Note: You can change font size, font face, and turn on dark mode by clicking the "A" icon tab in the Story Info Box.
You can temporarily switch back to a Classic Literotica® experience during our ongoing public Beta testing. Please consider leaving feedback on issues you experience or suggest improvements.
Click here
كريم بتعجب : حيلك حيلك اي ال أنتي بتقوليه أنا مش فاهم حاجه اتفضلي أكتبي وإياكي تكوني بتغلطي
"ثم أعطاها الورقه"
هيام أمسكت الورقه وقامت بتقطيعها وفتحت كفة يده ووضعتها فيها
وأشارة بيدها وهي غاضبه
: مش كاتبه وعنك مافهمت
"ثم تركته وذهبت لتبديل ملابسها "
كريم في ذهول والورق المتقطع في يده
: واضح ان انا حنين مع البت دي علشان كدا مقويه قلبها بذيياده
______
"في منزل هيثم اخوا هيام"
هيثم بحزن : مكلمتيش هيام ياماما
والدته : لا ياحبيبي خليها تعيش وتشوف حياتها وبعدين هكلمها ازاي اختك علشان خرسا مبتشلش موبايل
هيثم : اه صحيح نسيت المهم حاولي تطمني عليها وانا بفكر اروحلها بكرا اشوف اخبارها اي واسلم عليها
والدته : بإذن الـلـه أنا اساسا متفائله بالجوازه دي
_________
هيام نزلت مع كريم إلى الجنينه
نورهان ومصطفى يتحدثان
والدة كريم رآت هيام وكريم من بعيد قالت بإبتسامه : اهلا اهلا كنتوا فين وسايبنا هنا
نورهان بضحك : عرسان جداد ياماما سيبيهم براحتهم
مصطفى بضحك : لا ياجماعه مش ال ف دماغكوا لا
وضع كريم يده على خصر هيام وجذبه إليه وهو ينظر لمصطفى بضيق : أو ال ف دماغهم دي مراتي ولا انت شايف اي
مصطفى بغضب وهو ينظر ليد كريم الملفوفه حول خصر هيام : كفايه كدا يانورهان يلا نروح اديكي شوفتي اخوكي واطمنتي عليه
نورهان : خلينا شويه كمان
مصطفى وهو ينظر ل هيام: لا مش هقدر اقعد أنا اكتر من كدا هستناكي ف العربيه
حينها آذاحت هيام يد كريم من عليها وذهب بغضب لغرفتها
__________
ف المساء تجلس هيام مع سلمى اخت كريم الصغرى
هيام كتبت لها : سلومه كنت عايزه اعرف منك شوية حاجات عن كريم
سلمى بإبتسامه : شوية حاجات زي اي وانا اقولك
هيام بإبتسامة لؤم كتبت لها : يعني بيدايق من اي بيكره اي
سلمى بتعجب : هو مش مفروض تسألي بيحب اي
هيام بتوتر كتبت :لا مانا عايزه اعرف بيكره اي علشان معملوش
سلمى : اااه فهمت قصدك بصي يا ستي كريم بيكره الأهتمام جدا بيحس إنه حاجه أوفر وعمره ماحب إن حد يهتم بيه أو يدلعه وخصوصا لو حد قاله ياكيمو بيدايق اوي
هيام ضحكت بمكر وأشارة : اها كيمو قولتيلي
سلمى بتعجب : اي مش فاهمه
هيام كتبت : لا لا مفيش حاجه المهم انك قمر تعالي أعلمك شويه لغة الإشاره
__________
بعدما إنتهت هيام من جلستها مع سلمى ذهبت لغرفتها
وجدت كريم جالس على الكرسي يقلب ف التاب الخاص به
هيام بغضب أشارة: اي ال انت عملته قدامهم ف الجنينه داه
كريم لم يفهم : قولتلك كام مره مبفهمش لغة الأشاره اكتبي
هيام بغضب أمسكت الورقه وقالت : اي ال انت هببته ف الجنينه داه
كريم وقف من ع الكرسي وأقترب من هيام وقال بغضب : أنا أعمل ال أنا عايزه ف اي مكان وفي أي وقت ولا انتي خايفه ع مشاعر سي مصطفى
هيام بخوف وتوتر كتبت : وهخاف على مشاعره ليه أنت إنسان مستفز فعلا
" ثم ذهبت وتركته"
___________
ف الصباح
أستيقظ كريم على صوت معالق وصحون تتحرك
أزاح الغطاء وجلس على سريره ينظر حوله وجد هيام واقفه فوق رأسه
كريم : بسم الـلـه الرحمن الرحيم بتعملي اي هنا ع الصبح
هيام أشارة إلى امامه
نظر كريم أمامه وجد صينية الأكل ع السرير
كريم بتعجب : اي داه
هيام بتهذب وأدب كتبت : دا الأكل ياكيمو ياحبيبي جبتهولك لحد عندك ومن هنا ورايح هتم بيك ياقلبي متشلش هم حاجه
كريم بصرااااخ : هيامااااا أطلعي بره
يتبع .......
