Note: You can change font size, font face, and turn on dark mode by clicking the "A" icon tab in the Story Info Box.
You can temporarily switch back to a Classic Literotica® experience during our ongoing public Beta testing. Please consider leaving feedback on issues you experience or suggest improvements.
Click hereهدى (ساجدة) : عندك حق ، الحديقة واسعه و جميلة و زي ما احنا ظبطناها في خطوبتك هنظبطها برضو في كتب الكتاب .
أيه : ياجماعه انا عايزه مكان مختلف ، مختلف افهموا .
هاجر : طب اهدي علينا يختي مش كدا .
هدى (ساجدة) : انتي حره انتي و خطيبك ، بس اهم حاجه يكون في الاخر حاجه كويسه و مكان كويس
أيه : ان شاء الله متقلقيش
فاتن : و انتي يهدى (ساجدة) خطوبتك امته ؟
هدى (ساجدة) : بولس قالي امبارح هكلم بيشوى و اتفق معاه و بعدين هقولك ، لسه لحد دلوقتي مكلمنيش .
فاتن : اممم ، و انتي يجوجو اي الاخبار معاك يعم و تغمزلها
هاجر بزعيق : اخبار اي ؟ انتي يبت هبله ، مفيش اي حاجه من اللي في دماغك دي خالص .
فاتن : هتشوفي .
أيه : سيبك من كل دا انتي بقي اي ؟
فاتن بتوتر : انا اي ؟
أيه : مش ناويه
فاتن : اه ، انتي تقصدي علي ؟
أيه : اه اقصد علي
فاتن : المفروض اني اسافر بكرا لـ اهلي هبقي اشوف كدا .
هدى (ساجدة) : أممم ، ربنا يستر .
فاتن : يارب .
___________________
فريدة و بيشوى قاعدين في مكتب الدكتور الخاص بـ بيشوى
فريدة : ها يادكتور طمني
الدكتور : هايل ، بصراحه انا مبهور بيك اوي ، اتحسن بشكل كبير ، كدا تمام تقدر تخرج و تشتغل لكن مش كتير ، و تنتظم علي العلاج الجديد دا و تيجي متابعه بعد اسبوعين ان شاء الله .
بيشوى : طب و الجبس ؟
الدكتور : تقدر تفكه في اي وقت خلاص ، و لو عايز دلوقتي دكتور إسماعيل موجود انهارده في المستشفى روحله و هو هيفكهولك بإذن الله .
فريدة : شكرا جدا يدكتور .
الدكتور : دا واجبي .
بيشوى : عن اذنك .
بيشوى و فريدة هيقوموا و يروحوا مكتب الدكتور إسماعيل عشان يفك الجبس و يخرجوا علي طول .
___________________
قدام المستشفى
بيشوى : بالمناسبه دي بقي تعالى نتغدي برا .
فريدة : اوك موافقه ، بس طنط رضوي ؟
بيشوى : تصدقي نسيت ، نتصل عليها و نخليها تيجي .
فريدة : خلاص اوك يلا .
يروحوا مطعم قريب من المستشفى و يتصلوا علي رضوي لكن رضوي هتتغدي برا عند صديقة ليها من سنين و هتعتذرلهم .
بيشوى و فريدة هيخلصوا غدا و بعدين هيروحوا الاتليه الخاص بـ صديقه فريدة عشان تختار فستان تحضر بيه فرح صحبتها بكرا .
____________________
في الاتليه
فريدة : تعالى صحبتي واقفه هناك اهي .
بيشوى : انا هقضل واقف هنا احسن
فريدة : لا هتدخل معايا يلا .
و يدخلوا الاتليه سوا
ندي هتلمحها من بعيد هتروحلها
ندي : اي دا القمر منورنا من بدري و لا اي ؟
فريدة : تسلميلي و الله انتي عامله اي طمنيني
ندي : اهو ماشي الحال ، دا خطيبك و لا اي ؟
فريدة : لا جوزي .
ندي : بالسرعه دي .
فريدة : اه شوفتي ، المهم انا عايزه اشتري فستان عندي فرح واحده صحبتي بكرا و كدا و عايزه حاجه تكون حلوه علي ذوقك .
