وتشاء الآلهة

بيشوى : طيب .

بيشوى هيطلع يدي الموبايل لـ فريدة و ينزل تاني لـ بولس .

____________________

هيمر أسبوعين علي موت رانيا ، ولاء هترجع تروح كليتها .

كريم هيروح يقابل الدكتور محمد عشان يطلب إيد هاجر .

الدكتور محمد : هاجر بقي مواقفه و لالا ؟

كريم : مش عارف ، انا قولت اجي اطلبها من ايد حضرتك الأول .

الدكتور محمد : يااه ، لو كان عندي بنت ، لكن هاجر بنتي برضر ، انا موافق ، نشوف رأي هاجر بقي .

كريم : مفيش مشكله اتفضل .

الدكتور محمد هيدخل لـ هاجر .

الدكتور محمد : مواقفه و لا اطفشه بطريقتي ؟

هاجر بفرحة : مواقفه .

الدكتور محمد : ماشي يستي .

الدكتور محمد هيطلع لـ كريم .

الدكتور محمد بضحكة : علي بركة الله ، مبروك .

كريم بفرحة : الله يبارك فيك ي حبيب قلبي .

الدكتور محمد هيحضنه و يبوس رأسه .

في الوقت دا الجرس هيرن هيكونوا أيمن و رفعت و رضوي

هديل هتفتح الباب و هيدخلوا .

أيمن : الظاهر جينا في وقت مش مناسب .

الدكتور محمد : مناسب و مناسب جدا كمان ، ايي رايك نقرأ الفاتحه ؟

كريم : ماشي اللي تشوفه .

هديل بفرحة : ثواني هنادي لهاجر .

رفعت : مبروك يبني .

كريم : الله يبارك في حضرتك .

هديل هتدخل تنادي لـ هاجر ، و يقرأوا الفاتحة كلهم سوا ، و في الاخر هديل هتزغرط .

الفصل الأربعون والأخير

هيمر أسبوعين و كريم و هاجر قرروا يعملوا خطوبة عائلية صغيرة .

في بيت الدكتور محمد ، كلهم متجمعين و الفرحة باينه علي وشهم ، هاجر و كريم هيلبسوا الدبل و بعدين كلهم هيرقصوا سوا .

فريدة : عقبالك يعم .

ولاء : ان شاء الله يحبيبتي .

فريدة : أخبار جامعتك اي .

ولاء : و الله أهو تمام الحمدلله ، انتي عامله اي طمنيني .

فريدة : أنا زي الفل اهو .

ولاء بضحكة : ايي مفيش حاجه و لا اي ؟ و تغمزلها .

فريدة : لا يستي لسه .

ولاء : ربنا يفرح قلبك يارب و أقدر أرد جزء من جميلك معايا .

فريدة : يحبيبتي انتي بقيتي جزء مننا خلاص ، كنا خمسه بقينا ٦ غير الباقيين يعني .

ولاء : ربنا ما يحرمني منك ابدا يارب .

فريدة : و لا يحرمني منك و اشوفك أجمل عروسه .

ولاء : بإذن الله يحبيبتي .

الدكتور محمد : طب يجماعه ايي رايكوا نتعشي كلنا برا و علي حسابي هاا .

بيشوى : اشطا معنديش مانع .

كريم : و الله كدا كتير يعمي ، عملنا الخطوبة في بيتك و كمان هتعزمنا برا علي العشا .

الدكتور محمد : مش كتير عليكوا ابداا ، يلا ننزل كلنا .

كل واحده هيقوم من مكانه و ينزلوا كلهم و كل واحد في عربيته و يروحوا مطعم كبير في المنصورة .

___________________

الدكتور محمد قاعد في مقدمه التربيزة ، و هديل جمب رضوي في الأول و رفعت جمب أيمن قصداهم ، و في الآخر بيشوى و ماجد و بولس و بطرس و كريم ، و فريدة و فاتن و هدى (ساجدة) و أيه و هاجر و ولاء جمبهم .

بيشوى : استاذنكوا يجماعه دقيقة .

فريدة : رايح فين ؟

بيشوى : مكالمة علي السريع و جاي .

بيشوى هيقوم و يطلع برا و يتكلم في التليفون .

بيشوى : فينك يعم شادي .

شادي بضحكة سخيفة : موجود يباشا طمني عليك انت عامل اي .

بيشوى : في نعمة الحمدلله ، انت عامل اي .

شادي : كويس .

