- Non-Erotic
- وتشاء الآلهة
- Page 6
Note: You can change font size, font face, and turn on dark mode by clicking the "A" icon tab in the Story Info Box.
You can temporarily switch back to a Classic Literotica® experience during our ongoing public Beta testing. Please consider leaving feedback on issues you experience or suggest improvements.
Click here
فاتن : ما هو دا اللي بعرف اعمله ، محبتش اخترع حاجة خوفت عليكوا بقى و كدا
فريدة : يهبله قولتلك كذا مره اتعلمي و جربي فينا و لا يهمك .
فاتن و هي بتبص لهدى (ساجدة) : شوفتي يختي الكلام الحلو دا .
هدى (ساجدة) : اه واضح جدا فعلا .
فريدة : المهم يلا عشان انا جعانه .
أيه في الوقت دا هتدخل .
فريدة : اي دا يويو جات اهي هي كمان يلا قوموا بقى .
هاجر : اوك يلا .
يقوموا كلهم و يحضروا الغدا .
___________________
في بيت رفعت الشاذلي .
رفعت هيدخل لـ بيشوى اوضته
رفعت : اي ي بني بتعمل اي ؟
بيشوى : شويه شغل عندي كنت بخلصهم.
رفعت : أمم ، بتشوف عمك محمد ؟
بيشوى : اه كنت عنده امبارح فيه حاجه و لا اي؟
رفعت : كويس ؟
بيشوى : اه كويس الحمدلله .
رفعت : طب ابقى خليه يجي معاك لما تبقى تروحله تاني عايز اشوفه .
بيشوى : اوك حاضر ، حاجه تانيه ؟
رفعت : لا يحبيبي شكرا .
يرن هاتف رفعت و بالصدفه هيكون الدكتور محمد .
هيفتح عليه و هيقول
رفعت : سبحان الله ، لسه كنت بسأل ابني عليك طمني انت عامل اي ؟
الدكتور محمد : و الله انا تمام الحمدلله المهم انت عامل اي ؟
رفعت : الحمدلله كويس .
الدكتور محمد : كنت عايزك في خدمه لطالبه عندي ممكن و لا اي النظام معاك ؟
رفعت : انا تحت امرك في اي حاجه ي صديق عمري و انت عارف .
الدكتور محمد : طب بقولك اي ، الظاهر ان فيه ناس عايزني برا هكلمك في وقت تاني .
رفعت : لا تكلمني دا اى ، انت تجيلي اتفقنا .
الدكتور محمد : خلاص اول ما يمشوا هجيلك يلا سلام .
رفعت : مع السلامه يحبيبي .
و يقفل معاها .
بيشوى : فيه حاجه ؟
رفعت : كان بيقولي أن فيه طالبه عنده عايزاني خدمه تقريبا .
بيشوى : مقلش اسمها ؟
رفعت : لا ، يخصك في حاجه و لا اي ؟
بيشوى : لا ابدا كنت بستفسر بس .
رفعت بزعيق : طب خليك في شغلك و بس.
بيشوى : حاضر
الفصل الثاني عشر
رفعت هيروح مكتبه يكمل شغله الخاص و يستنى الدكتور محمد ، بيشوى هيخلص شغله و بعدين هيخرج ، البنات هيخلصوا اكل و بعدين كل واحده تقعد تذاكر .
____________________
يرن موبايل فريدة و هتلاقي بيشوى اللي بيرن .
فريدة : و دا عايز اي دا .
هدى (ساجدة) : مين دا .
فريدة : بيشوى .
هدى (ساجدة) : طب ما تردي عليه .
فريدة : طيب .
تفتح المكالمة و ترد عليه .
بيشوى : اي مش عايزه تردي ، متقلقيش مش بعاكس .
فريدة : انت عايز اي .
بيشوى : بعتلك طلب تاني ممكن تقبليه بقى .
فريدة : انت عبيط يالا ، أقبل اي هو انا فاضيه للهبل بتاعك دا .
بيشوى : يالا ، مقبوله منك يست ، انا تحت على فكره ممكن تنزلي.
