- Non-Erotic
- وتشاء الآلهة
- Page 21
Note: You can change font size, font face, and turn on dark mode by clicking the "A" icon tab in the Story Info Box.
You can temporarily switch back to a Classic Literotica® experience during our ongoing public Beta testing. Please consider leaving feedback on issues you experience or suggest improvements.
Click here
فريدة بقلق : هاجر لو عرفت دي ممكن تروح فيها .
بيشوى : عشان كدا عايز الموضوع دا سر ما بينا و فيه ظرف مع هاجر انا عايزك تجبيه بس من غير ما تعرف .
فريدة بتوتر : ظرف اي دا ؟
بيشوى : لما تجبيه هنفتحه سوا و هتعرفي وقتها ، أنا هدخل انام عشان تعبان شويه .
فريدة : تصبح على خير .
بيشوى : و انتي من اهل الخير يحبيبتي .
بيشوى هيدخل ينام و فريدة قاعده و مستغربه جدا من اللي سمعته و خايفه جدا و كل اللي في تفكريها أن اي اللي دخل والد و والدة هاجر في القضية دي و لا فعلا القضية اللي بيشوى هيمسكها تبعهم ؟
فريدة هتقوم تدخل الاوضه عشام تنام و لكن مش عارفه تنام من كتر التفكير .
___________________
صباح يوم جديد ، فريدة هتقوم تحضر الفطار كالعادة و بعدين تفطر مع بيشوى و تمشي تروح لـ بيت الدكتور محمد .
لما توصل هتدخل اوضه هاجر علي طول .
فريدة بضحكة : الجميل بيعمل اي ؟
هاجر هتبصلها
هاجر بفرحة : اي دا فريدة تاني .
فريدة : تقصدي اي ها ؟
هاجر : و لا حاجه .
فريدة : معرفتش اقعد معاكي امبارح قولت اجي اقعد معاكي انهارده .
هاجر : ماشي يستي ، انتي عامله اي .
فريدة : اهو تمام ، طمنيني اي اخبار جامعتك .
هاجر : اهو ماشيه .
فريدة : مش مطمنه بس المهم اي اخبارك انتي .
هاجر : سنين فاتت مشفتش فيهم شخص و بعد السنين دي كلها يظهرلي اي السبب مش عارفه .
فريدة بتوتر : مين الشخص دا .
هاجر : واحد كان جاري و كدا .
فريدة : اها ، طب و ظهر ليه فجأه كدا .
هاجر : ما دا اللي انا مستغرباها ، و كمان اتفاجئت أن هو ازاي عرف رقمي و لا عنواني و لا جامعتي .
فريدة : اللي يسأل ميتوهش .
هاجر : ممكن برضو ، اي رايك نقعد انهارده سوا كلنا .
فريدة : انتي عارفه انا مش فاضيه ، بس بإذن الله في اقرب وقت المهم شادي عامل اي .
هاجر : مبكلموش و فكك .
فريدة : اي السبب .
هاجر : يااه الموضوع دا من بعد فرحك علي طول ، و من قبلها اصلا انا عارفه اني عمري ما هسلك مع حد .
فريدة : و لا تزعل يعم بكرا يجيلك الأحسن .
في الوقت دا شادي هيجي ، الدكتور محمد هيفتحله الباب و هيدخل و هو بيزعق .
شادي بزعيق : ممكن اعرف الانسه هاجر فين .
فريدة و هاجر جوا في الاوضه و اول ما يسمعوا الصوت هيطلعوا .
الدكتور محمد هيمسك دراع شادي
الدكتور محمد بزعيق : بقولك اي ، انا سيبتك تدخل البيت من غير سلام ، و البيت دا ليه احترامه ، اتكلم معايا و كلامك كله يبقى معايا .
فريدة : ايي فيه اي ، كل دا زعيق .
شادي بزعيق : اسألي صاحبتك فيه اي .
الدكتور محمد بزعيق : هتتكلم تتكلم باحترام و توجه الكلام ليا انت فاهم ، جاي هنا عايز .
شادي : عايز اعرف الزبالة دي كانت فين امبارح و مع مين و بتعمل اي .
و يبص لـ هاجر .