بيشوى : انت فين كدا مختفي فين ؟

شادي : اهو انت عارف الواحد لسه مفضي خطوبته ، و مخنوق شويه قولت أغير جو .

بيشوى : يسيدي يسيدي ، كنت فين علي كدا .

شادي : كنت في الغردقة ، و دلوقتي في الطريق راجع المنصوره تاني .

بيشوى : ي اخي المنصوره هتنور ، طب قدامك قد اي كدا و توصل .

شادي : ساعتين بإذن الله .

بيشوى : خلاص هستناك ، اتفقنا .

شادي : تمام .

بيشوى : سلام يحبيبي .

شادي : سلام يباشا .

____________________

بيشوى هيقفل معاها و بعدين يدخل و لما يدخل يشاور لـ بولس بـ ايديه و بولس هيكون فهمه .

فريدة : انت بتشاور لبولس ليه ؟

بيشوى هيقرب من فريدة و يقولها بصوت واطي : شادي في الطريق ساعتين بالضبط و هيبقي هنا .

فريدة : اه ، طب كل الأكل هيبرد .

بيشوى : حاضر .

ماجد : ايي يعم مين شاغل عقلك و يغمز لـ بيشوى .

بيشوى : دمك خفيف اوي يالا .

بطرس : لا دا شكله واخد عقلك خالص و يغمزله .

كلهم هيضحكوا

فاتن : علي ، كُـل يحبيبي و بعدين نشوف الموضوع دا .

أيه : لا الظاهر ان فيه حد هاا .

بيشوى بخنقة : ما تتلم يماجد انت و مراتك ، انا فيا اللي مكفيني و الله .

فريدة بخوف : اهدا يحبيبي مش كدا .

بيشوى بضيق : انا آسف يجماعه بس مضايق شويه .

ماجد : و لا يهمك يباشا دا مهما كان انت أخونا برضو .

بيشوى : حبيبي ربنا يخليك .

____________________

بعد ما يخلصوا عشا كل واحد هيروح بيته ما عدا بيشوى و معاها فريدة و بولس .

في العربية بيشوى سايق و جمبه بولس و فريدة ورا ، و هيروحوا مطعم تاني و يستنوا شادي لما يجي .

فريدة بضيق : هو هيجي امته ؟ انا زهقت .

بولس : بقولك اي ي فريدة ، ما ترني علي هاجر خليها تيجي .

فريدة : اشمعنا ؟

بيشوى : اه تصدق فكرة ، رني عليها .

فريدة : انا معرفش اي السبب بس ماشي .

فريدة هترن علي هاجر .

فريدة : بقولك اي ، تعالي المطعم اللي علي اول الشارع اللي جمبك .

هاجر : اشمعنا .

فريدة : لما تيجي هقولك .

هاجر : خمس دقايق و اجيلك .

فريدة : اوك ، باي .

هتقفل معاها .

فريدة : محدش ناوي يقولي .

بيشوى : شادي لما يجي هيلاقي هاجر ، عشان نحسسه أن كل حاجه تمام و مفيش اي حاجه .

بولس : انا خايف من اللي هاجر هتعمله فيه اول ما تشوفه بس مش مشكلة المهم أن خطتنا تمشي زي ما احنا عايزين .

فريدة : ربنا يستر .

هاجر هتيجي بعدها .

هاجر : آسفه لو اتأخرت عليكوا بس جيبالكوا خبر و أنا جاية .

بيشوى : ايي هو ؟

هاجر : اقعد بس قبل ما البيه يشرف عشان ميعرفش اني لسه جايه و اني موجودة من زمان .

و بعدين تقعد .

فريدة : بيه مين ؟

شادي في الوقت دا هيجي .

شادي : مساء الخير يجماعه ، ازيك يهاجر .

بيشوى : ازيك يشادي .

شادي : تمام ، و انت .

بيشوى : الحمدلله ، اتفضل .

شادي : تسلملي ، عامله اي يهاجر .

هاجر : أحسن منك .

شادي بضيق : يارب ديما .

بولس : المنصورة نورت يـ شادي .

شادي : دا نورك يباشا .

بيشوى : إلا قولي يـ شادي ، كنت شوفت صوره ليك بطقم كدا و شوفته علي واحد تاني برضو فـ كنت عايز اتأكد هل دا انت و لالا ؟

شادي بقلق : طقم اي دا ؟

بيشوى : تقريبا كدا تيشيرت أسود و فيه خط أبيض بالطول من الجنب .

شادي بتوتر و خوف : لا ، مش فاكر بصراحة .