فريدة : تحت فين ؟
بيشوى : هكون تحت فين يعني .
و تقوم تقف جمب الشباك و تفتح الستارة و بالفعل هتلاقي تحت .
فريدة : امشي و بلاش هيافه انا مش ناقصه وجع دماغ .
بيشوى : طب خلاص يست اتعصبتي عليا كدا ليه؟
فريدة : امشيي .
بيشوى : بس بشرط .
فريدة : انجز .
بيشوى : أقبلي الطلب بتاعي و همشي على طول و لو معملتيش مش هتحرك و الله لو هفضل كدا على طول .
فريدة : الصبر من عندك يارب ، اوك يلا امشي بقى .
بيشوى : لا اشوف فعل الأول مش كلام و خلاص .
فريدة هتفتح الفيسبوك و تقبله و هو هيشوفه
فريدة : عملته اهو امشي بقي .
بيشوى : لو لقيته اتلغي هرجع تاني ها .
فريدة : نعم؟
بيشوى : انا حذرتك اهو .
فريدة : يلا بقى امشي .
بيشوى : حاضر ،....
فريدة هتقفل السكه في وشه
بيشوى : اي دا دي قفلت السكه في وشي ، ماشي الايام جايه كتير ان شاء الله ، و يركب العربيه و يروح بيته
____________________
فريدة قاعدة و مش قادره تمسك نفسها و عمالا ترزع علي المكتب بتاعها
هدى (ساجدة) : اي كل العصبيه دي اهدي مش كدا .
فريدة : عصبني اوي و معرفش اي اللي جايبه هنا دا.
هدى (ساجدة) و تغمز لها : مش يمكن واقع .
فريدة : واقع في اي بس اتنيلي .
هدى (ساجدة) : انا سكت اهو خلاص بس متتعصبيش و اهدي كدا .
فريدة : اوك .
فريدة تنادي على أيه .
فريدة : أيه ، أيه.
أيه هتيجي من الاوضه و تدخلها .
أيه : ايوا ياحبيبتي فيه حاجه؟
فريدة : اه تعالى عايزاك في موضوع .
أيه : خير ان شاء الله.
فريدة : تعالي اقعدي
أيه هتقعد جمب فريدة .
فريدة : مين ماجد دا؟
أيه بتوتر : بصي هو معجب بيا و عايزني احدد ميعاد مع بابا عشان يجي يتقدملي ، المشكلة ان احنا متكلمناش غير يجي مرتين بس ، اول يوم جامعه المكان كان زحمه جدا فـ دخلني من مكان فاضي و معرفش اي السبب و تاني مره كان فيه واحد بيضايقني ضربه ، و انا حقيقي مش عارفه اعمل اي .
فريدة : أهم حاجه هو كويس ؟
أيه : اه باين عليه كويس جدا و تقريبا بنات الدفعه كلها معجبه بيه و بسمعهم ديما بيتكلموا عنه .
فريدة : بيقولوا اي يعني؟
أيه : انه من عيله كويسه جدا و غنيه و تقريبا عنده براند في القاهره و يعني حاجات شخصيه عنه .
فريدة : طب بما انه متمسك اوي كدا ، ليه مكلمتيش باباكي في الموضوع دا .
أيه : اكلمه ازاي بس و لا هقوله اي ، بابا و ماما في دبي و مش بينزلوا مصر غير شهر في السنه أقل حاجه و مليش حد هنا .
فريدة : طب ما تكلميه و شوفي هيقولك اي طيب .
أيه : انا فعلا قولت لماما فـ لسه هترد عليا لما تفتح الموضوع مع بابا ، المشكله ان بابا طول الوقت في الشغل و لما بيروح يدوب بيرتاح و ماما مش بتلحق تتكلم معاه .
فريدة : طب اي رد فعلها .
أيه : حسيت بفرحتها اول ما قولتلها و فضلت تقولي اخيرا هفرح بيكي بعد عمر طويل .
فريدة : طب خلاص تمام ، استنى باباكي بس و بعدين يستي انا معنديش اي مشكله ان هو يجي هنا و انا هبقي في مقام مامتك هنا بالضبط ، تمام .