الفصل العاشر
كريم إستيقظ صباحا ليجد الأفطار موجود على سريره وهيام تقف فوق رأسه
كريم بتعجب : هيام اي داه
هيام بإبتسامة مكر : دا الفطار ياكيمو ياحبيبي
كريم في ذهول : كيمو! وحبيبك!
هيام كتبت له : اها أنا خلاص عرفت غلطتي وقررت أصلحها أنا فعلا مش هلاقي زوج زيك أنا من هنا ورايح خدامتك ياسي سيد
كريم يقرأ ماكتبته هيام بذهول : سيد!
هيام كتبت: أقصد كيمو كيمو
كريم قام من على السرير وأخذ صينية الأكل في يده ووضعها ع التربيزه وهو يقول بغضب
: رجعي الفطار داه المطبخ وبطلي تقولي كيمو دي تاني ما ...
هيام أمسكت ببيضه من ع صينية الأكل ووضعتها داخل فمه وهو يتحدث
وأشارة ببرود : لازم تتغذى كويس ياكيمو
حاول التحدث لكن البيضه وقفت في حلقه
هيام أمسكت بكوب الماء ومدته له ببرود
كريم يشرب وهيام أمسكت الورقه وكتبت
: على مهلك ياحبيبي كدا يحصلك حاجه وأنا مقدرش أعيش من غيرك
قرأ الكلام الذي كتبته هيام فأندفق الماء من فمه وظل يكح
هيام بتعجب أشارة : مالك ياكيمو
كريم أخذ نفس وقال بغضب : هيام أيا كان ال بتحاولي تعمليه بنصحك تبطلي أنا داخل اخد شاور وعايز أطلع الاقي المهزله دي مش موجوده
بعد فتره خرج كريم من الحمام وهو يجفف شعره بالفوطه
وجد هيام تقف أمامه
لم يكلمها ووقف أمام المرأه وهو يكمل تجفيف شعره
ذهبت هيام وراءه ووقفت بجانبه وأمسكت الفرشاه وأعطتها له
كريم بتعجب : في حاجه
هيام بمكر كتبت : لا مفيش أنا من هنا ورايح ههتم بيك وقبل ماتطلب الحاجه هتلاقيها موجوده
كريم بغضب امسك بذراعها : أنا مش عارف انتي بتهببي اي واتمنى تبطلي بقى علشان زهقت بجد
"ثم نظر للمرأه ليكمل تمشيط شعره "
هيام ظلت واقفه ولم تتحرك
كريم نظر لها : يعني مش هتمشي
هيام أشارة برأسها : لا
قام بخلع التيشرت
هيام أدارت ظهرها ووضعت يدها على عينها بسرعه
كريم بإبتسامة مكر اقترب منها وأنخفض برأسه وأزاح شعرها عن أذنيها وقال بصوت منخفض
: بلاش أنا ياهيام
