- Non-Erotic
- وتشاء الآلهة
- Page 3
Note: You can change font size, font face, and turn on dark mode by clicking the "A" icon tab in the Story Info Box.
You can temporarily switch back to a Classic Literotica® experience during our ongoing public Beta testing. Please consider leaving feedback on issues you experience or suggest improvements.
Click here
بيشوى هيتعصب عليه و هيقوله : انت هتعمل نفسك مش واخد بالك كمان .
دكتور عادل بتوتر : ابدا يباشا احنا تحت امرك .
بيشوى : طب بقولك اي باين عليك بتخاف من سيره الشرطه شكلك عامل عامله و مخبيها و لا اي .
دكتور عادل بتوتر : لا ابدا بالعكس .
بيشوى : ورقة الطرد فين اللي انت موقع عليها .
دكتور عادل هيطلع الورقة من الدرج و يدهاله
دكتور عادل : اهي اتفضل حضرتك .
بيشوى ياخد منه الورقه و يقطعها .
بيشوى : انا هعدي الموضوع المره دي و مش هكبره لأنه مش مستاهل، فـانت تحترم مقام شغلك و الا انا هتصرف معاك تصرف تاني انت فاهم .
دكتور عادل بخوف : اه اكيد مفهوم .
بيشوى : اتفضلي يـ انسه على محضرتك و لو حصل حاجه تانيه عرفيني.
هدى (ساجدة) بتوتر : حاضر عن اذنكوا .
تروح هدى (ساجدة) محاضرتها و بيشوى واقف و كأنه عايز يضرب الدكتور لكن فريدة هتخليه يمشي
فريدة : يلا بقي خلاص الموضوع اتحل ممكن نمشي من فضلك .
بيشوى : اه يلا .
يخرجوا من المكتب .
______________________
فريدة و بيشوى نازلين علي السلم
فريدة : شكرا على وقفتك معانا .
بيشوى : معملتش غير واجبي و طلعت منك بمصلحة في نفس الوقت يعني مش محتاج شكر على حاجه.
فريدة بتوتر : مصلحه ؟ مصلحة اي دي ؟
بيشوى : الدكتور دا صديق والد يارا اللي صاحبتك اتخانقت معاه و دول واقعين في قضيه كبيره اوي تزوير أوراق شغلهم يعني دا متعين عميد بورق مزور و كذلك والد يارا و للاسف محدش عارف يوصل لأي دليل نمسكهم بيه .
فريدة : اها عشان كدا اترعب لما سمع اسمك .
بيشوى : بالضبط كدا.
فريدة : هو انت فعلا جيت مخصوص من القاهره للمنصوره عشان صحبتي ؟
بيشوى : لا واخد اجازه شهر و راجع تاني فـ لما الدكتور محمد عرف اني رجعت قالي تعالى اشوفك و بالمره في موضوع اللي هو موضوع صاحبتك يعني .
فريدة : اه طب اوك يلا انا همشي .
بيشوى : اوصلك في طريقي طيب؟
فريدة : لا شكرا انا هروح جامعتي ألحق اي محاضره و احضرها يلا سلام .
بيشوى بضحكة : انتي الخسرانه .
فريدة بخنقه : ليه هركب مع عالم ذره مثلا .
بيشوى : لا ضابط.
فريدة : لا حول الله يارب .
و تمشي فريدة و تسيبه و تروح جامعتها .
_______________________________
نيجي في المطبخ هديل هتكون لواحدها لأن البنات نزلوا كلهم و محدش رجع هتعملهم الغدا و تجهزه و تستناهم لحد ما يجوا .
يخلصوا محاضراتهم و بعدين يروحوا .
فريدة اول واحده هترجع .
هتدخل علي المطبخ على طول لما تسمع صوت جاي من جوا .
فريدة : هو القمر مشرفنا من بدري و لا اي ؟
هديل : ديما بتكسفوني بكلامكوا الحلو دا و الله وحشتيني و وحشتني لمتكوا سوا عندي في البيت.