ندي : عيوني ليكي ، ادخلي اقعدي جوا و انا هجيبلك مجموعه و اجيلك .
فريدة : اوك يحبيبتي .
فريدة هتدخل هي و بيشوى يقعدوا جوا و يستنوا ندي تيجي .
لما تيجي بيشوى هيختار مع فريدة فستان لونه أبيض و عليه ورد ملون و منفوش .
هيمشوا و يروحوا البيت علي الساعه ٨ و بعدين فريدة هتدي العلاج لـ بيشوى و هينام و هي هتفضل سهرانه مستنيه رضوي ترجع .
___________________
البنات كلهم برا مع هديل في اتيليه صاحبه فريدة بيختاروا فساتين لـ خطوبة هدى (ساجدة) .
هدى (ساجدة) : استنوا خليكوا هنا اشوف ندي فين و ارجعلكوا .
هديل بتعب : بسرعه عشان انا معتش قادره من كتر اللف .
هدى (ساجدة) : حاضر .
هدى (ساجدة) هتروح تنادي لـ ندي و ترجع للبنات تاني .
ندي : اهلا الاتليه منور بيكو .
فاتن : تسلمي .
ندي : جايين تاخدوا فساتين عشان فرح بكرا و لا اي ؟
فاتن : فرح مين اللي بكرا ؟
ندي : فريدة كانت هنا من كام ساعه و اختارت فستان عشان هتحضر بيه فرح واحده صحبتها بكرا .
أيه : اه ، لا دي صاحبه فريدة بس .
ندي : امم ، اومال بقي جايين تاخدوا فساتين ليه ؟
هدى (ساجدة) : خطوبتي عقبالك يارب .
فاتن هتضحك بصوت عالي : عقبالها اي ي بنتي دي متجوزه و معاها بنت و ولد تؤام .
هدى (ساجدة) بتوتر : انا اسفه جدا انا ناسيه .
ندي : و لا يهمك يحبيبتي المهم عايزين بقي تلبسوا زي بعض و لا كل واحد لون مختلف ؟
أيه : اي رايك يهدى (ساجدة) ؟
هدى (ساجدة) : نلبس كلنا زي بعض .
ندي : فيه هنا اسود و ابيض و موف و تركوازي .
هدى (ساجدة) : تحبو انهي لون ؟
فاتن : انتي ممكن تلبسي ابيض و احنا كلنا اسود .
هاجر : لا نلبس كلنا اسود .
هديل : اسود اي دا ؟ هدى (ساجدة) انتي هتلبسي ابيض و احنا كلنا هنلبس موف .
هدى (ساجدة) : تمام يطنط ، وريلي الاستايل و كمان هنحجز واحد لـ فريدة معانا .
ندي : اوك تعالوا معايا
كلهم هيروحوا معاها و هديل هتفضل قاعده مكانها .
____________________
رضوي هتوصل البيت و هترن الجرس فريدة هتقوم تفتحلها و بعدين تدخل معاها اوضتها .
فريدة : اعملك عشا ؟
رضوي : لا الحمدلله يحبيبتي تسلميلي .
فريدة : هتنامي و لا اي ؟
رضوي : شويه و هنام عندي شويه شغل هخلصهم و بعدين هنام .
فريدة : اوك .
رضوي : ممكن تعمليلي شاي .
فريدة : حاضر يحبيبتي .
تمشي فريدة هتروح المطبخ و تعملها شاي و بعدين تديهولها و تدخل تنام .
____________________
تاني يوم فريدة هتقوم بدري تفطر هي و بيشوى و تديله العلاج و رضوي هتكون صحيت من بدري و فطرت و مشيت .
بيشوى : خالتي راحت فين انهارده ؟
فريدة : مش عارفه مش بسالها و الله .
بيشوى : اممم ، طب يلا قومي عشان منتاخرش .
فريدة : انت ليه مهتم اوي بفرح صحبتي دا اكتر مني ؟
بيشوى : عايز اشوفك مبسوطه و متأكد انك هتكوني مبسوطه لما تروحي .
