسها في الموقف الرخيص ده

بس حاولت تصبر نفسها ان مسيره يحس بيها ويحبها زي مابتحبه

اخيرا لقت صوت تتكلم بيه بعد ما ادت امل لنفسها بحبه

حسناء باحراج ووشها في الارض ..انا مش عايزه منك غير انك تسامحيني ياطنط عشان خاطري انا معملتش كده غير عشان حبي لمروان

ناهد بابتسامه وحنان قربت منها ورفعت وشها واتكلمت ...ارفعي وشك ياحسناء انا مش زعلانه منك عشان عارفه ان محدش هيحب مروان زيك ....ويلا بقا فوقي كده انتي انهارده عروسه ....وزي القمر ماشاء الـلـه ربـنـا يهنيك ياحبيبتي

حسناء حضنتها بحب وامتنان شديد لمسامحتها ليها ولحنانها معاها

صوت خبط الباب وليلي وكريمه اللي دخلوا وكريمه قربت من بنتها وهي في عنيها دموع الفرح

حضنتها بحنان وهمستلها ...الف مبروك ياحبيبتي يارب اشوفك اسعد واحده في الدنيا ..خلي بالك من مروان واسمعي كلامه

حسناء بحب وطاعه ..الـلـه يبارك فيكي ياماما ربـنـا يخليك ليا ياحبيبتي ومروان في عنيا اكيد

مدحت ابوها دخل وقرب من حسناء حضنها وباس دماغها وقالها ...مبروك ياحبيبه قلبي طالعه زي القمر ....يلا عشان مروان والماذون بره اتاخرتوا عليهم

حسناء اللي عنيها لفت علي ليلي اللي طمنتها بعنيها وبصت علي امها وحماتها اللي بصولها بحنان وفرحه

مسكت ايد ابوها وخرجت معاه لقت مروان مقابلهم سلم علي عمه ومسك ايد حسناء اللي كانت بتترعش هداها بابتسامه مصطنعه وهمسلها ...اهدي انتي بتترعشي كده ليه ...ده كلها دقايق وتبقي مراتي

حسناء بصتله بحب وحاولت تطمن نفسها وتنسي خوفها شويه ده اليوم اللي كانت بتحلم بيه

هزت راسها ليه علامه الموافقه علي كلامه ومشت معاه وقعدوا قدام الماذون اللي مسك ايد مروان وحطها في ايد عمه وبدا في مراسم كتب الكتاب

بعد شويه الماذون نطق ...بارك الـلـه لكما وبارك عليكما وجمع بينكما في خير وعلي خير

حسناء اللي اما سمعت الكلمه دي كانها ملكت الدنيا وما فيها بصت لمروان بفرحه لقت نظراته ليها جامده

طمنت نفسها وقالت بينها وبين نفسها ..اليوم كان طوييل عليه اكيد مرهق

بعد ساعتين من التهاني والفرحه العائليه ودعوات الاهل بالسعاده ليهم

مروان خد حسناء وطلع علي شقتهم اللي دخلتها هي الاول وهو وراها ورزع الباب وراه

اتفزعت حسناء من قفله الباب وبصتله بس فزعها ذاد اضعاف لما شافت نظراته جامده ومش مفهومه

قرب منها ومشي ناحيتها هو يقرب و هي تبعد لغايه ماوقعت علي الكنبه اللي وراها

نزل لمستواها وحاوطها بايديه الاتنين وقرب وشه منها واتكلم بهمس مرعب ......مبسوطه

حسناء بخوف وهي بتترعش بسبب قربه وطريقه همسه ليها ...اه

مروان اللي وشه اتغير للابتسامه والهدوء المصطنع ...طب مش يلا