هاجر : مين اللي زبالة يـ زبالة دا انت مشفتش تربية .
الدكتور محمد : بقولك اي هي من حقها متردش عليك اصلا و لا تقولك كانت فين و مع مين ، بس عايز اقولك حاجه انت لـ جوزها و لا نيله دا انت مجرد خطيبها بس عارف يعني اي ، اطلع برا و إياك اشوف وشك دا هنا تاني انت فاهم ؟
شادي : هي بقت كدا ، ماشي و الله لـهوريكي .
الدكتور محمد بزعيق : توري مين يـ زبالة يـ...
هاجر : سيبه يعمي ، خليه يعمل اللي عايز يعمله و يوريني هيعمل اي ، و معلش بقي ابقي سلملي علي مامتك لو مفيش فيها ازعاج .
شادي : تقصدي اي هاا ؟
هاجر بزعيق : اقصد اللي في دماغك و لو فكرت تعمل حاجه و الله هخليك عبره لـ الجامعه كلها .
شادي هيمشي و يسيبها .
هاجر : غور في داهيه جتك القرف .
الدكتور محمد : لو فكر يعملك حاجه بلغيني .
هاجر : اوك .
الدكتور محمد : فريدة ، تعالي عايزك .
فريدة : حاضر .
هاجر هتدخل المطبخ لـ هديل و فريدة هتدخل المكتب مع الدكتور محمد .
___________________
بيشوى قاعد في مكتبه و قدامه أوراق كتيرة جدا بيدرسها و قاعد معاه خالد و بولس .
بيشوى : احنا ضروري جدا محتاجين الظرف دا .
خالد : المشكله ان عرفت اوصلك بعد ما شوفت هاجر يعني كل حاجه لخبطت ، اجيبه منها تاني ؟
بولس : لا كدا هتشك ، لو كدا احنا نقدر نجيبه بكذا طريقه تانيه من غير ما تشك .
بيشوى : انا خليت فريدة تحاول و قولتلها تاخد اللي في الظرف و تسيب الظرف زي ما هو و تحط فيه ورق فاضي عشان هاجر برضو متحسش بـ اي حاجه .
بولس : و فريدة هتجيبه ازاي ؟
بيشوى : هي و شاطرتها بقي و ربنا يستر .
خالد : يارب .
بولس : بيشوى احنا لازم نلاقي خطه غير اللي احنا رسمناها .
بيشوى : اشمعنا .
بولس : انت ناسي ان القضية دي هتبقي خطر علينا احنا التلاته بعد ما كانت عليك انت بس .
بيشوى : انت عايز تعقدها يبولس اتفائل يمكن يحصل حاجه وقتها متخليش فيه اي خطر علي حد فينا .
خالد : يجماعه العصابة دي مش سهلة و ياعالم بقي دبروا كام حادثة لحد قبل كدا ، و مش يمكن الخطر يبقى علي هاجر بس ؟
بيشوى بزعيق : فخور بيكو و انتو عمالين تعقدوها بصراحه ، بصوا احنا نغير الخطه و نكمل عادي في اللي اتفقنا عليه و دا اخر حاجه عندي و انا معنديش استعداد أخسر حد من الفريق بتاعنا حقيقي .
خالد : اللي تشوفوه المهم انا معاكوا .
بولس : بس انت ملكش اي دعوه بالموضوع دا .
بيشوى : تعرف تسكت دلوقتي .
بولس : تمام .
___________________
فريدة هتدخل اوضه هاجر لما تلاقيها مشغوله في المطبخ مع هديل و تدور علي الظرف لحد ما هتلاقيه بين هدوم هاجر هتاخد الورق منه و بعدين تحط فيه ورق و تحطه تاني مكانه و تخرج تحطه في شنطتها و بعدين ترجع تروح لـ الدكتور محمد في مكتبه .
فريدة : لقيته .
الدكتور محمد : طب الحمدلله ، خليكي شويه و بعدين امشي .
فريدة : لا انا يدوب امشي ، هروح لـ الأستاذ محسن عشان فيه رحلة لـ أسوان أسبوعين فـ هقوله شويه حاجات كدا و بعدين هروح لـ بيشوى .