هيام بخوف أزاحت أحد أصابعها عن عينها ونظرت له ثم أغمضت مره اخرى وخرجت من الغرفه مسرعه
كريم إبتسم ثم قال في نفسه : مجنونه
__________
خرج كريم من غرفته أخيرا بعدما ارتدى ملابسه وجلس على طاولة الأفطار
هيام جائت ووقفت بجانبه وهو يأكل
والدة كريم : في حاجه ياهيام يابنتي ماتقعدي تاكلي
هيام كتبت لها : لا مقدرش أكل الا لما كيمو حبيبي ياكل واطمن عليه
قرأة والدة كريم كلمة كيمو وقف الطعام حينها في حلقها وقالت : أهؤ اهؤ كيمو ! مين قالك كلمة كيمو دي
كريم بغضب نظر لهيام وهي واقفه فوق رأسه وقال : طب مش واكل أنا خارج
وهو خارج
سمع سلمى تقول : ياماما هيام إمبارح سألتني اي اكتر حاجه كريم بيكرها وانا قولتلها أنه مبيحبش حد يدلعه ويقوله ياكيمو
رجع خطوتين للخلف ونظر ل هيام بمكر
: اه هو الحوار كدا بقى
هيام بتوتر كتبت له : سلمى بتموت ف الهزار مش كدا ياسلمى
كريم بمكر : لما ارجع من الشغل اكيد هيكون لينا كلام تاني ياقلب كيمو انتي
هيام تبتلع ريقها في حلقها الذي جف من الخوف
تركها كريم وذهب إلى عمله
______ ____
أمضت هيام اليوم مع سلمى تعلمها لغة الأشاره وبدأت سلمى فعلا بالتقدم ف التعلم وبدأت تفهم هيام وهي تشاور
سلمى : هيام عندي فكره حلوه
هيام أشارة : فكرة اي
سلمى : هعملك فديو وانتي بتتكلمي فيه بالإشاره وهعرضه قدامهم النهارده على العشا
هيام وهي تفكر أشارة : اممممم ماشي موافقه
بدأت هيام وسلمى في تسجيل الفديو وبعد فتره من الوقت انتهو وذهب كل منهم إلى غرفته
رجع كريم من عمله ودخل إلى غرفته وجد هيام تجلس على الأرض تذاكر
أول لما رآته هيام قامت مسرعه وأمسكت بجاكيت البدله وكتبت له
أنا هقلعك البدله ياكيمو
كريم بهدوء ومكر : وماله ياقلب ياكيمو
هيام بتعجب : ها
كريم بمكر اقترب منها وقال : يانا يانتي ياقلبي
هيام بدأت تتوتر وخرجت من الغرفه لتجهيز العشاء
فوجئت بدخول والدتها وهيثم أخيها عليهم
هيام بتعجب أشارة: ماما ! هيثم !