أيه : اي دا بجد .
فريدة : باين عليكي فرحانه هاا.
أيه : هو باين اوي كدا .
فريدة : يديم فرحتك يارب .
و تحضنها .
هدى (ساجدة) مركزه معاهم.
هدى (ساجدة) : يصغيره ع الهم يلوزه .
فريدة : الهبل اشتغل اهو شوفتي .
أيه بضحكه خفيفه : اه ، ربنا يخليكوا ليا يارب .
هاجر هتدخل الاوضه هتلاقيهم بيتكلوا
هاجر : ايي كل دا بتتكلموا .
فريدة : انتي عايزه اي هاا .
هاجر : ابدا ، الموضوع باين شكله خلص اهو .
فريدة : البت دي عارفه و لا اي .
أيه : اه شوفتي .
فريدة : و اكيد الهبله اللي جوا عرفت هي كمان .
في الوقت دا فاتن هتدخل .
فاتن : بتتكلموا عني صح ، اكيد طبعا يعني .
هدى (ساجدة) : اهي الهبله شرفت .
فريدة : المهم ، انا قررت اني هاجل الرحلة لحد ما هدى (ساجدة) تقوم بالسلامه .
هدى (ساجدة) : اولا مفيش حاجه هتتاجل عشاني أو عشان حد تمام و الرحله هتطلع .
فريدة : بس انا مينفعش اطلع و اسيبك .
فاتن : متقلقيش انا موجوده ، اطلعي انتي و افرحي و متقلقيش هنجيب طنط هديل معانا .
فريدة : بجد انتو متأكدين؟
هدى (ساجدة) : اه يستي متأكدين ، و متقلقيش يستي اوي كدا عليا .
فريدة : مقلقش ازاي و انتي مع فاتن .
فاتن : مالها فاتن بقى ان شاء الله.
فريدة : فاتن ، قمرر .
فاتن : ايوا كدا .
فريدة : طب يلا بقى روحوا ناموا عشان متتاخروش ، طبعا في محاضرات بكرا ليكوا و هتصحوا بدري .
هاجر : اه فيه بكرا.
فريدة : طب يلا .
أيه : تصبحوا على خير .
هدى (ساجدة) : و انتي من أهل الخير يجميله .
أيه و هاجر و فاتن هيقوموا يروحوا اوضتهم عشان يناموا
____________________
فريدة : يلا و انتي كمان نامي عشان انا كمان هنام .
هدى (ساجدة) : اوك ، بس قبل ما انام هسالك سؤال ها .
فريدة : هاا ، ايي ؟
هدى (ساجدة) : محستيش بإحساس غريب تجاه بيشوى ؟
فريدة بتوتر : ازاي يعني .
هدى (ساجدة) : انتي فهماني و بلاش استعباط .
فريدة : مش عارفه ، بحسه كدا ان طول الوقت بيحاول بيقربلي بكل الطرق بس انا مش بفكر في إن أنا أقرب لحد معرفوش أو بمعنى أصح ، انا مش عايزه دا و بعدين انا عندي حاجات أهم دراستي و شغلي و انتو ، يعني مش عايزه اشغل نفسي بحد تاني .
هدى (ساجدة) : هتفضلي طول حياتك كدا؟
فريدة : لا اكيد بس انا مش بفكر في كل دا دلوقتي فهماني .
هدى (ساجدة) : فهماكي ، بس يعني هتفكري أمته ، الوقت بيجري مننا .
فريدة : سيبيها على الله و نامي يلا ، تصبحي على خير.
هدى (ساجدة) : بتهربي ، و انتي من أهل الخير يارب .
فريدة هتبوس رأسها و تنام
___________________
في بيت الدكتور محمد.
الدكتور محمد بيعدل هدومه و هديل تخرج من الاوضه لما يناديلها .
الدكتور محمد : يلا يهديل .
هديل : حاضر يلا انا خلصت اهو .
الدكتور محمد : يلا هنتاخر .
هديل : مش عارفه انت عايزني اجي معاك ليه و انت عارف اني مش بطيق الست اللي اسمها سوزان دي .