الدكتور محمد : خلي بالك من نفسك .
فريدة : كلها علي الله .
الدكتور محمد : و نعم بالله .
فريدة هتطلع تاخد شنطتها و بعدين تمشي تروح لـ محسن و هتتكلم معاها علي تفاصيل الرحلة و بعدين تروح لـ بيشوى .
___________________
في ممر المديرية .
فريدة : لو سمحت النقيب بيشوى جوا ؟
المساعد : اه اقوله مين ؟
فريدة : مراته .
المساعد : اتفضلي يمدام .
المساعد هيخبط على الباب و يدخل و فريدة وراه .
بيشوى : تعالى ي فريدة .
المساعد : مش محتاج اي حاجه يباشا .
بيشوى : لا يحبيبي شكرا اتفضل .
المساعد هيخرج و هيقفل الباب وراه و فريدة هتدخل تقعد .
بيشوى : جبتي الظرف .
فريدة : اه جبته .
فريدة هتفتح الشنطه و تطلع الظرف و تديه لـ بيشوى .
بيشوى : قولي الورق دا تبع اي يخالد ممكن .
خالد هياخد منه الورق و يعرفه كل ورقه تبع اي .
خالد : دا وصل امانه كان بين عم هاجر و العصابه بمبلغ ٢ مليون ، و دا التاني برضو بمبلغ ٢ مليون ، دي معلومات عن واحد من العصابه الباقي مظهرش حاجه عنهم ، لكن فيه صور ليهم موجودة برضو ، و دي رساله كان بينهم انا جمعتها من الشارع اللي كانت العصابه واقفه فيه ، و دا المكان اللي بيروحوا يقعدوا فيه ، و انا عارف عنوانه .
بيشوى : دي مش معلومات كافية بس هتساعدنا .
بولس : هنحتاج اي تاني ؟
بيشوى : بعدين نتكلم في الموضوع دا عشان معتش قادر خلاص .
خالد : تمام ، انا تحت امرك في اي حاجه .
بيشوى : تمام يخالد ، فريدة .
فريدة : نعم .
بيشوى : طلعي هاجر رحلة أسوان المهم انها متكونش موجودة الفترة دي .
فريدة : اوك هحاول .
بولس : و لو كدا ممكن هدى (ساجدة) تروح معاها تغير جو .
فريدة : مفيش اي مانع بس عشان حملها فـ أنا ممكن احجزلهم طيران .
بيشوى : خلاص مفيش مشكله .
فريدة : تمام انا همشي محتاج اي حاجه ؟
بيشوى : اه استني انا جاي معاكي ، بولس زي ما قولتلك ها ، و انت يخالد ارتاح انهارده عشان بكرا يومنا طويل .
خالد : تمام .
بولس : عن اذنكوا .
بولس هيمشي و خالد هيستاذن و يمشي هو كمان .
بيشوى : وحشتيني .
فريدة بضحكة : و انت كمان وحشتني اوي .
بيشوى : بجد .
فريدة بضحكة : اه ، و يلا عشان جعانة .
بيشوى : ماشي يلا .
بيشوى و فريدة هيروحوا مطعم يتغدوا سوا و بعدين هيتمشوا شويه و يروحوا علي الساعه ٨ بالليل .
____________________
ماجد و علي قاعدين بيلعبوا بلايستيشن و فاتن و أيه قاعدين بيتكلموا سوا .
فاتن : مفيش اي حاجه جديدة و لا اي ؟
أيه : لا يستي مفيش ، بقولك اي ما تيجي نروح أسوان .
فاتن : علي مش راضي ، انتي عارفه بقي .
أيه : ايوا يعم محدش قدك .
فاتن : ما تبطلي بقي هو اي اللي محدش قدي دي .
أيه بضحكة : ماشي يستي ، المهم انا هدخل أنام و لما يخلصوا لعب ابقي قوليله اني نمت .
أيه هتقوم فاتن هتشدها .
فاتن : ما تقعدي بقي يعني انا هقعد لواحدي .
أيه بضيق : خلاص انا قعدت اهو .
بطرس : فاتن انا جعان .
أيه هتضحك بس فاتن هتوقفها .