فريدة : ربنا ما يحرمني من وجودك ابدا يارب .
بيشوى : و لا يحرمني منك و يبوس ايديها .
فريدة هتقوم تلبس و بيشوى كمان هيقوم يلبس .
هتخلص لبس و تدخل لـ بيشوى اوضته
بيشوى : اي القمر دا ، عقبال ما تطلي بالابيض .
فريدة : دي عيونك ، ان شاء الله .
بيشوى : ما تيجي نهرب و يغمزلها .
فريدة : ليه ؟
بيشوى : يعني حد يشوف القمر دا و ميخدوش و يهرب و يخبيه عن عيون الناس كلها .
فريدة : بعدين بعدين نهرب سوا ، المهم فرح صحبتي الأول .
بيشوى : ماشي يستي يلا .
فريدة : يلا .
فريدة هتسنده كالعاده و ينزلوا يركبوا العربيه و يمشوا .
____________________
رضوي هتوصل البيت بعد ما يمشوا علي طول و هتفضل تخبط علي الباب لكن محدش بيرد و هتضطر تنزل تحت في شقه رفعت .
هتخبط علي الباب رحمه هتفتحلها
رضوي : رفعت هنا ؟
رحمه : لا مش هنا ، انتي مين ؟
رضوي : مش مهم .
و تمشي و تسيبها و بعدين رحمه هتقفل الباب و هي مضايقه .
___________________
رضوي هتروح بيت الدكتور محمد .
هتخبط على باب الشقه اللي تحت اللي موجود فيها البنات .
فاتن هتقوم تفتحلها
فاتن : طنط رضوي اتفضلي .
رضوي : مش دي شقه دكتور محمد ؟
فاتن : لا شقته فوق
رضوي : امم ، طب انا طالعه عايزه حاجه .
فاتن : اتفضلي ادخلي شويه طيب .
رضوي : مره تانيه يحبيبتي عن اذنك .
و تطلع فوق الدور التاني و فاتن تققل الباب و تدخل .
____________________
هدى (ساجدة) : مين كان بيخبط ؟
فاتن : طنط رضوي عايزه الدكتور محمد .
هدى (ساجدة) : اها ، كلمتي فريدة .
فاتن : اه لسه قافله معايا من شويه .
هدى (ساجدة) : قولتليها ؟
فاتن : اه قولتلها متقلقيش .
هدى (ساجدة) : طب مجتش ليه ؟
فاتن : في الطريق مسافره القاهره عشان فرح صاحبتها .
هدى (ساجدة) : اه ، طب ادخلي خلصي طبيخ عشان انا جعانه .
فاتن : اوك
تدخل فاتن المطبخ و تجهز الاكل و بعدين يتغدوا .
____________________
فريدة و بيشوى هيوصلوا المكان اللي فيه الفرح و اول ما يدخلوا فريدة هتسلم علي صاحبتها و بعدين تتصور هي و بيشوى مع العريس و العروسه و بعدين يتصوروا لواحدهم و بعدين يقعدوا علي الطربيزة اللي قاعد عليها والد العروسه .
فريدة : اي رايك ؟
بيشوى : لا الفرح جامد ، و باذن الله فرحنا هيبقي اجمد .
فريدة : يارب .
و يضحكوا لبعض .
____________________
رضوي هتتغدي مع الدكتور محمد و هديل و بعدين هيقعدوا يشربوا شاي و يستنوا لما رفعت يخلص شغله و يجي .
هديل : منورانا يرضوي .
رضوي : بنورك يحبيبتي .
الدكتور محمد : خلصتي الشغل اللي بينا .
رضوي : اه خلصت و بعتلهم الايميل و الحمدلله .
الدكتور محمد : الحمدلله ، انا هستاذن هدخل مكتبي اخلص شويه شغل لحد ما رفعت يجي .
رضوي : اوك اتفضل .
يقوم الدكتور محمد و يدخل مكتبه و رضوي و هديل هيقعدوا يتكلموا سوا .
___________________
فريدة و بيشوى هيمشوا من الفرح و يروحوا يتعشوا في مطعم لكنهم هيتاخروا فـ هيروحوا يقعدوا في شقه بيشوى اللي موجوده في القاهره .