بيشوى : علي العموم مش مهم ، مش هطول عليك يعني بس هنروح مشوار كدا علي السريع و نرجع تاني .

شادي بخوف : فين ؟

بيشوى هيقوم و يقف جمبه .

بيشوى : ع المديرية يحبيبي و متحاولش تهرب ، لأن تقريبا كدا المكان كله محاصر يعني مش هتعرف تهرب ، يلا .

بيشوى هيشده هو و بولس و بعدين ياخدوه في عربية الشرطة ، و فريدة و هاجر هيروحوا وراهم بعربيه بيشوى .

____________________

في المديرية ، في مكتب بيشوى ، فريدة و هاجر قاعدين و بيشوى و بولس بيحققوا مع شادي .

بيشوى : بقي الدكتور شادي يحاول يقتل و يدخل نفسه في جريمة قتل .

بولس : يعني دكتور في منصب زي دا ، و مش محتاج حاجه يعني ، تقوم تقتل .

شادي : انا مقتلتش حد انا ....

بيشوى بزعيق : حاولت تقتل يعني لو كانت الرصاصة اتحركت بس سم كان زمانه مات و كان زمانك واخد إعدام بس لولا حظك انه لسه عايش .

شادي : محدش هياخد مني حاجه بحبها مهما كان التمن .

هاجر هتقوم من مكانها و تضربه .

هاجر بصوت عالي : حبك برص ي اخي ، أنت ايي معندكش دم .

بيشوى بزعيق : هتشرفنا هنا لحد ما يتحقق معاك يـ كلب .

بيشوى هيزقه و ينادي لـ المساعد عشان ياخده .

بولس : و العمل دلوقتي .

بيشوى : هنستني لحد ما يتحقق معاه تاني .

فريدة : طب يلا نمشي .

بيشوى : اه يلا .

و بعدين يمشوا كلهم ، بيشوى هيوصل بولس و هاجر و بعدين يروح هو و فريدة .

____________________

هتمر الأيام و هيتحقق مع شادي و هياخد خمس سنين سجن ، هيقرب ميلاد بيشوى مفيش حد هيكون عارفه غير فريدة .

بيشوى هيكمل الـ ٢٥ عام ، اليوم دا بالنسبة له يوم عادي لكن فريدة هتخليه يوم مميز بالنسبه له .

فريدة قاعدة علي السرير ، هتفتح الموبايل و ترن علي ماجد .

فريدة : جاهز ؟

ماجد بارتباك : جاهز لـ اي ؟

فريدة : شكلك نسيت ، أنا مش قيلالك إمبارح انك هتيجي معايا مشوار علي السريع .

ماجد : انا اسف نسيت فعلا .

فريدة : طب أنجز انا جايه دلوقتي .

ماجد : لما تيجي أكون نمتلي ربع ساعه كدا و لا حاجه .

فريدة بزعيق : ماجد انا علي أخرى ، عشر دقايق بالضبط تكون لبست و انا جايه في الطريق اهو ، فاهم .

ماجد بصوت عالي : فاهم فاهم ، خلاص .

فريدة : سلام .

فريدة هتقفل المكالمة ، و تشتال شنطتها و تمشي .

___________________

ماجد و فريدة واقفين جمب العربية في الشارع و بياكلوا .

ماجد : آخرة اللي ينّزل الواحد بدري من بيته .

فريدة : ايوا يعني تقصد ايي ؟

ماجد بتوتر : لا مقصدش حاجه ، ابداا .

فريدة : واضح فعلا ، أنجز يلا عشان متاخرش .

ماجد : انتي ناوية تعمليه فين ؟

فريدة : تفتكر اي أقرب مكان لـ قلبه .

ماجد و هو سرحان : انتي .

فريدة بزعيق : نععمم .

ماجد : انا اسف ، يلا أنا خلصت الحمدلله .

فريدة : يلا .

الاتنين هيركبوا العربية و يمشوا .

____________________

في بيت أيمن يونس ، أيه و فاتن قاعدين سوا في الصالون .

فاتن : ماجد اتأخر كدا ليه ؟

أيه : عايزاه ؟

فاتن : اه يجي يوصلني لـ مكتب علي .

أيه : مع فريدة في مشوار .

فاتن : مشوار اي دا .

أيه : المفروض أن عيد ميلاد بيشوى بكرا ، و بيشوفوا مكان مناسب .

فاتن : ااه ، طب ما يتعمل هنا في الحديقة ، و أهو نبقي كلنا موجودين .