فاتن : عايز اي ؟
أيه : ما بلاش يعلي و اطلب اكل من برا .
بطرس : خليكي في حالك ي ايه و في اكلك .
فاتن هتضحك بصوت عالي .
فاتن بضحكة : شوفتي بقي
فاتن هتقوم تدخل المطبخ و أيه هتفضل قاعده ، هتمسك الموبايل و تكلم فريدة .
____________________
تاني يوم بيشوى هيروح شغله بدري من غير ما يقول لـ فريدة ، رفعت هيقوم يعمل فطار بدري و فريدة هتكون لسه نايمه .
هتصحي علي الساعه ٩ ، هتدخل المطبخ هتلاقي رفعت بيحضر الفطار .
فريدة : صباح الخير .
رفعت : صباح النور ، اي كل دا نايمين .
فريدة بقلق : بيشوى مش نايم ، انا افتكرته صحي .
رفعت بتوتر : اومال راح فين بدري كدا .
فريدة بقلق : طب انا هدخل البس عشان متاخرش علي جامعتي و هرن عليه .
رفعت : افطري الأول .
فريدة : لا يبابا مليش نفس .
رفعت : ماشي يبنتي .
فريدة هتدخل اوضتها تلبس و ترن علي بيشوى لكن الموبايل مغلق ، هتقلق جدا فـ هتضطر تخلص بسرعه و تمشي .
رفعت : ي بنتي اهدي ان شاء الله هو كويس متقلقيش .
فريدة بتوتر : موبايله مغلق ، انا هروح لـ بولس اكيد دلوقتي عارف هو فين .
رفعت بقلق : ابقي طمنيني ي بنتي .
فريدة : حاضر ، سلام .
___________________
فريدة هتمشي و تروح لـ هدى (ساجدة) و لما تدخل هتسالها علي عمرر لكن هو كمان مش موجود .
فريدة هتقعد علي الكرسي .
فريدة بتوتر : يارب استرها يارب .
هدى (ساجدة) بقلق : هو فيه حاجه ؟
فريدة : صحيت من النوم ملقتش بيشوى و أول مره يمشي من غير ما يقولي او يصحيني .
هدى (ساجدة) : بولس برضو كان ماشي من غير ما يقولي لولا اني كنت صاحيه وقتها ، خير ان شاء الله متقلقيش هي حياة الظباط كدا هنقول اي يعني ، الحمدلله .
فريدة : هدى (ساجدة) ارجوكي انا علي أخرى عندك حاجه تنفعيني بيها قولي مفيش يبقي تسكتي .
هدى (ساجدة) بضيق : انا غلطانه اني بروقك ، انا داخله اعمل قهوه هعملك معايا .
هدى (ساجدة) هتدخل المطبخ و فريدة هتحاول ترن علي بيشوى تاني ، و في الاخر هتقرر إنها تروح مكان شغله .
الجرس هيرن فريدة هتقوم تفتح .
فريدة : ايوا مين ؟
ولاء : مش دا بيت هدى (ساجدة) ؟
فريدة : اه ، انتي مين ؟
ولاء : انا ولاء معاها في الجامعه .
فريدة : اه اتفضلي .
ولاء هتدخل من الباب و معاها شنطة هدوم ، هدى (ساجدة) هتطلع من المطبخ .
هدى (ساجدة) بدهشة : ولاء ؟
ولاء : ايوا .
هدى (ساجدة) : فيه حاجه و لا اي ؟ و اي شنطه الهدوم دي ؟
ولاء بقلق : بولس هو اللي قال لـ أخويا اجي اقعد معاكي ، و قالي أفضل هنا لحد ما كل حاجه تبقي تمام .
فريدة بقلق : أخوكي مين ؟ و اي اللي يبقي تمام ؟
ولاء : كريم ، أظن انتي هاجر ؟
هدى (ساجدة) : لا ، دي فريدة .
ولاء : ااه ، تمام .
فريدة بدهشة : هو مش كريم دا برضو اللي كان جار هاجر ؟
ولاء : اه كانت جارتنا بالفعل ، انا جايه و معرفش اي حاجه يعني محدش يسألني عن حاجه .