هديل تحضن فريدة و تبوسها من خدها
فريدة : وحشتيني و وحشني كل حاجه فيكي و الله و متقلقيش هنشرف عندك في اي لحظه أن شاء الله.
هديل : انتو تنوروني و الله .
فريدة : طب اي بق طبختي اي اكلك واحشني جدا .
هديل : عملتلكوا محشي و لحمه و كفته و انا هتغدي معاكوا اي رايك؟
فريدة : ايي دا اومال الدكتور هيتغدي فين ؟
هديل : يبنتي اسكتي ابن صاحبه جاي امبارح من القاهره فـعزمه على الغدا فـ رن عليا و قالي تعالى قولتله انت عارف مش بحب مرات صاحبك دي قالي خلاص خليكي عند البنات و اتغدي معاهم و انا هبقي اجي اخدك و اهو بالمره نقعد مع بعض انهارده بما اننا يعني متكلمناش من زمان و كدا ؟
فريدة : قولتيلي هو ابن صاحبه دا ضابط شرطه صح ؟
هديل : دمه زي العسل يـفريدةتي و ماشاء الله محترم و ابن ناس بس هي المشكله في امه بس ؟
فريدة باستغراب : أمم فعلا .
هديل : المهم دلوقتي البنات هيجوا امته الواحد جعان اوي.
فريدة : ما تيجي ناكل احنا و ملناش دعوه بيهم ها و لا انتي اي رايك و تغمز لها .
هديل : لا يستي هنستناهم مينفعش .
فريدة : خلاص اوك ، هدخل اغير هدومي يكونوا وصلوا.
هديل : اوك يحبيبتي .
فريدة هتدخل اوضتها و البنات هتيجي من الجامعة و هيتغدوا .
______________________________
في بيت رفعت الشاذلي، هنلاقي بيشوى و رفعت الشاذلي و الدكتور محمد و سوزان قاعدين على السفره و بيتغدوا.
____________________________
رفعت الشاذلي : عنده ٥٠ سنه ، صاحب شركة اعلانات ، و عنده عمارات ، والد بيشوى ، و عنده كمان بنت اسمها رحمة عندها ٢١ سنه ، بيحب الشغل .
مواصفاته : متوسط في الحجم ، و الطول ، عيونه رصاصي ، قمحي ، شعره ابيض و ناعم .
سوزان : عندها ٤٩ سنه ، مرات رفعت الشاذلي .
مواصفاتها : مش محجبة ، شعرها قصير ، عيونها ازرق ، قمحية ، طويله ، رفيعه .
_____________________________
الدكتور محمد : شكرا على العزومه دي يصحبي الغالي يعني انت ياخي الواحد ميشوفكش غير لما بيشوى يرجع شهر اجازه و خلاص على كدا كل سنه و لا سنتين .
رفعت : انت عارف اللي فيها بق هنعمل اي طيب بس معزتك في قلبي هتفضل مهما كان .
الدكتور محمد : حبيبي ي غالي.
بيشوى : اومال فين رحمه مشفتهاش من وقت ماجيت .
سوزان : جامعتها هتبدا فـقالت تاخد اجازه ، سافرت شرم أسبوعين و هترجع .
بيشوى : أممم كل اجازه بنزل مش بشوفها غير مره واحده المهم انها تكون كويسه و مرتاحه.
سوزان بكبرياء : اه اكيد طبعا .
الدكتور محمد : صحيح يـبيشوى عملت اي ؟
بيشوى : ابدا روحت و حليت الموضوع و الحمدلله متقلقش .
الدكتور محمد : الحمدلله .
رفعت : انتو بينكوا شغل و لا اي ؟
يضحكوا سوا و يقول الدكتور محمد : مشكله كانت مع بنت بعتبرها زي بنتي و اكتر فـ البركه في بيشوى بقي حل المشكله ربنا يحميه يارب .
رفعت : ااه ، امين يارب .
و يخلصوا اكل و بعدين يقعدوا مع بعض شويه.
الفصل السادس
رفعت و بيشوى و الدكتور محمد هيخلصوا غدا و بعدين يقعدوا يشربوا قهوه .
رفعت : كنت واحشني و الله ي صاحبي .