هيثم أقترب منها وأحتضنها وبكى : وحشتيني ياهيام
هيام لم تتمالك نفسها وبدأت الدموع تتساقط من عينها
حينها خرج كريم من غرفته فوجدهم أمامه
والدتها : وانا ياهيام مش هتسلمي عليا
هيام بحزن لم تتحرك من مكانها
أقبلت عليها والدتها وأحتضنتها
إنتهى المشهد وجلس الجميع يتحدثون
هيثم : قوليلي اخبار مذاكرتك اي
والدة هيام قاطعته قائله : بقولك اي يابنتي مابلاش إمتحانات السنادي انتي خلاص اتجوزتي يعني ملوش لزوم التعليم اساسا
خرج كريم عن صمته وقال : هيام هتكمل تعليمها وليها حق الأختيار ف حياتها
هيام تعجبت من ردة فعله
والدتها بحرج: ومالو عندك حق يابني ربـنـا يسعدكوا طب إحنا اطمنا على هيام وكفايه كدا هنقوم نمشي
والدة كريم : تمشوا فين بس الأكل جهز هنتعشى سوا الأول
"جلس الجميع ع المائده وتناولوا العشاء بعدها قامت سلمى وقالت
: ياجماعه أنا وهيام محضرين ليكوا مفاجأه
نظر الجميع بتعجب
هيثم :مفاجأة اي
بدأت سلمى بتشغيل الفديو ع شاشة العرض
هيام شعرت بالكسوف
كان كريم يقلب في هاتفه وعندما بدأ الفديو تركه جانبا ونظر له بإنبهار
( أستمع الجميع ال الفديو وأحبوه جدا وبعدها ذهب أهل هيام الى منزلهم ودخل جميع من بالمنزل إلى غرفهم للنوم )
كريم يتكأ على السرير
دخلت هيام وحملت كتبها لتخرج الى البلكونه تذاكر
كريم : انتي بتعملي اي
هيام كتبت له: طالعه أذاكر بره علشان مفتح النور عليك ويدايقك
كريم بتوتر : افتحيه عادي وذاكري هنا متطلعيش تذاكري بره تاني
هيام بتعجب كتبت : انت متأكد من كلامك
كريم : ارجعي ف مكانك بقى قبل ما ارجع ف كلامي
هيام بإبتسامه كتبت : لا لا خلاص ياكيمو
كريم بهدوء قام من على سريره وأقترب منها وهمس في إذنها :
بما إنك قررتي تكوني زوجه مطيعه وتهتمي بيا اوي كدا فأنا قررت اكون زوج كويس ومراتي حبيبتي هتنام جمبي النهارده
هيام من الصدمه سقطت الكتب من يدها على الأرض وكتبت له : أكيد بتهزر مش كدا
كريم بغيظ : لا طبعا ياقلب كيمو يلا ياحبيبتي علشان ننام وظل يقترب منها
هيام وهي ترجع للخلف بخوف أشارة : كريم أنا كنت بهزر دا كله خليك مكانك بعد اذنك
أصدمت بالكرسي وهي ترجع للخلف وكادت أن تقع فجذبها له وهمس في أذنها بإبتسامه
السرير عندك نامي عليه أنا هنام على الكرسي هنا بعد كدا
ثم تركها وجلس على الكرسي ومد رجله لينام
هيام بتعجب كتبت له : متأكد إنك مش عايز تنام على سريرك
كريم هز برأسه : اها
هيام بتعجب كتبت: أنا مفروض إني هنام على السرير بتاعك ال مفيش حد بينام عليه خالص غيرك صح
كريم : خلصي بقى هتفضلي تتعجبي طول اليلل
هيام ذهبت في ذهول إلى السرير وأستلقت عليه ووضعت كتبها بجانبها وهي تفكر
معقوله كريم هيسبني انام على سريره عادي
بعد فتره أعتدل كريم في جلسته ونظر لها وقال
: هيام هو انتي اي وصلك لمصطفى ممكن اعرف
هيام بخوف نظرت له واعتدلت من نومتها
وكتبت : عندك وقت تسمع الحكايه من أولها
كريم بإبتسامه : هسمع وأمري لـلـه
بدأت هيام بالكتابه وكريم يستمع لها
تمادى الحديث بينهم والأسئله
فقام كريم من ع الكرسي وجلس بجانبها على السرير وظلوا يتحدثان طول اليلل
حينها فهم كريم كل ماحدث في تلك الليله التي اعتدى فيها مصطفى على هيام
بعد حديث طويل دار بينهم غفا الأثنان دون شعور
"في نهار اليوم التالي"
أستيقظ كريم فوجد هيام نائمه على ذراعه
نظر لها بإبتسامه وأزاح شعرها عن وجهها وهو ينظر لها في هيام
بعد ثواني استوعب ما يفعله قام بفزع ووقع من ع السرير
هيام أفاقت حينها ونظرت حولها وجدت كريم ع الأرض
هيام أمسكت بالورقه وكتبت له : ياحرام انت نمت طول اليلل ع الأرض
كريم بتوتر : ها اه نمت هنا
"ثم قام بسرعه وذهب إلى الحمام ليأخذ شاور"
هيام نظرت في تاريخ الهاتف فوجدت أن إمتحانتها ستبدأ بعد يومان
يتبع ......