.
فريدة : تصدق الشقه دي احلى من التانيه بكتير .
بيشوى : فعلا ، كدا كدا كنت ناوي اغير كل حاجه في الشقه اللي هناك بس يلا مش مشكله .
فريدة : اممم ، حصل خير .
بيشوى : ادخلي انتي ارتاحي ، اكيد دلوقتي تعبانه .
فريدة : اه اويي ، يلا انت كمان ادخل نام .
بيشوى : حاضر
فريدة : تصبح علي خير .
بيشوى : و انتي من أهل الخير يحبيبتي .
تدخل فريدة الاوضه هتخلع الفستان و تنام .
بيشوى هينام برا في الصالون .
____________________
رفعت هيوصل بيت الدكتور محمد متأخر و اول ما يوصل هتكون رضوي نزلت تحت للبنات و في الوقت دا هتكون نامت .
رفعت : ازيك هديل ، اومال محمد فين و رضوي
هديل : محمد جوا في المكتب و رضوي نزلت تحت عند البنات .
رفعت : طب انا هستاذن و سلميلي علي محمد انا يدوب هاخد رضوي و امشي .
هديل : اوك .
رفعت : يلا سلام .
هديل : سلام .
و ينزل رفعت تحت و يخبط علي البنات فاتن هتفتحله و هتقوله انها نامت فـ هيضطر يمشي و يسيب رضوي
الفصل الثالث والثلاثون
ينتهي اليوم و يبدأ يوم جديد فريدة هتصحي و تصحي بيشوى و بعدين تقوم تجهز الفطار و تلبس و يفطروا سوا و تدي العلاج لـ بيشوى و يركبوا العربيه و يمشوا
البنات هيصحوا بدري يحضروا الفطار و رضوي هتفطر معاهم و بعدين تروح كذا مشوار و هترجع قبل فريدة و بيشوى يوصلوا البيت
_______________________
بيشوى و فريدة هيوصلوا المنصورة و هيروحوا البيت علي طول .
اول ما يدخلوا الشقة هيلاقوا رضوي
فريدة : اي دا طنط رضوي .
رضوي : كل دا تأخير ينفع كدا .
بيشوى : نعملك اي طيب كل ما نحاول نشوفك عندك مشوار .
رضوي : خلاص يعم مشاويري خلصت ، ها يفريدة ناويه تغدينا و لا اي ؟
فريدة : هغير هدومي و هعملك أحلى غدا .
بيشوى : طب بقولك اي يخالتو اي رأيك تعملي الغدا انهارده ندوق اكلك كدا و نشوف مين اكله احلي انتي و لا سوزان .
رضوي : انت هتقارني بيها .
بيشوى : مقصدش ابدا و الله ، بس نجرب كدا .
رضوي : حاضر ، انا هدخل اطبخلكوا و محدش يدخل عليا ها و لا حتي يساعدني
بيشوى : هتاخدي وقت قد اي ؟
رضوي : متقلقش ساعه و الأكل يكون جاهز
بيشوى : ماشي
تدخل رضوي المطبخ و بيشوى و فريدة هيدخلوا يغيروا هدومهم .
_______________________
فريدة هتخلص و تطلع برا في الصالون و ترن علي هدى (ساجدة)
فريدة : عامله اي ؟
هدى (ساجدة) : الحمدلله بخير و الله انتي عامله اي طمنيني
فريدة : الحمدلله كويسه .
هدى (ساجدة) : مش ناويه بقي تيجي تقعدي معانا .
فريدة : لسه بس شويه و باذن الله هاجي اقعد معاكوا خلاص .
هدى (ساجدة) : ان شاء الله .
فريدة : خلاص الخطوبه اخر الاسبوع دا .
هدى (ساجدة) : اه ياحبيبتي ان شاء الله.
فريدة : جيبتي فستان و لا لسه هتجيبي ؟
هدى (ساجدة) : جبت يستي و جبتلك كمان .
فريدة : منين ؟
هدى (ساجدة) : من عند ندي .