أيه : فريدة مش راضيه .

فاتن : يختي هي الخسرانه .

أيه : الفكرة مش حلوه اصلا ، المهم ، عمو عامل اي .

فاتن : اهو تمام الحمدلله ، خالد مكلمني الصبح و قالي انه أحسن الحمدلله .

أيه : الحمدلله .

فاتن : أومال فين بابا ؟

أيه : فوق علي السطح ، طالع يشم شوية هوا .

فاتن : مزاجه دا غريب جدا .

أيه : بس رايق ي بنتي و عايش مش زينا شايلين هم الدنيا .

فاتن : لا اتكلمي علي نفسك .

___________________

هيجي بالليل ، بيشوى لسه في شغله ، و فريدة هتكون خلصت كـل حاجه .

هتقعد تستريح و تتصل علي فاتن .

فريدة : عامله اي ؟

فاتن : بخير و الله الحمدلله ، انتي عامله اي طمنيني .

فريدة : كويسه يحبيبتي الحمدلله ، اومال أيه فين ؟

فاتن : فوق في شقتها ، المهم كل سنه و انتي و بيشوى بخير يارب و مع بعض العمر كله يارب .

فريدة : و انتي بخير و في هنا يارب .

فاتن : يارب يقلبي ، بتعملي ايي كدا ؟

فريدة : ابدا ، كنت بظبط المكان كدا لحد ما بيشوى يجي .

فاتن بضحكة : ايوا يعم بقي عيد ميلاده بقي و كدا .

فريدة : دمك أخف منك .

فاتن : طبعا .

فريدة : بقولك اي هستناكي بكرا انتي و البنات ها جمعيهم انتي بقي و تعالو ، و خلي هاجر تجيب ولاء معاها .

فاتن : بس كدا عيوني .

فريدة : تسلملي عيونك يقمر .

فاتن : حبيبتي ، طب أنا هقفل معاكي عشان علي جه .

فريدة : ماشي يحبيبتي ، خلي بالك من نفسك .

فاتن : و انتي كمان ، باي .

المكالمة هتخلص ، علي هيدخل يقعد جمب فاتن .

بطرس : كنتي بتكلمي مين كدا ؟

فاتن : فريدة ، اعملك عشا ؟

علي بضيق : لا ، مليش نفس .

فاتن بقلق : فيه ايي ؟

بطرس : عندي شغل كتير بكرا في المستشفى و لازم أروح بدري بكرا و عايز انام و مضايق و زهقان و مش عارف اعمل اي .

فاتن بهدوء : خلاص اهدي يحبيبي فداك اي حاجه ، انا موجودة لو محتاج مني اي مساعدة .

بطرس : عارف يحبيبتي ، بس ياريت الحكاية في المساعدة ، المشكلة أن الشغل دا كتير اوي و انا و انتي مش هنقدر لوحدنا و يومين متواصلين و لازم يتبعت في ايميل برا مصر في كذا بلد ، و أبحاث يجي عشرة تقريبا كل واحد ٥٠ صفحة و لا حاجه ، و شغل انهارده كاتم عليا و زهقت خلاص .

فاتن : طب و اشمعنا انت تقوم بكل دا لواحدك مفيش دكاترة غيرك ؟

بطرس : فيه ، بس مدير المستشفى مش عايز غيري عشان عارف اني متفوق و أقدر اعمل كل دا لواحدي لكن هو جه قبلها بـ يومين بس .

فاتن : كل حاجه هتتحل بإذن الله ، انا هساعدك و باذن الله نخلصهم سوا ان شاء الله ، و اهو فريدة نجيبها تساعدنا اهي برضو تقدر تفيدك في حاجات كتير .

بطرس : عيد ميلاد بيشوى بكرا ، هتجي تساعدنا و تسيبه .

فاتن : انتي محسسني ان بيشوى الـ ٢٤ ساعه قاعد في البيت ، ما هو زيك كدا برا الـ ٢٤ ساعه .

علي بضحكة : بتهيالك .

فاتن : طيب يـ اخويا هقوم احضرلك العشا .

بطرس : مش جعان .

فاتن : لا ، هتاكل .

فاتن هتقوم تدخل المطبخ و علي هيفتح الموبايل بتاعه .

____________________

الساعه هتكون جات ١١ و بيشوى هيكون جه و باين عليه التعب و الحزن ، فريدة هتستقبله علي الباب .

فريدة بضحكة : كل سنه و أنت ضحكتك منوره حياتنا .