الفصل الحادى عشر
"آتى موعد امتحانات هيام"
في ليلة الأمتحان
ظلت هيام تلف حول نفسها وتمشي يمينا ويسارا من التوتر وكريم مستلقى على الكرسي"
كريم بضيق: أقعدي بقى وترتيني
هيام لم تلقى له بالا وظلت تلف بتوتر ثم نظرت للمرأه وقالت بكرا اول امتحان وكمان هكون لوحدي
كريم بتعجب: انا بكلمك ع فكرا
هيام ظلت صامته ولم ترد عليه
كريم قام من ع الكرسي بغضب ووقف أمامها وقال لها وهو يكز على اسنانه: بقولك اقعدي وترتيني معاكي
هيام نظرت له من فوق لأسفل بنظرة إشمئزاز ثم إزاحته بيدها بعيدا وظلت تذهب يمينا ويسارا وهي تفكر
كريم وقف في ذهول من ردة فعلها
ثم أمسك بذراعها وقال
: هيام هو انتي مبتخفيش مني ليه
هيام أشارة : واحد أبله ومغرور وشايف حاله هخاف منه ع اي اه صحيح وكمان احمق
كريم وقف ينظر لها بتعجب لأنها أشارة ولم تكتب
ثم أشارة مره اخرى وقالت: الحمدلـلـه انك مش هتفهم أنا قولت اي
"وتركته ومضت"
كريم : واحد أبله ومغرور وشايف حاله وكمان احمق
هيام أبتلعت ريقها ورجعت خطوطتين للخلف نظرت له بخوف وأشارة
: هو انت مش مفروض إنك متعرفش لغة الأشاره
كريم بمكر : مفيش حاجه صعبه عليا إتعلمتها
هيام بخوف أشارة : فاجئتني بصراحه بس حلو
ثم ضحكت ضحكه مصطنعه وأشارة : هقعد أنا اهوه ومش هتحرك تاني وأسفه جدا إني ازعجتك
ثم جلست على الكرسي بهدوء
كريم وهو يكتم ضحكته جلس بجوارها وأخذ نفس وقال
: متوتره كدا ليه
هيام بنظرة غباء أشارة : بيقولوا بكرا عندي امتحان
كريم أمسكها من شعرها : بطلي لماضه بقى
رفعت عينها ونظرت له وكان اولةلقاء بين عينهم بحب
هدوء ثواني
كريم بتوتر ترك شعرها ودفعها بعيد
: يخربيت عيونك
هيام بتعجب أشارة : مالهم ياحضرة المغرور
كريم بتنهيده : المهم
هيام أشارة : ايوا المهم
كريم بتوتر : هو أنا كنت عايز اعرف منك يعني اي مخططاتك للمستقبل
هيام أشارة : عندي مخططات كتير اوي اوي
كريم بتوتر : ممكن اعرفهم
هيام بتعجب: بتتدخل ف خصوصياتي كتير الفتره دي بس يلا مش مهم
كريم : إنجزي إحنا هنتصاحب
هيام : اولا أنا مقرره اول لما أخلص ثانويه عامه وابدأ جامعه هشتغل وانتقل لبيت اجار واعتمد ع نفسي
كريم (تنح من كلامها) :انتي بتقولي اي
هيام: اشارة زي ماسمعت
كريم : ولما انتي هتشتغلي وهتعيشي لوحدك أنا فين ف دا كله
هيام اشارة : اي انت نسيت أن جوازنا دا جواز مصلحه مش اكتر يعني لا انت موافق عليه ولا أنا موافقه عليه فعادي يعني هتطلقني وتتجوز وتعيش حياتك وتعمل الفرح ال كان نفسك فيه وتتجوز بنت معندهاش إعاقه زي وبص اول لما امشي من حياتك هتتبسط اوي صدقني