فريدة : ماشي يستي لو عرفت اجي انهارده هاجي اشوفكوا و امشي علي طول .
هدى (ساجدة) : ياريت تيجي عشان فيه حاجات كتير نقصاني و انتي الوحيده اللي هتعرفي اي اللي ناقصني بالضبط
فريدة : خلاص اوك ، هاجي انهارده .
هدى (ساجدة) : تمام .
يرن جرس الباب فريدة هتعتذر لـ هدى (ساجدة) و تقفل .
فريدة : معلش يـ هدى (ساجدة) هضطر اقفل لان فيه حد بيخبط
هدى (ساجدة) : اوك ياحبيبتي و لا يهمك ، يلا سلام .
فريدة : سلام .
هتقفل و هتقوم تشوف مين بيخبط
فريدة : اي دا بابا ، اتفضل .
رفعت : اخيرا جيتو ، طمنيني اخباركم اي ؟
فريدة : كويسين الحمدلله .
رفعت : فيه ريحه اكل انا عارفها .
فريدة : طنط رضوي جوا في المطبخ بتطبخ .
رفعت : يااه ، عارفه الريحه دي كنت بشمها من جبريللا الله يرحمها ، اكلها كان طعمه حكايه .
فريدة : الله يرحمها .
رفعت : اومال فين بيشوى ؟
فريدة : جوا بيغير هدومه ، هدخل اناديه ثواني .
تدخل فريدة لـ بيشوى و رفعت هيقعد
_______________________
فريدة : اي يحبيبي كل دا بتغير .
بيشوى : مش عارف اخلع القميص و ايدي هبطت .
فريدة : طب مش كنت تنادي عليا .
فريدة هتخلعله القميص و تلبسه تيشيرت أبيض .
بيشوى : شكرا انك جمبي
فريدة : و شكرا إنك في حياتي .
بيشوى : فيه حد برا و لا اي ؟
فريدة : اه ، بابا برا عايزك .
بيشوى : طب ، يلا .
هتسنده و يطلعوا برا .
_______________________
رفعت : اي كل دا ؟
بيشوى : معلش يحج الواحد مش قادر من دراعه يلا الحمدلله .
رفعت : الحمدلله .
بيشوى : طمني عامل اي ؟
رفعت : كويس الحمدلله ، فريدة اعملي حسابك هتنزلي معايا من برا الشركه اعتقد انك مش بتروحي الجامعه و الامتحانات لسه عليها شهرين .
فريدة : اه ، اوك مفيش مشكله انزل معاك من بكرا و اهو افك عن نفسي شويه .
بيشوى : كويس برضو عشان انا نازل الشغل بكرا و مش عايزك تبقي لواحدك .
رفعت : ي بني اقعد كمان اسبوع و لا حاجه .
بيشوى : أوراق مهمه لازم تخلص عشان ارتاح .
فريدة : من القضيه بتاعت نادر ؟
بيشوى : اه ، و بالمره اتكلم معاه شويه لأن إعدامه قرب .
فريدة : اها .
رفعت : هاا ، انا جعان هتغدوني و لا امشي .
فريدة : لا طبعا هتقعد تتغدي معانا ، هدخل اشوف طنط رضوي خلصت و لا لسه .
تدخل فريدة المطبخ .
_______________________
رفعت : بقولك اي انا رايح لـ محمد انهارده اي رايك تيجي معايا انت و فريدة .
بيشوى : فكره برضو و اهو بالمره فريدة تشوف صحابها .
رفعت : عندك حق ، دي تقريبا من وقت ما جات هنا مشفتهمش غير مرتين تلاته .
بيشوى : فعلا .
هيرن موبايل بيشوى هيرد
_______________________
بيشوى : الو .
ماجد : تعالا انهارده نسهر برا سوا .
بيشوى : هتسهروا فين ؟
ماجد : عند بولس ، حابب انه يجمعنا عشان خطوبته و كدا .
بيشوى : هشوف كدا و ارد عليك .
ماجد : اوك ، يلا سلام .
بيشوى : سلام .
هيقفل المكالمه .