الدكتور محمد : انتي عارفه معرفش اسيبك لواحدك في وقت زي دا .
هديل : طيب يلا .
و يمشوا و يروحوا لـ رفعت .
___________________
في بيت رفعت الشاذلي .
هيقعدوا كلهم سوا .
رفعت : منورني و الله يغالي .
الدكتور محمد : دا نورك يعم ، طمني عليك .
رفعت : الحمدلله تمام و الله .
الدكتور محمد : ديما في أحسن الأحوال يارب .
رفعت هياخد الدكتور محمد جوا في مكتبه و هديل هتدخل لـ سوزان في اوضتها
رفعت : تعالا ندخل المكتب ، سوزان جوا يمدام هديل ادخلي لها .
هديل : حاضر .
تدخل هديل لسوزان و الدكتور محمد و رفعت هيدخلوا المكتب .
____________________
هيقعدوا علي المكتب و يتكلموا .
رفعت : مقلتليش يعم مين اللي كان عندك وقت ما كنت بكلمك .
الدكتور محمد : مش هتصدق .
رفعت : حد اعرفه و لا اي .
الدكتور محمد : طبعا ، أيمن يونس ، فاكره؟
رفعت : انت بتهزر ، هو نزل من باريس و لا اي .
الدكتور محمد : يااااه دا نازل من حوالي اربع سنين و هيستقل هنا خلاص.
رفعت : ابقى سلملي عليه كتير و خليه يبقى يجيلي متنساش ، وحشني اوي .
الدكتور محمد : عيوني ليك حاضر .
رفعت : هو كويس؟
الدكتور محمد : كويس متقلقش الحمدلله و بيسلم عليك على فكره .
رفعت : حبيبي لسه فاكرني و لا اي .
يضحك الدكتور محمد : هو يقدر ينسى حد مننا .
رفعت : تشرب اي ، الكلام نساني .
الدكتور محمد : قهوه ساده ممكن .
رفعت : حاضر .
رفعت ينادي علي رحمه
رفعت : رحمه ، يرحمه .
رحمع هتيجي من اوضتها .
رحمه : ايوا يبابي .
رفعت : فنجانين قهوه ساده .
رحمه : اوك .
تخرج رحمه من المكتب و تروح المطبخ
____________________
رفعت : هاا يسيدي كنت عايزني في اي .
الدكتور محمد : فيه طالبه عندي في الجامعه عايزه تشتغل ، فـ يعني لو فيه مكان في الشركة عندك توظفها بما انك صاحبي و انا حقيقي مش هأمن لحد غيرك تكون عنده .
الدكتور محمد : و لو مفيش هجيبلها و الله عنيا ليك ، مش هي في طب برضو ، هتشتغل ازاي؟
الدكتور محمد : ما هو عشان كدا ، عايزها تشتغل عندك ، مش عند حد غريب ، لو كدا تقدر تخفف عليها الشغل و كمان تقدر تخليها تشتغل في البيت براحتها و متقلقش هي شاطره جدا و هتبقي قد شغلها .
رفعت : على ضمانتك يعني .
الدكتور محمد : على ضمانتي يسيدي .
بيشوى في الوقت دا هيدخل و معاه القهوه .
بيشوى : اللي منورنا ، اتفضلوا القهوه .
الدكتور محمد : حبيبي و الله ي بن الغالي .
رفعت : جايب القهوه بنفسك .
بيشوى : طبعا .
الدكتور محمد : مجتش انهارده ليه الواحد حاسس انو اتعود على وجودك كل يوم في مكتبي و الله .
بيشوى : كان عندي شغل كتير و كنت مطبق بإذن الله هترقي في شغلي و هكون نقيب .
الدكتور محمد : هي دي الأخبار الحلوه و لا بلاش مبروك مقدما .
بيشوى : الله يبارك فيك يعمي ، عملت اي في اللي بعتهولك .
الدكتور محمد : شكلها كدا و لا فكره من بتوعك عجبوا فريدة فـ قالتلي هتفكر في فكره و تقولي عليها .