بيشوى بضحكة خفيفه : كل سنه و انتي معايا .

فريدة : و انت معايا يارب ، مالك ؟

بيشوى : مفيش يحبيبتي كنت مضايق شوية بس انتي خرجتيني من مودي ، و فرحان اوي .

فريدة : هنتكلم بعدين ها مش هسيبك .

بيشوى : ماشي .

هيدخلوا سوا الصالون و فريدة هتكون مزينة المكان كله بطريقه مختلفه و شكلها حلو جداا .

فريدة بضحكة : ايي رايك ؟

بيشوى بفرحة : يديمك مصدر فرحتي و قوتي و سعادتي يارب .

فريدة بفرحة : و يديمك ليا كل حاجه حلوه .

بيشوى هيقعد علي الكنبة و هي هتقعد جمبه و يمسك ايديها .

بيشوى : عارفه ، أول مره حد يفتكر عيد ميلادي او اه فيه اللي بيفتكر بيه بس مش بيحتفل معايا بيه ، انتي اول حد يحتفل معايا بيه و يفاجئني في اليوم اللي ببقي شايل هم الدنيا كله فوق دماغي ، بس انتي غيرتيه ، هو انا ايوا فيا اللي مكفيني الفترة دي بس مبسوط اوي انك في حياتي و انك قدرتي تفرحيني ، طول الوقت كنتي جمبي و بتحاولي تخففي عني مرار الدنيا و الله و الحمدلله بقيتي مراتي في الاخر ، العمر كله و انتي معايا يارب ، بحبك .

فريدة و الدموع علي خدها : للدرجة دي انا بقيت مهمه بالنسبة لك .

بيشوى : و أهم مني انا شخصيا ، عارفه أنا يمكن الفترة دي مش بتكلم معاكي و مش بنحكي لـ بعض كل حاجه زي الأول لكن كل الحاجات اللي فاتت و مقلتهاش هقولهالك كلها انهارده و انا آسف لو قصرت معاكي في اي حاجه .

فريدة : انا كمان أسفه لو كنت زعلتك في يوم من الايام .

بيشوى هيبوس رأسها و يحضنها .

___________________

هينتهي اليوم و يجي تاني يوم ، هدى (ساجدة) هتقوم تحضر الفطار و تستنى بولس يصحي و بعدين تمشي لـ جامعتها .

هدى (ساجدة) قاعدة في الصالون ، بولس هيصحي من النوم و يدخل عليها .

بولس : صباح الخير .

هدى (ساجدة) بضحكة : صباح النور ، كل دا نوم .

بولس : انتي راحه فين كدا ؟

هدى (ساجدة) : عندي محاضره و بعدين هروح لـ فريدة ، الفطار جوا جاهز ها .

بولس : طب استني اوصلك .

هدى (ساجدة) : لا يحبيبي شكرا ، أهم حاجه تفطر و متنساش هنروح نقضي اليوم عند فريدة و بيشوى انهارده ها .

بولس : حاضر يحبيبتي ، خلي بالك من نفسك .

هدى (ساجدة) هتمشي و بولس هيدخل المطبخ يفطر .

____________________

فاتن في المطبخ مع أيمن بتحضر الفطار .

أيمن : فاتن روحي نادي علي خليه يجي يفطر .

فاتن : حاضر ، اومال أيه و ماجد فين ؟

أيمن : خرجوا مشوار الصبح بدري و هيرجعوا علي طول بإذن الله .

فاتن : تمام .

فاتن هتروح تنادي علي و بعدين يفطروا سوا .

أيمن : اعمل حسابك هنروح كلنا انهارده لـ عمك رفعت .

بطرس : فيه حاجه و لا اي ؟

أيمن : اهو يعني نتلم كلنا سوا تاني و نطمن عليه و على بيشوى و فريدة .

علي بضحكة : ماشي يسيدي .

فاتن : انا هروح مشوار كدا و هرجع علي السريع .

بطرس : مشوار ايي ؟

فاتن بقلق : ايي ؟ لا دي واحدة صحبتي كانت طلبت مني حاجه هروحلها و هرجع علي طول باذن الله .

أيمن : خلي بالك من نفسك ي بنتي .

فاتن : حاضر يعمي ، يلا سلام .

فاتن هتمشي و علي هيكمل أكله بضيق .

بطرس : انا ماشي لـ شغلي بقي مش عايز حاجه .

أيمن : سلامتك يحبيبي .