رفعت : مين ؟
بيشوى : ماجد عايزني اروح اسهر معاهم .
رفعت : خلاص روح انت و انا هاخد فريدة و نروح احنا .
بيشوى : خلاص تمام .
فريدة هتيجي من المطبخ و في ايديها طبق فيه مسقعه و طبق فيه بطاطس .
_______________________
بيشوى : ها طبخت اي ؟
تضحك فريدة : مسقعه و بطاطس و اكله غريبه كدا معرفش اسمها اي .
رفعت : لا دا انا هقوم اقتحم السفره بقي .
يقوم رفعت و بيشوى هيقوم وراها و رضوي هتيجي من المطبخ و معاها بقيت الاكل و يقعدوا كلهم و يتغدوا سوا .
لما يخلصوا بيشوى هيمشي يروح لـ ماجد و فريدة هتدخل تلبس عشان تروح مع رفعت و رضوي هتقوم تنضف المطبخ و هتقعد .
_______________________
فريدة : يلا يبابا انا جاهزه
رفعت : مش هتيجي معانا يرضوي
رضوي : لا ، هنام عشان تعبانه شويه .
رفعت : اوك ، لو احتاجتي حاجه كلميني .
رضوي : حاضر .
فريدة و رفعت هيمشوا اول ما يوصلوا رفعت هيطلع فوق للدكتور محمد و هديل و فريدة هتخبط علي البنات فاتن هتفتحلها و هي بتقول : مفيش غيري اللي بيفتح ام الباب دا .
فجأه هتبص هتلاقي فريدة
فاتن و هي مخضوضه : ايي داا ؟ فريدة
فريدة : وحشتيني .
فاتن هتحضنها و تقفل الباب و يدخلوا جوا .
أيه : فريدة اخيراا .
فريدة : هو انا كنت مهاجرة يجماعه و لا اي .
هتسلم عليهم كلهم و بعدين تقعد
فريدة : طمنوني عاملين اي ؟
فاتن : كويسين الحمد لله .
فريدة : الحمدلله .
هدى (ساجدة) : هقوم اجيب الفساتين عشان تشوفيها .
هدى (ساجدة) هتقوم تفتح الدولاب و تطلع كل الفساتين بتاعتهم .
فريدة هتمسك فستانها و هتبصله بنظرات كلها فرحة .
فريدة : الله ، جميل اوي ي هدى (ساجدة) اي الحلاوه دي .
فاتن : الواد لو شافك بيه هيغمي عليه من كتر حلاوتك .
فريدة : بس بعيد الشر .
هدى (ساجدة) : خديه بقي معاكي و لا اقولك سيبيه عشان تيجي تلبسي هنا .
فريدة : لا مش هينفع ، انا هاخده معايا .
فاتن : مش هينفع اي ي بت ، دا انتو يدوب ماضيين علي ورق ، لسه متجوزتوش يعني .
فريدة : ما تتلمي ي بت .
فاتن : حاضر
فريدة : انتو ناويين تجوعوني ، انا جعانه .
هدى (ساجدة) : الواد بياكل اكلك .
فريدة : لا ، طنط رضوي اللي طابخه و عامله اكله غريبه كدا مكلتش .
فاتن : اهاا ، انا بقي عملالهم شويه اكل انما اي عسل .
فريدة : عملتي اي ؟
فاتن : مسقعه .
فريدة : انا اي اللي جابني هنا .
هدى (ساجدة) : عامله بيتزا يـ فريدة هي دي حد يصدقها برضو .
فريدة : عندك حق ، انا هروح المطبخ بقي .
فريدة هتروح المطبخ و كلهم هيروحوا وراها و يقعدوا علي السفره .
فريدة هتخلص اكل .
_______________________
فريدة : كدا الحمدلله ، مش هنحلي بقي و لا اي ؟
فاتن : فيه ايس كريم عندك .
فريدة : انا هاجي كل يوم بقي .
هدى (ساجدة) : تعالي انتي بس .
فريدة هتقوم تجيب ايس كريم و تقعد و هيفضلوا يتكلموا سوا .
_______________________
فوق عند الدكتور محمد .