بيشوى : أمم ، ماشي يسيدي .
الدكتور محمد : بس متقلقش انا مش هخليها تعمل اي حاجه لوحدها ، هخليك تساعدها .
بيشوى : ما دام كدا فـ أنا معنديش اي مانع طبعا .
الدكتور محمد : خلاص اتفقنا .
رفعت : اتفقتوا على أي طيب .
الدكتور محمد : عيد ميلاد هديل بعد يومين ، فـ عايز اعملها مفاجأة مختلفه و مميزه .
رفعت : اها ، اومال مين فريدة اللي بتتكلموا عنها دي؟
الدكتور محمد : اللي انا جاي عشانها انهارده .
رفعت : هي على كدا بقى شاطره جدا .
الدكتور محمد : اه ماشاء الله.
بيشوى : جاي عشانها انهارده في أي مش فاهم؟
رفعت : هتشتغل عندي في الشركه .
بيشوى : اي دا هي فريدة هتشتغل في الشركه عند حضرتك ، طب عن اذنكوا بقى .
و يخرج من المكتب رفعت هيناديه هيرجع يقف علي الباب
رفعت : خد يالا رايح فين .
بيشوى : نسيت حاجه رايح اعملها.
و هيدخل علي اوضته .
رفعت : اهبل دا و لا اي .
الدكتور محمد : متقولش كدا ، اكيد افتكر حاجه و رايح يعملها و راجع تاني .
رفعت : ممكن برضو
____________________
بيشوى قاعد في البلكونة و بيرن على فريدة لكن هي مش بترد ، هيضطر انه ميرنش تاني و يدخل اوضته و ينام .
الفصل الثالث عشر
يبدأ يوم جديد ، فريدة هتقوم بروتينها اليومي ، و هتفتح الموبايل هتلاقي رنات كتير اوي من بيشوى .
فريدة بينها و بين نفسها : عايز اي الراجل دا .
تدخل فاتن على فريدة الاوضه .
فاتن : صباح الورد .
فريدة : صباح الخير يحبيبتي .
فاتن : مشغوله في اي كدا؟
فريدة : اللي اسمه بيشوى دا رن عليا كتير امبارح ، و معرفش عايز اي .
فاتن : طب ما ترني عليه شوفي هو عايز منك اي .
فريدة : فكك دا راجل فاضي و انا مش ناقصه وجع دماغ .
فاتن : طيب .
فريدة : المهم ، فطرتي؟
فاتن : اه الحمدلله .
فريدة : طب يلا ننزل .
فاتن : هروح اجيب حاجاتي .
فريدة : اوك .
و تروح فاتن اوضتها تجيب شنطتها و الكتب بتاعتها و فريدة تصحى هدى (ساجدة) .
فريدة : هدى (ساجدة) ، قومي يحبيبتي .
هدى (ساجدة) : صباح الخير ، هي الساعه كام؟
فريدة : متقلقيش احنا بدري اوي بس قولت اصحيكي عشان تاخدي علاجك قبل ما امشي .
هدى (ساجدة) : متقلقيش يحبيبتي مش هنسي .
فريدة : متأكده ، يعني امشي .
هدى (ساجدة) : اه يقلبي امشي انتي و متقلقيش هاخده و هنام تاني .
فريدة : اوك ، الفطار جمبك اهو متتحركيش بقى .
هدى (ساجدة) : حاضر يحبيبتي خلي بالك من نفسك.
فريدة : و انتي كمان .
و تبوسها و بعدين تخرج من الاوضه و فاتن هتكون بتلبس الجزمه هتخلص و بعدين يمشوا .
____________________
في بيت رفعت ، على سفره الفطار .
بيشوى جاي من اوضته و هيقعد يفطر
بيشوى : صباح الخير .
رفعت : صباح النور يبني .
سوزان : رايح فين كدا بدري .
بيشوى : القاهره .
رفعت : هي اجازتك لحقت تخلص يبني .
سوزان : سيبه يحبيبي متعطلوش عن شغله .
بيشوى بضيق : هروح و هرجع تاني بإذن الله ، هترقي قريب بإذن الله .