هدى (ساجدة) : دا علي أساس ان انا فاهمه اوي ، ادخلي ارتاحي في الاوضه اللي علي اليمين و هحضرلك فطار تفطري .
ولاء : الحمدلله فطرت قبل ما اجي ، انا هدخل ارتاح و اسفه جدا لو عملت اي ازعاج .
هدى (ساجدة) : انتي اختي ها .
ولاء : ربنا يخليكي ليا يارب .
ولاء هتدخل الاوضه و فريدة هتقعد علي الكرسي و هي مش عارفه ترتب أفكارها .
هدى (ساجدة) بقلق : طب اي ؟
فريدة بعدم تركيز : بيشوى .
هدى (ساجدة) : ماله بيشوى ؟
فريدة باستغراب : ايي ؟ لا مفيش ، انا ماشيه .
فريدة هتقوم و تمشي بدون ما تدي لـ هدى (ساجدة) اي إهتمام .
____________________
هتروح المديرية و هتدخل مكتب بيشوى مش هتلاقيه ، هتدخل مكتب بولس مش هتلاقيه ، هتسال حد من اللي موجودين هيقولها انه مشي بقاله نص ساعه و بعدين هتمشي تروح لـ بيت الدكتور محمد .
كلهم قاعدين في الصالون سوا .
هديل : خير ان شاء الله متقلقيش .
الدكتور محمد : هيبقي كويس بإذن الله .
فريدة بتعب : يارب ، هي فين هاجر ؟
هديل : عليها محاضرة شويه و هتلاقيها جاية .
الدكتور محمد : القضية أخبارها اي ؟
فريدة : مش عارفه ، أحساسي بيقولي أن فيه حاجه هتحصل انهارده .
هاجر هتيجي في الوقت دا و هتدخل تقعد جمب فريدة .
هاجر : مالك ؟
فريدة : مفيش ، معاكي رقم خالد ؟
هاجر : اه معايا ، هو فيه اي ؟
فريدة : بعدين ، هاتي اما اكلمه .
فريدة هتاخد الموبايل من هاجر و تكلم خالد .
فريدة بقلق : الو ، بيشوى فين ؟
خالد بصوت واطي : متقلقيش هو كويس .
و هيقفل
فريدة بقلق : دا قفل .
هاجر بتوتر : قالك اي ؟
فريدة : قالي متقلقيش هو كويس ، يبقي اكيد فيه حاجه .
هديل : استغفري ربنا ي بنتي و اتفائلي خير .
___________________
بيشوى و بولس واقفين علي سور مبني و كل واحد معاه مسدس ، خالد جوا المبنى و معاه مساعدين اتنين من فريق بيشوى .
خالد : باسم ، أجرى علي طول الخط اللي هناك .
و يشاور علي خط .
باسم هيجري علي طول الخط اللي موجود و يحط قنبلة عشان يفجر المكان .
لما يخلص هيرجع مكانه و التلاتة يطلعوا برا المبني .
خالد هيشاور لـ بيشوى و بعدين يطلع يركب عربية هو و اللي معاه ، بولس هينادي بقيت المساعدين عشان يقبضوا علي الناس اللي هتطلع لما تحس ان فيه انفجار .
هيقبض علي خمس رجالة و بعدين ياخدهم و يمشي علي المديرية و بيشوى هيتكمل بقيت العملية .
بيشوى هيسمع صوت و هيلاقي واحد واقف و بيحاول يطفي النار لكن مش عارف ، هيحاول يقربله لكن مش هيعرف .
بيشوى بصوت عالي : و يا تري بقي دي أعمالك و انت مش عارف تطفيها ؟
الراجل هيبصله و هيحاول انه يهرب .
بيشوى : متحاولش مش هتعرف .
فريق بيشوى الباقي هيدخل وراه و يكفوا بأنهم يطفوا النار اللي حواليهم و يمسكوا الراجل و يخرجوا .
بيشوى هيخرج وراهم لكن هيكتشف ان فيه واحد بيهرب فـ هيروح يلحقه .
هيفضل يجري وراه لحد ما يمسكه ، الاتنين هيضربوا بعض و هيعور بيشوى بـ سلاح أبيض في ايديه .