رفعت : يلا استأذن انا بقي .
الدكتور محمد : لسه بدري .
رفعت : لا يادوب عشان بيشوى دلوقتي رجع .
هديل : انا نازله معاك عشان اشوف فريدة .
الدكتور محمد : و انا كمان هنزل .
رفعت : يلا .
ينزلوا التلاته و يخبطوا علي البنات فريدة هتفتح .
فريدة : اهلا وسهلا .
الدكتور محمد : اهلا يدكتوره .
فريدة : عامل اي يدكتور .
الدكتور محمد : في نعمه و الله الحمدلله
هديل : انتي عامله اي
فريدة : كويسه الحمد لله
رفعت : مش يلا بقي .
فريدة : حاضر هدخل اجيب شنطتي و هاجي .
تدخل فريدة تجيب شنطتها و تسلم علي البنات و تطلعلهم برا هتسلم علي هديل و الدكتور محمد و هتمشي هي و رفعت .
هيوصلوا البيت رفعت هيدخل شقته و فريدة هتطلع فوق
هتدخل هتلاقي رضوي قاعده قدام التليفزيون .
_______________________
فريدة : هو بيشوى مجاش لسه و لا اي ؟
رضوي : لا ي بنتي لسه ، تعالي عيزاك في موضوع .
فريدة : خير .
فريدة هتقعد جمبها
رضوي : انا هسافر روسيا الأسبوع الجاي عشان أنهى شغلي و هرجع تاني و لما هرجع عيزاكي تكوني جهزتيلي الشقه بتاعتي .
فريدة : الشقه بتاعتك ؟
رضوي : اه ما انا مش هينفع اقعد معاكوا هنا و خصوصا ان سوزان موجودة هنا و رفعت عارف الموضوع دا ، المهم انا هجيبلك مفتاح الشقه و انتي تشوفي ناس كويسه تنضفلي الشقه بس تاخدي بالك منهم لأن فيه حاجات هناك مينفعش حد يلعب فيها .
فريدة : اوك تمام .
رضوي : انا هعتمد عليكي المهم الشقه تكون نضيفه كويس جدا .
فريدة : متقلقيش ، هنضفها انا و البنات مش هجيب حد من برا .
رضوي : بس كدا هتتعبوا .
فريدة : مش مشكله .
رضوي : ماشي يستي ، انا هدخل انام لأن لحد دلوقتي منمتش .
فريدة : اوك يحبيبتي
رضوي : تصبحي على خير .
فريدة : و انتي من اهل الخير
رضوي هتدخل تنام و فريدة هتدخل تغير هدومها و تقعد قدام التليفزيون تستني بيشوى
_______________________
بيشوى هيجي علي الساعه ١٢
بيشوى : انتي لسه صاحيه ؟
فريدة : اه قولت استناك .
بيشوى : اممم .
فريدة : انت كويس .
بيشوى : اه كويس ، رجلي بس شاده عليا شويه .
فريدة : طب اقعد ارتاح و انا هدخل اجيبلك العلاج .
بيشوى هيقعد و فريدة هتدخل تجيب العلاج و بعدين تديه لـ بيشوى
بيشوى : بقولك اي انا جعان
فريدة : عامله حسابي و عملت بيتزا .
بيشوى : طب اشطا .
فريدة هتقوم تجيب البيتزا و تقعد جمب بيشوى .
بيشوى : كنت عايز اتكلم معاكي شويه .
فريدة : قلقتني .
بيشوى : متقلقيش ، تعرفي حد اسمه عمر شبراوي ؟
فريدة بقلق : اه ، اللي حكيتلك عنه .
بيشوى : اممم .
فريدة : ماله ؟
بيشوى : ابدا ، قاعد انا و صحابي بنتكلم و فجأه لقيته جايلي و بيقولي انا كنت خاطب فريدة مراتك .
فريدة : و دا عايز اي دا ؟
بيشوى : معرفش ، قولت اقولك و خلاص .
فريدة : اممم .
فريدة هتحس بخنقه فـ هتعيط .
بيشوى بخوف : انتي بتعيط ليه دلوقتي ؟
فريدة و الدموع في عيونها : مفيش .