كريم بتوتر : لا منستش كل داه بس خدي بالك أنا لو طلقتك والدتك هتروح تقول لنورهان ع ال مصطفى عمله معاكي
هيام بفرح اشارة : وقتها متقلقش أنا هعرف اتصرف المهم اني اخلص منك وبعدها كل حاجه هتبقى تمام
كريم بغضب : انتي إنسانه مستفزه تعرفي كدا
هيام بتعجب : ليه هو كلامي مش عاجبك
كريم بتوتر: لا عاجبني جدا دا كويس اني هخلص منك
هيام قامت من ع الكرسي وأشارة: ممكن حضرتك تقوم تخرج بره الأوضه علشان اكمل توتر براحتي وموتركش معايا
جذبها لأسفل وأجلسها على الكرسي مره اخرى
كريم : أقعدي لسه مخلصتش كلامي
هيام بضيق: إتفضل ياحضرة المحقق
كريم بتوتر وهو يحاول تجميع الكلام: كنت عايز أسألك يعني هو انتي امتى هتحبي وأي مواصفات الشخص ال هتحبيه
هيام بتعجب : اي الأسئله الغريبه دي
كريم : جاوبي وانتي ساكته
هيام : اولا أنا عمري ماحبيت ومستحيل هحب
كريم : ليه
هيام : علشان أنا مليش إني أحب واتحب أنا واحده عندها إعاقه مين هيقبل بيا زوجه ليه وأم لأولاده
كريم : عادي يعني وفيها اي انتي ذكيه ودمك خفيف وحلوه واي حد يتمناكي زوجه ليه
هيام بذهول وضعت يدها على رأسه وأشارة: كريم انت سخن
كريم قام بتوتر : الأحسن فعلا اني امشي لاني مبقتش عارف انا بقول اي وبتصرف ازاي
هيام قامت أيضا بذهول وقالت : انت ادايقة اوي كدا ليه كلها فتره قصيره وكل واحد مننا هيروح لحاله
"ثم مضت وهي تشاور"
أنا خارجه اكمل توتر بره
____________
"خرجت هيام الى الجنينه"
وظلت تذهب يمينا ويسارا بتوتر
وهي تردد في عقلها
: عندي إمتحان بكرا ؛ عندي امتحان بكرا ؛ عندي امتحان بكرا
______________
إنتهت ليلة الأمتحان وآتى الصباح
كريم كان نائما على الكرسي
كان معتادا أنه عندما يستيقظ يرى هيام نائمه أمامه على السرير
لكنه فوجئ بعدم وجودها
قام مفزوع من نومه وهو يفكر في نفسه
راحت فين دي
خرج لوالدته راكضا
:ماما هيام فين
والدته بتعجب : ومالك بتسأل عليها وانت مخضوض كدا ليه
كريم : ياماما قولي بعد اذنك الزفته دي راحت فين
والدته بضحك : انت نسيت ان عندها امتحان النهارده
كريم صمت قليلا وتذكر جملة هيام حينما كانت واقفه أمام المرأه وقالت ( بكرا امتحاني وكماني هروح لوحدي )
إرتدى ملابسه وذهب إلى مدرستها راكضا
رآته والدته وهو يرقض قالت
: طب مش هتفطر الاول
كريم : مش وقته
والدته بضحك : قولت الواد عشقان محدش صدقني
____________
وقف ينتظرها أمام المدرسه في سيارته
__________
في منزل مصطفى
مصطفى : نورهان انتي مش عايزه تروحي تقعدي الكام يوم ال قبل الولاده دول عند اهلك
نورهان بتعجب : ليه اروح يعني مش فاهمه !