سوزان : هتترقي ازاي؟
بيشوى بزعيق : يعني بدل ما تقوليلي ربنا معاك و لا اي دعوه من بتاعت الأم دي ، تقوليلي هتترقي ازاي .
يقون بيشوى من علي السفرة و هو مضايق
بيشوى : الحمدلله انا شبعت يلا انا همشي .
رفعت : انت لحقت تفطر ، اقعد كمل اكل و بعدين امشي .
بيشوى : هفطر في شغلي ، اشوفكوا بخير .
رفعت : مع السلامه يبني .
بيشوى هيمشي و هيرزع الباب وراها جامد
____________________
رفعت : عجبك اللي انتي بتعمليه دا ؟
سوزان : عملت اي؟
رفعت يسكت شويه و بعدين يقولها : لا مفيش .
سوزان : مش هتكمل اكلك؟
رفعت : الحمدلله شبعت .
سوزان : طيب .
و يمشي يروح شغله .
___________________
في الجامعة عند فريدة هتخلص محاضرتها و تروح للدكتور محمد.
فريدة : مشغول و لا ادخل؟
الدكتور محمد : تعالى ي بنتي .
فريدة : غريبه بيشوى بيه مش مشرفنا انهارده..
الدكتور محمد : رن عليا و قالي انو رايح القاهره و مش هيعرف يجي فيه حاجه و لا اي؟
فريدة : لا ابدا ، لقيته رانن عليا كتير امبارح .
الدكتور محمد : كان عايز اي؟
فريدة : لا معرفش كنت نايمه و مسمعتش الموبايل .
الدكتور محمد : اه ، عملتي اي في اللي قولتلك عليه؟
فريدة : فكره هتعجبك اوي و انا متأكده انها هتكون مميزه و مختلفه بالنسبه لطنط هديل .
الدكتور محمد : ها يستي اشجيني .
فريدة : بما انها بتحب القراءة ليه متخليش الديكور كله بالكتب .
الدكتور محمد : ازاي برضو مش فاهم .
فريدة : هقولك ، احنا نجيب ورق جرايد طبعا لأن مش هينفع نقطع الكتب ، و نعمل منها ورود كتير اوييي من ورد الجرايد و نجيب البلالين لونها زي الجرايد بالضبط و الديكور كله يكون بالشكل دا و تقدملها الورد اللي معمول بالجرايد و معاه الشيكولاتة و طبعا فيه مكان في البيت عند حضرتك مخصص للقراءة فـ ممكن تغير الديكور بتاعه بحيث ان يكون شكله بقى احلى و تغير الديكور برضو ، رسوم على الجدران شكل جرايد ، يعني كل حاجه زي ما تقول كدا جرايد في جرايد .
يضحك الدكتور محمد : بصراحه ادهشتيني بفكرتك الجبارة دي ، طب بصي كل اللي عليا في اليوم دا اني هخرجها برا البيت الباقي بقى كله عليكي و متقلقيش هخلي بيشوى يساعدك .
فريدة : مفيش غيره يعني .
الدكتور محمد : اه ، انتي ناسيه اني لغيت كل أفكاره و هعمل فكرتك انتي ، و مش عايزه يزعل مني و كدا .
فريدة : خلاص ، ما دام الموضوع كدا فـ اوك .
الدكتور محمد : عندك محاضرات اي تاني؟
فريدة : المفروض عندي كمان نص ساعه محاضره و بعدها على طول محاضره تانيه.
الدكتور محمد : ربنا معاك ي بنتي .
فريدة : يارب يادكتور ، العملي هيبدا أمته؟
الدكتور محمد : بدايه الأسبوع الجاي و هننزل مستشفى الجامعه و همرمطكوا .
فريدة بضحكه : انا جاهزه ل اي مرمطه متقلقش .
الدكتور محمد : اه نسيت اقولك ، لقيتلك شغل ، و متقلقيش من أي حاجه .
فريدة : اي دا بجد يادكتور ، مش عارفه اشكرك ازاي و الله بجد شكرا .