___________________
الـسبعة هيتسجنوا في سجن واحد لـحد ما يتحقق معاهم .
فريدة هتروح لـ بيشوى المكتب قبل ما يوصل بـ نص ساعه ، اول ما يوصل هتقوم .
فريدة بخوف : بيشوى .
هتلمس علي ايديه هتلاقي دم .
فريدة برعب : من اي دا ؟
بيشوى : حاجه بسيطة يحبيبتي متقلقيش .
فريدة هتشده و تقعده و بعدين توقف النزيف و تربط مكان الجرح .
فريدة : كدا تقلقني عليك .
بيشوى : حقك عليا .
فريدة : متحصلش تاني ها .
بيشوى بضحكة : حاضر .
بولس هيدخل المكتب .
بولس : بيشوى ، فيه واحد ضرب كريم بالرصاص .
بيشوى بقلق : انت بتقول ، هو فين دلوقتي .
بولس : في المستشفى ، و الظاهر كدا ان اللي ضربه ملوش علاقه بالقضية نهائي .
بيشوى : تقصد اي ؟
بولس : الشخص اللي ضربه كان مخبي وشه و انا شاكك في واحد معين .
فريدة بدهشة : تقصد شادي ؟
بولس : اه .
بيشوى : اشمعنا .
فريدة : مش وقته احنا لازم نروح المستشفى .
بيشوى : لا روحي انتي لـ هدى (ساجدة) و ولاء عشان تطمنيهم و هاجر متعرفش اي حاجه اتفقنا .
فريدة : حاضر ، خلي بالك من نفسك .
بيشوى : خلي بالك من نفسك .
فريدة هتروح لـ هدى (ساجدة) و بعدين بولس و بيشوى هيركبوا العربية سوا و يروحوا المستشفى .
____________________
فريدة هترن الجرس ، هدى (ساجدة) هتقوم تفتحلها .
هدى (ساجدة) : طمنيني .
فريدة : بخير الحمدلله .
ولاء : أخويا كويس ؟
فريدة بتوتر و خوف : ااه ، لا ، اضرب بـ رصاصه .
ولاء بخوف : انتي بتقولي اي ؟
فريدة : اهدي متقلقيش ، هيبقي كويس بإذن الله .
ولاء : انا عايزه اروحله .
فريدة : مش هينفع دلوقتي ، بإذن الله بكرا نروحله انا و انتي .
ولاء بخف و قلق : يارب استرها يارب انا مليش غيره هو و امي .
هدى (ساجدة) : هيبقى كويس يحبيبتي متقلقيش .
ولاء : يارب يارب .
فريدة : ادخلي صلي و ادعيله و باذن الله يرجع أحسن و كمان ياريت متبلغيش مامتك .
ولاء بحزن : لا محدش يبلغها كفايه اللي فيها مش ناقصه وجع قلب .
فريدة : حاضر .
ولاء هتدخل اوضتها و فريدة هتقعد هي و هدى (ساجدة) .
فريدة : مامتها مالها ؟
هدى (ساجدة) : مريضة كانسر .
فريدة : لا حول ولا قوة الا بالله ، ربنا يشفيها و يعافيها يارب .
هدى (ساجدة) : يارب .
____________________
هيمر أسبوع ، خالد هيبقي كويس و هاجر لحد دلوقتي معرفتش اي حاجه نهائي ، والدة كريم و ولاء حالتها بتسوء عن الأول و كمان بعد ما عرفت أن ابنها اتصاب بـ رصاصة .
البنات كلهم متجمعين في بيت بولس .
هدى (ساجدة) : تحبو تشربوا اي ؟
فاتن : اي حاجه .
هدى (ساجدة) : اوك .
هدى (ساجدة) هتدخل المطبخ .
أيه : اخيرا اتجمعنا تاني .
فريدة : يديم لمتنا دي يارب .
فاتن هتبص لـ هاجر : إلا القمر سرحان في اي ؟
هاجر بعدم تركيز : والدة كريم حالتها وحشة جدا ، و بفكر فـي اي حاجه اخليه يخرج من موده و خصوصا أن دراعه مكسور ، يعني مخنوق من كل حاجه ، و بحاول أرد له جزء من الجميل اللي عمله معايا .