____________________

فريدة في جامعتها في محاضره الدكتور محمد .

هينتهي من المحاضره و فريدة هتروح تقف معاه .

فريدة : ازيك يدكتور .

الدكتور محمد : الحمدلله يدكتوره ، طمنيني .

فريدة : كله تمام الحمد لله ، المهم تيجي انهارده و معاك طنط هديل ها .

الدكتور محمد بضحكة : عارف ، رفعت كلمني انهارده يستي و قالي ، كل سنه و بيشوى بخير يارب .

فريدة بضحكة : و حضرتك بخير يارب .

الدكتور محمد : انا هستاذن بقي عندي محاضرة بعد ساعة و يدوب احلق .

فريدة : اه اتفضل يدكتور .

الدكتور محمد هيمشي و فريدة هتمشي بعده .

____________________

هيجي بالليل ، فاتن و علي في العربية في طريقهم لـ بيشوى و فريدة .

بطرس : انا مش زعلان منك كذبتي عليا ، بس المفروض تعرفيني قبل اي حاجه .

فاتن : ما هو انا مكنتش عارفه اعمل اي ، الطريقه الوحيدة اللي قدرت اساعدك بيها .

بطرس : خلاص ننهي الموضوع و أنا هتكلم مع فريدة و هي هساعدني الموضوع اتاجل أسبوع لأن فيه مشاكل في الشغل .

فاتن : اوك ، حقك عليا مش هعمل حاجه تانيه ابدا تزعلك .

بطرس : لا اعملي و انا هوريكي وش تاني .

فاتن بزعيق : ما كفاية بقى ، انا غلطانه اصلا .

بطرس : اه غلطانه متفكريش من دماغك تاني .

فاتن بضيق : حاضر .

بطرس : تفتكري هيبقي فيه هناك اكل و كدا اصل حقيقي انا جعان اوي .

فاتن هتضحك و بعدين هو هيضحك بعدها .

____________________

قبل ما فاتن و علي يوصلوا ، هيكون الكل موجود .

رضوي : كل سنه و انت طيب ي حبيبي .

بيشوى : و انتي طيبه يحبيبتي .

رضوي : فكرتني بيوم ميلادك لما كملت سنه ، امك كانت شيلاك و انت كنت عمال تعيط مش راضي تسكت غير لما انا اشتالتك لقيتك ضاحكلي تلقائي .

فريدة بضحكة : هو كئيب من يومه و لا اي .

بيشوى : نتلم ها .

فريدة بضحكة : حاضر .

الجرس هيرن فريدة هتقوم تفتح .

فريدة : متأخرة دايما يفاتن .

فاتن : عيب عليكي .

بطرس : دي هدية بسيطة كدا مني لـ بيشوى

هيدي لـ فريدة شنطة هدايا و بعدين يدخل ورا فاتن .

فريدة : ماشي يسيدي شكرا .

كلهم هيقعدوا سوا و بعدين فريدة هتحضر العشا و يتعشوا سوا و بعدين يحلوا بـ الجاتو .

أيمن : ديما متجمعين يحبايبي .

بيشوى : يارب .

____________________

هينتهي اليوم و كل واحد هيروح بيته ، و بعدين بيشوى و فريدة هيطلعوا يقعدوا على السطح .

بيشوى : أيام ما يعلم بيها الا ربنا ، الحمدلله .

فريدة : الحمدلله .

بيشوى : حقيقي الواحد لازم يعيش كل وقت بـ حلوه او مُره .

فريدة : لازم يبقى عندنا أمل في بكرا و نطمن قلبنا طول ما ربنا موجود .

بيشوى : و مش عيب ان البني آدم يسند أخوه ، أو حد يساعده كلنا مخلوقين نساعد بعض و نكون بعض .

فريدة : كل وقت بيمر بينا حلو هيجي الاحلى و هيجي الاوحش و الاوحش ، كل حاجه بتتبني على الروح و العقل إذا كنت باني عقلك صح هتمشي صح و هتوصل لـ وقت هيمر عليك انه اوحش وقت و بفضل ربنا هيجيلك الاحلي و الاحلي ، لازم ندوق الوحش عشان نستمتع بالحلو لما يقرب .

بيشوى : كلنا عيوب مفيش حد فينا كامل ، و كلنا بنغلط ، بس الأهم أن احنا نتعلم .

فريدة بفرحة : و إنك النور الذي يضيء لي في عتمه طريقي .

بيشوى بضحكة : و إنك بالنسبه لي الكون كله

تمت