مصطفى : يعني شايفك تعبانه وكدا فبقولك تروحي تريحي الكام يوم ال قبل الولاده دول هناك
نورهان بتعجب : طب وانت مين هيهتم بيك ف الوقت داه
مصطفى بإبتسامه : وهو أنا أقدر اسيبك بردو أنا هروح معاكي
نورهان بفرح : بجد هتيجي معايا بس ثواني انت عمرك ماحبيت تنام عند اهلي
مصطفى : انا أستحمل اي حاجه علشان خاطر عيونك
نورهان : ربـنـا يخليك ليا ياقلبي انا هقوم احضر هدومنا دي ماما هتتبسط اوي
_______
وصلت نورهان ومصطفى لمنزل والدتها
والدتها : انا مبسوطه اوي انكوا اخيرا هتقعدوا معانا كام يوم خصوصا مصطفى دي اول مره يعملها
نورهان : مصطفى علشان بيحبني بيحاول يعمل اي حاجه تسعدني
"مش كدا يا مصطفى"
كان يتلفت يمينا ويسارا وكأنه يبحث عن أحدهم ثم قال
اه كدا ياحبيبتي هو صحيح مشفوتش هيام من وقت ماجيت
والدتها : هيام !
مصطفى بتوتر: اقصد كريم ومراته يعني
والدتها : اااه لا هيام عندها امتحان النهارده ربـنـا معاها
مصطفى : راحت لوحدها ولا اي
والدتها : لا كريم لحقها معرفش هيجبها معاه ولا هترجع لوحدها
نورهان : دا كريم اخويا وانا عارفاه معتقدش أنه هيستناها
"بدأت الأمطار بالتساقط"
مصطفى نظر إلى الشرفه وقال
دي بدأت تمطر وقايلين ف النشره الجويه إن فيه أمطار غزيره النهارده
والدتها بحزن : ياعيني عليكي ياهيام يارب كريم يورحلها
نورهان : هو احنا هنستنى يورحلها ولا لا قوم يا مصطفى هاتها البنت غلبانه ومش حمل بهدله
مصطفى بفرح : عندك حق يانورهان أنا هروح اجبها واجي بسرعه زمانها خرجت من الامتحان
_________
كريم مازال ينتظر هيام في سيارته
واخيرا بدأ الطلاب بالخروج من المدرسه
ظل يدقق لكي يرى هيام
خرجت هيام من باب المدرسه اخيرا إبتسم حينما رآها وهم بفتح باب السياره ليذهب لها
لكنه فوجئ بمصطفى يذهب ناحيتها
أغلق كريم باب السياره وجلس داخلها مره اخرى ونظر لهم بذهول
مصطفى : هيام هيام
هيام نظرت خلفها فوجدت مصطفى أمامها
بدأت ترجع للخلف بخوف
مصطفى : متخفيش
هيام أشارة له بخوف أن يذهب ويتركها
مصطفى بمكر : متخفيش نورهان هي ال بعتتني اخدك هو إحنا مش بقينا عيله ولا اي
هيام بتعجب أمسكت بالقلم وكتبت : لا احنا مش عيله ولا عمرنا هنكون عيله
مصطفى : ماشي ياستي بس اظن بردو أن كريم قايلك تتعاملي معايا عادي ولو مركبتيش معايا دلوقتي وروحتي لوحدك نورهان هتشك أن في حاجه بينا
هيام وهي تفكر ف الأمر
كتبت له : لأ مش هينفع اروح معاك حتى لو أي حصل امشي وسبني
مصطفى اقترب منها أكثر : بس الجو بيمطر هتتبهدلي ف المواصلات وكريم عمره ماهيجي ياخدك افهمي
هيام كتبت له : أنا لا عايزاك ولا عايزه كريم أنا هروح لوحدي
كان كريم يراقب المشهد من بعيد وهو يكز على أسنانه ويحكم قبضة يده
يتبع ........