بيشوى هياخدها في حضنه و يطبطب عليها .
بيشوى : حقك عليا و الله ، انسي الماضي و انسي اي حاجة هتعكر مزاجك انا اسف و الله اسف
الفصل الرابع والثلاثون
فريدة هتهدا .
بيشوى : عيطتي ليه نفسي افهم ؟
فريدة : غصب عني .
بيشوى : ماشي يستي ، المهم مش ناويه بقي و لا اي و يغمزلها
فريدة : مش ناويه اي ؟
بيشوى : نحدد ميعاد فرحنا بقي .
فريدة : بس انا مش عايزة اتجوز غير لما اخلص جامعه
بيشوى بزعيق : نعم يختي .
فريدة : ايي ؟
بيشوى : اومال خلتينا نكتب الكتاب بدري ليه
فريدة بزعيق : انت هتستعبط ، انت اللي كنت مستعجل .
بيشوى : انا اسف ، نسيت .
فريدة : و الله .
بيشوى : خلاص بقى .
و هياخدها في حضنه .
بيشوى : اي رايك بعد ما تخلصي امتحانات .
فريدة : هشوف كدا .
بيشوى : تشوفي اي ؟ بصي انتي تخلصي امتحانات و نعمل الفرح بعدها علي طول و دا آخر كلام عندي .
فريدة : طيب ، اللي تشوفه .
بيشوى : اللي اشوفه ماشي يستي .
فريدة : بقولك اي ؟
بيشوى : ايي ؟
فريدة : هتلبس اي في الخطوبه ؟
بيشوى : ماجد رايح القاهره بكرا و هيجيبلي بدله معاه من هناك .
فريدة : اممم ، بولس هيعمل الخطوبه فين ؟
بيشوى : هيعملها في قاعه في الشرقيه عشان أهل هدى (ساجدة) .
فريدة : و هدى (ساجدة) عرفت ؟
بيشوى : لا لسه بولس هيقولها .
فريدة : ابقي قابلني .
بيشوى : اشمعنا ؟
فريدة : هدى (ساجدة) فرحانه إنها خلاص هتتجوز عشان تبعد عن بلدها يوم ما تيجي تعمل خطوبتها تتعمل في بلدها .
بيشوى : ايي السبب؟
هدى (ساجدة) : مشاكل ، شباب من البلد بيضيقوها و كلهم بيضايقوها و اللي حاول يعتدي عليها و حاجات كدا يعني .
بيشوى : اممم ، بولس حجز القاعه خلاص .
فريدة : ربنا يستر .
بيشوى : المهم ، انا خارج بكرا بدري فـ بعد اذنك صحيني بدري .
فريدة : رايح فين ؟
بيشوى : هتعرفي لما ارجع انا هدخل انا بقي يلا تصبحي علي خير .
فريدة : استني طيب .
بيشوى : تصبحي علي خير
بيشوى هيدخل الاوضه و يسيبها .
_______________________
تمر الأيام و يجي يوم خطوبه هدى (ساجدة) و بولس
هتكون في القاعه اللي بولس حجزها و البنات كلهم هيروحوا بيت هدى (ساجدة) و هيقعدوا معاها هناك ، أهل فريدة هيحضروا و أهل أيه هيكونوا نزلوا من دبي و هيحضروا و أهل فاتن كمان هيحضروا عشان علي قرر إنو يتقدملها في الخطوبه بما ان فاتن مش راضيه تحدد ميعاد مع أهلها و رفعت و الدكتور محمد و هديل و رضوي هيحضروا .
_______________________
في بيت هدى (ساجدة) كلهم بيجهزوا نفسهم .
فاتن : ما تخلصي بقي ي بنتي اتاخرنا .
هدى (ساجدة) بزعيق : متوترنيش اكتر ما انا متوتره عشان مجيش اجيبك من شعرك .
فاتن : خلاص اهدي مش كدا .
فريدة : دا وقته يعني ، انا راحه لـ بابا و ماما و راجعلكوا .
فريدة هتخرج من الاوضه و تطلع لـ باباها و مامتها .