فاتن هتبص لـ فريدة
فاتن بدهشة : هي لسه مفكرة أن دراعه مكسور ؟
فريدة بزعيق : ما تخرسي بقي .
فاتن : حاضر انا اسفه .
هاجر : اعمل اي ، فدوني .
فريدة : اعملي اي حاجه تقدري عليها .
أيه : خليكي جمبه الفترة دي ، زي ما وقف جمبك قبل كدا و انتي مكنتيش دريانه .
فاتن :و ادعيله و ادعي لـ والدته .
هاجر : تمام .
هدى (ساجدة) هتخرج من المطبخ و معاها عصير .
هدى (ساجدة) : اتفضلوا احلى عصير لـ أحلى عصابه .
فاتن : ما تتلمي ، شيفاني بخطف رجالة .
فريدة بزعيق : ما تهدوا بقي ، دا مش وقته هزار نهائي .
أيه : عندي خبر ليكوا .
فريدة : حلو قولي وحش متقوليش .
فاتن : و دي من امته بتجيب أخبار حلوه تلاقيها مصيبة .
هاجر : يختي نسمع الأول يمكن تخرجني من مودي .
أيه بفرحة : انا حامل .
فريدة بفرحة : الف مبروك يـ احلى يويو في الدنيا .
فاتن : بنت فاتن ، ولد علي .
أيه : يختي قولي حاجه تفتح نفسي .
هاجر : الف مليون مبروك يقلبي .
أيه : الله يبارك فيك يقلبي عقبالك .
فاتن هتضحك .
فاتن : هي مين دي اللي عقبالها ، قوليلها عقبال تخرجك ، عقبال نجاحها كل سنه كدا يعني لكن عقبالها في أنها تخلف دي انسي .
فريدة : مش معني انها فشلت في علاقه قبل كدا يعني هتفضل تعيسه طول حياتها و مش هتتجوز يعني .
هدى (ساجدة) : ايي رايكوا نحتفل بالمناسبه الحلوة دي .
أيه : لا مع نفسكوا انا همشي انا عشان يومي بكرا طويل اوي .
فاتن : خوديني في ايديك .
أيه و فاتن هيسلموا عليهم و يمشوا
____________________
تاني يوم ، ولاء قاعدة جمب والدتها في المستشفى .
رانيا " أم ولاء و كريم " بتعب : ولاء ، كريم فين ؟
ولاء : مع بيشوى يحبيبتي .
رانيا : لما يجي قوليله أمك بتقولك اتجوزها ما دام بتحبها ، و حافظ عليها ، و متعرفهاش اي حاجه عشان متبقاش قاسيه عشان شوية زي دول ، و كون ليها أب قبل اي حاجه و عرفها أن مهما كان فرق السن كبير عمره ما يضيع فرصة حب زي دي ، و خليكي جمبه اكيد هيحتاجك في يوم من الأيام و هاجر زي أختك بالضبط و عامليها كـانك امها كان نفسي انا اللي أقوم بكل دا ، بس الحمدلله ، خلي بالك من نفسك و من اخوكي و هاجر .
و آخر كلمه قالتها كانت هاجر و بعدها هتقول الشهادة و تموت .
ولاء بحزن و الدموع علي خدها : متسبنيش لواحدي .
____________________
بولس هيعرف خبر وفاة رانيا من المستشفي و هيبلغ كريم و بيشوى و بعدين يروحوا المستشفى .
بيشوى هيرن علي فريدة
بيشوى : فريدة روحي المستشفى لـ ولاء ، أم كريم اتوفت و أنا رايح ها .
فريدة : ان لله وان اليه راجعون ، حاضر هقوم البس اهو .
فريدة هتقفل مع بيشوى و تقوم تلبس و تروح المستشفى .
هاجر هيجيلها مكالمة من رقم غريب .
هاجر بقلق : مين ؟
مجهول : أنا اللي ضربت كريم بالرصاص يحلوة ، البقاء لله في أمه .
و بعدين هيقفل الخط .
هاجر بخوف : ربنا يستر .
هتقوم تلبس و ترن علي فريدة و بعدين تمشي .