الفصل الثانى عشر
مصطفى بضيق : لو مستنيه كريم فتأكدي أنه عمرو ماهيجي ياخدك تعالي معايا صدقيني
هيام كتبت: أنا لا عايزه كريم ولا عايزاك قولت هروح لوحدي
"ثم تركته ومضت"
مصطفى بغضب لحقها وأمسكها من ذراعها بقسوه
: لو مش هتيجي برضاكي هتيجي غصب عنك تماما
"كان كريم يراقب المشهد من بعيد عندما رآى مصطفى ممسك بذراع هيام إشتاط غضبا وبدأت عروقه بالنفور وملامحه تحولت تمام
نزل من باب سيارته وذهب إليهم
أبعد يد هيام عن مصطفى
مصطفى وهيام تفاجئان من وجود كريم
مصطفى بتعجب : كريم
كريم مسح وجهه بيده وهو يحاول تمالك نفسه ثم ضرب مصطفى بالبوكس في وجه
وقع مصطفى على الأرض
رجعت هيام للخلف بخوف وأصابها الذعر
مصطفى وهو ساقط ع الأرض يضع يده على فمه وكريم يقترب منه
: صدقني انت فاهم غلط اختك ال قالتلي اروح اجبها حتى كلمها أسألها
كريم يكز ع أسنانه من الغضب ويقترب منه أكثر ليضربه مره اخرى
فجأه هاتف كريم يرن نظر إليه فوجد المتصل أخته نورهان
أخذ نفس وهدأ قليلا وأجاب
: اي يانورهان انتي كويسه
نورهان : اه ياحبيبي بخير أنا بس كنت بطمن انت فين أنا بعت مصطفى ياخد هيام وأتأخر جدا ونسي موبايله هنا ف البيت
كريم هدأ عندما علم أن أخته من بعتته
: اطمني احنا جايين كلنا
نورهان : طيب حاولو متتأخروش لأن الجو هيقلب بعواصف بعد كدا ربـنـا يستر
كريم : متقلقيش وهدى نفسك نص ساعه ونكون عندك
أغلق كريم هاتفه واقترب من مصطفى وأمسكه من لياقة قميصه
: انت عارف لو مكنتش نورهان ال بعتتك كان هيبقى بينا حساب تاني
"ثم تركه وأمسك بيد هيام وأخذها إلى السياره"
مصطفى وقف ينظر لهم من بعيد وهو يمسح الدماء التى نزلت من فمهمه قائلا في نفسه
معقوله كريم حبها
لا لا معتقدش هيحب خرسا يعمل بيها اي
بس البنت تتحب بصراحه معرفش ازاي ضيعتها من إيدي ماكان ممكن اتجوزها ف السر ومحدش كان هيعرف حاجه للأسف ضيعتها بغبائي
______
كريم وهيام ف السياره
هيام لم تتمالك نفسها وظلت تبكي
كريم : خلاص كفايه عياط محصلش حاجه
هيام لم ترد عليه وظلت تبكي
أوقف كريم السياره على جمب ونزل من السياره وأنزل هيام
أخرج منديل وأقترب منها ليمسح دموعها
لكن هيام أخذت منه المنديل ومسحت وجها بيدها
شعر بالإحراج حينها ثم قال
: ممكن تهدي بقى وتفهميني اي الحوار ال حصل بينكوا
هيام إنفتحت بالبكاء أكثر ولم تتمالك أعصابها وألقت بنفسها في حضنه
كريم صدم من ردة فعلها ف البدايه ثم أستوعب الأمر ورفع يده وأحتضنها وقال بإبتسامه
متخفيش طول مانا معاكي
أستوعبت هيام ماحدث فأبعدت نفسها عنه وأشارة: آسفه
كريم أمسك بها وجذبها إلى حضنه مره آخرى
: حد قالك إني مدايق
("في نفس اللحظه كان مصطفى يمر بسيارته ع الطريق ورأئاهم"
غضب حينها وتأكد أن كريم يحب هيام )
هيام بتعجب أبعدت نفسها مره آخرى عن كريم