الدكتور محمد : شكر على اي بس ، انتي تستاهلي كل خير ، و مش عند حد غريب كمان يستي .
فريدة : عند مين؟
الدكتور محمد : واحد صاحبي من زمان اوي و عزيز على قلبي اوي ، كلمته عنك و وافق .
فريدة : شكرا جدا بجد ، هبدا من أمته؟
الدكتور محمد : كنت هقولك تعالى نروح سوا الشركه بس انتي عندك محاضرات انهارده مش هينفع ، فـ ممكن نبقى نروحله البيت بالليل و لا مش هينفع ؟
فريدة : ممكن تخليها من بدايه الأسبوع الجاي طيب ؟
الدكتور محمد : خلاص ماشي ، أهم حاجه دا ميعطلكيش عن دراستك .
فريدة : لا متقلقش اطمن .
الدكتور محمد : طيب ماشي .
فريدة : يلا انا همشي عشان الحق المحاضره ، عايز حاجه .
الدكتور محمد : سلامتك ي بنتي .
و تمشي فريدة تروح المدرج بتاعها .
___________________
فاتن في محاضرتها ، و أيه و هاجر لسه قايمين من النوم و لسه هيروحوا الجامعة .
____________________
في القاهرة في مديرية أمن القاهرة .
بيشوى ماشي في الممر اللي موجود في المديرية .
مدير المباحث بمديرية أمن القاهرة : بيشوى باشا المديرية منوره بوجودك انهارده .
بيشوى : تسلملي ياباشا طمني اي اخبار المديرية اليومين اللي فاتو .
مدير المباحث : كله تمام ، مش ناوي ترجع من الاجازه و لا اي ؟
بيشوى : هرجع بإذن الله ، بس شكلي كدا هحول لمحافظتي .
مدير المباحث : حد مضايقك هنا و لا اي ؟
بيشوى بضحكه : هنترقي بقى و كدا فـ نغير المكان بالمره ، بس متقلقش هنيجي هنا زيارات كتير بإذن الله .
مدير المباحث : اي اللي غير رايك كدا فجأه كنت متمسك اوي انك تفضل هنا ، ناوي تتجوز و لا اي .
يضحك بيشوى : هو انا مش ناوي بس ناوي أن شاء الله بس قدام شويه .
مدير المباحث : متنسناش أهم حاجة ، قضية المخدرات هتفضل معاك لو هتروح فين و انت عارف دا طبعا .
بيشوى : لسه سامع الكلام دا جوا من شويه متقلقش هي هتكون السبب في ترقيتي .
يضحك مدير المباحث : ربنا يوفقك يارب ، يلا عايز حاجة .
بيشوى : سلامتك ياباشا .
مدير المباحث : و مبروك مقدما يسيدي .
بيشوى : الله يبارك في حضرتك .
و يمشي مدير المباحث يدخل مكتب المدير العام و بيشوى يمشي يرجع بلده .
____________________
في جامعة أيه ، هتشوف ماجد قاعد في حديقة الجامعة .
أيه : ي بني انت مبتزهقش .
ماجد : لا مش بزهق ، يعني فيه حد برضو بيزهق من حد بيحبه .
أيه : انت عايز اي .
ماجد : بقولك عايز اتجوزك عايز اتجوزك اغنيها؟
أيه : خلاص عرفت ، هحدد ميعاد مع صحبتي اوك و هبقي اقولك .
ماجد : بقولك عايز باباكي مش صحبتك .
أيه : انت اهبل؟ قولتلك بابا مش هنا و كلمت ماما في الموضوع و قالت لبابا و موافق فـ انت هتيجي تقول لصحبتي اللي قاعده معايا ، و لا هتخلع من دلوقتي ؟
ماجد : أخلع دا اي الواحد ما صدق انك وافقتي خلاص ، ارقص طيب و لا اعمل اي .
أيه : لو ممشتش دلوقتي هلغي الميعاد .
ماجد : لا و على أي انا همشي ، يلا سلام .