هاجر : فريدة ، انتي فين ؟
فريدة : في المستشفى مع ولاء .
هاجر : هو بالفعل طنط رانيا اتوفت ؟
فريدة : اه تعالي .
هاجر : في الطريق .
____________________
هاجر هتوصل المستشفي ، كلهم واقفين برا مستنيين يستلموا الجثة عشان يدفنوها .
هاجر : بيشوى ، فريدة فين ؟
بيشوى : جوا مع ولاء .
هاجر : تمام ، عايزاك في موضوع بعد الدفنه .
بيشوى : اوك ، تمام .
هاجر هتدخل الاوضه لـ فريدة و ولاء ، هتلاقي فريدة حاضنة ولاء و بتعيط .
فريدة : انتي جيتي تعالي .
هاجر هتروح تقعد جمب فريدة .
فريدة : خليكي معاها ، هروح اجيب اكل و اجي .
هاجر : اوك .
فريدة هتقوم و تروح تجيب اكل لـ ولاء ، هاجر هتاخد ولاء في حضنها .
___________________
هيمر وقت ، الشباب هيروحوا كلهم سوا المقابر عشان يدفنوا رانيا و يرجعوا بيت كريم القديم في حي موجود بالسنبلاوين .
بيشوى واقف في البلكونة ، فريدة هتدخل عليه .
فريدة : واقف بتعمل اي .
بيشوى بضيق : مضايق شويه .
فريدة : من ايي ؟
بيشوى : من اللي بيحصل ، خايف اجي في يوم و أخسر حد غالي عليا .
فريدة : ضع الأمور تمشي كما كتبها الله ، اتفائل بالخير و باذن الله متخسرش حد غالي عليك ، و بعدين سيب كل حاجه لوقتها يعالم ربنا كاتبلك اي .
بيشوى : الحمدلله ، هاجر فين ؟
فريدة : قاعده جوا مع ولاء .
بيشوى : كانت عيزاني .
فريدة : اه ما هي قالتلي انا عيزاكي انتي كمان ، ربنا يستر .
بيشوى : يارب .
هيمر خمس دقايق هاجر هتدخل لـ بيشوى و فريدة البلكونة .
هاجر : مين اللي ضرب كريم بالرصاص ؟
بيشوى و فريدة هيبصوا لـبعض في دهشة و متوترين .
هاجر : اي ، محدش فيكوا هيرد ، هتردوا ازاي اصلا بعد ما كلكوا كذبتوا عليا .
فريدة : هاجر ، اهدي محدش فينا قاصد انه يأذيكي ، و محدش فينا بالفعل يعرف مين اللي ضرب عليه رصاص .
هاجر : حتي في دي كمان هتكدبوا عليا بعد ما عرفت الحقيقة هتكدبوا برضو .
بيشوى : احنا بالفعل منعرفش مين ، و الله العظيم ما حد فينا يعرف مين ، و انا ماشي لسه في الإجراءات عشان أوصل لـ اللي كلن بيحاول يقتله .
هاجر : فيه رقم غريب رن عليا انهارده ، و قالي انا اللي ضربته بالنار .
بيشوى : وريلي الرقم .
هاجر هتطلع الموبايل من جيبها و تديه لـ بيشوى .
بيشوى : دا نفس الرقم اللي .....
هاجر : اللي اي ؟
بيشوى بتوتر : لا مفيش ، أنا نازل تحت و راجع تاني .
بيشوى هياخد الموبايل و ينزل تحت لـ بولس .
____________________
بولس : نفس الرقم يـ بيشوى ، العمل اي دلوقتي ؟
بيشوى : مش عارف ، المشكله إن إحنا كدا دلوقتي مش هنعرف نوصل لـ مكانه لأنه قفله و رماه .
بولس : زي ما قولتلك إحساسي طلع في محله ، و شادي هو اللي ضرب بالرصاص .
بيشوى : و احنا هنجيب شادي منين دا دلوقتي .
بولس : هنجيبه ، بس بطريقه شيك .
بيشوى بسخافة : شيك ، احنا رايحين نلعب .
بولس : سيب الطلعة دي عليا انا .