يمشي ماجد و هو طاير من الفرحه
أيه : مجنون دا و لا اي ؟
____________________
فاتن و فريدة هيخلصوا محاضرات و يروحوا ، و أيه و هاجر لسه لكل واحدة محاضره و بعدين هيروحوا .
____________________
في بيت رفعت ، بيشوى هيفتح الباب و يدخل و هو مرهق جدا .
بيشوى : مساء الفل .
سوزان هتكون قاعده .
سوزان : انت جاي بدري و لا اي؟
بيشوى بخنقه : الساعه ٨ بالليل و انا ماشي من ٦ الصبح ، بابا مجاش؟
سوزان : لا لسه مجاش .
بيشوى : اها ، طب لما يجي ناديلي انا داخل اريح اوك .
سوزان : اوك .
يدخل بيشوى اوضته و هو مضايق جدا من تصرف مامته معاه ، و ينام على السرير و بعدين يفتح الموبايل و يرن على فريدة .
____________________
البنات متجمعين و فجأه تليفون فريدة هيرن .
فريدة هتفتح الموبايل هتلاقي بيشوى بيرن هتستاذن من البنات انها تقون .
فريدة : انا هقوم ارد جوا في البلكونه اوك .
فاتن : شكلك واقع يعم و تغمزلها
فريدة : واقع اي انتي كمان بلاش هبل و ركزي في اللي انتي بتعمليه .
فاتن : احنا اسفين يريس .
فريدة هتدخل البلكونه و هتسيبهم
أيه : هو مين دا؟
هدى (ساجدة) : واضحه اهي زي الشمس دخلت و سابتنا يبقى اكيد حد مهم .
____________________
المكالمة :
بيشوى : اخيرا رديتي .
فريدة : و الله امبارح كنت نايمه و مسمعتش فـ هرد ازاي يعني ها؟
بيشوى : خلاص يعم احنا اسفين ، انتي عامله اي .
فريدة : الحمدلله تمام و انت .
بيشوى : كويس .
فريدة : أمم ، عرفت انك كنت في القاهرة ، اجازتك خلصت؟
بيشوى : لا عقبالك كدا لما تترقي زي .
فريدة : اترقيت ؟
بيشوى : هانت أن شاء الله كلها شهرين كدا و اترقي .
فريدة : هتبقى اي ان شاء الله ؟
بيشوى : نقيب بإذن الله.
فريدة : مبروك مقدما .
بيشوى : الله يبارك فيك .
فريدة : كنت عايز اي بقى امبارح؟
بيشوى : محضرلك مفاجأه جامده .
فريدة : مفاجأه؟ اي هي؟
بيشوى : هتشتغلي في ابويا في شركته ، الدكتور مقالش و لا اي؟
فريدة : لا مقالش حاجه زي دي، يعني انا هشتغل مع باباك .
بيشوى : اه يستي .
فريدة : اممم ، طب ربنا يستر .
يضحك بيشوى : انتي ليه محسساني انك داخله جحيم .
فريدة بزعيق : جحيم اي و هبل اي ، عادي يعني بقول ربنا يستر و مش قصدي حاجه .
بيشوى : متأكده؟
فريدة : اه متأكده .
بيشوى : طيب ماشي .
فريدة : هو انا ممكن اسالك سؤال؟
بيشوى : اكيد .
فريدة : حاسه ان فيه حاجه؟ صوتك متغير كدا؟ مش انت بيشوى يعني اللي ديما بيغلس عليا اول ما يكلمني .
بيشوى : مخنوق شويه بس .
فريدة : احكي لو فيه حاجه انا سمعاك .
بيشوى : الموضوع دا محتاج قاعده .
فريدة : نعم ؟
بيشوى : هو انا قولت حاجه عيب و لا حاجه؟
فريدة : لا ، بس يعني محتاج قاعده ليه؟
بيشوى : و الله لو يهمك أمري نبقى نرتب لوقت نقعد فيه سوا .
فريدة : انت شايف كدا؟
بيشوى : اه ، و بالمره نتفق على الحاجات اللي هنعملها سوا لـ عمي .
فريدة : عمك مين؟ تقصد الدكتور محمد؟
بيشوى : اه اقصد الدكتور محمد .