يضحك الدكتور محمد : و انت يحبيبي و الله ، كل مره نشوف بعض لما بيشوى يجي و علي كدا و خلاص .
يضحك رفعت : مشاغل الحياة كترت و بقت ملزومة مننا يلا الحمدلله .
الدكتور محمد : الحمدلله.
بيشوى : اسيبكوا انا بقى و اروح كام مشوار كدا و ارجع.
يقوم بيشوى و بعدين الدكتور محمد يقوم بعده
الدكتور محمد : طب يبني يلا خدني معاك انا لو قعدت مع ابوك هنسي مراتي و هنسي كل حاجه.
يضحك رفعت : اقعد شويه و متقلقش هديل بميت راجل.
يضحك الدكتور محمد : تتعوض أن شاء الله في أقرب وقت ، انت عارف معرفش اسيبها لواحدها برا لحد دلوقتي الواحد بقى بيخاف.
رفعت : عندك حق الواحد بقى بيخاف .
تيجي سوزان من اوضتها و تقول : حبيبي انا ماشيه راحه لواحده صحبتي تحب تيجي معايا .
الدكتور محمد : هستأذن انا بقي ، يلا يبني
و يمشي الدكتور محمد و بيشوى.
سوزان : اي مرضتش عليا ؟
رفعت : خليها بكرا احسن الوقت اتأخر و انا مش خارج تاني انهارده.
سوزان : مش هتاخر متقلقش يلا باي .
تمشي سوزان و هي مطنشة كلام زوجها
رفعت باستغراب : لا حول و لا قوة إلا بالله.
_______________________________
تحت بيت رفعت الشاذلي.
الدكتور محمد بيبص علي كوتش العربيه هيلاقيه نايم
الدكتور محمد : الكوتش نايم ليه ؟
بيشوى و هو بيضحك : اكيد حد عبقري عملها عشان تركب معايا و اوصلك .
يضحك الدكتور محمد : هتعبك معايا يبني و بعدين مين هيجيبهالي طيب .
بيشوى : متقلقش هصلحهالك و هجيبهالك بنفسي لحد البيت بإذن الله.
الدكتور محمد : أمري إلى الله يلا يبني، بس يكون في معلومك انت مش هتوصلني على البيت على طول انا هروح اجيب مراتي من عندي فريدة الاول و اسفين يسيدي لو هنتعبك معانا..
بيشوى : تعب اي بس يعم دا احنا عيونا ليك.
الدكتور محمد : تسلم يابن الغالي .
الدكتور محمد هيركب مع بيشوى في العربية و يمشوا
______________________________
البنات قاعدين و هديل قاعدة معاهم و عمالين يتكلموا و يضحكوا
هديل و صوتها متعب : تعبتوني من الكلام معاكوا اي كل دا و الكلام مخلصش ، و نسيتوا حاجه كمان اي رأيكوا في اكل انهارده .
يضحكوا كلهم سوا .
فريدة :اكلك عمره ما كان وحش ابدا بس تحسيه مختلف انهارده كدا و يمكن حسيت ان دي اول مره اكل حاجه بالحلاوه دي بصراحه بدون مبالغة اهو هاا .
تضحك هديل : ديما رافعه من معنوياتي .
فريدة : حبيبتي تستاهلي كل حاجه حلوه و كفايه انك ديما جمبنا و في ضهرنا و وقت ما بنحتاجك بنلاقيكي على طول .
هديل : احبك اكتر من كدا اي طيب.
يرن موبايل هديل.
هديل : اي دا محمد بيرن اكيد جه عشان ياخدني ، الو.
الدكتور محمد : مش يلا بقي ، انا تحت مستنيكي .
هديل : مش هتطلع تشوف البنات؟
الدكتور محمد : لا مش هعرف معايا بيشوى.
هديل : اوك انا نازله حالا ، سلام
و تقفف المكالمه و تقوم من مكانها
هاجر : بسرعه كدا دا انا ملحقتش اشبع منك و الله .
هديل : تتعوض يحبيبتي يلا اشوف وشكوا بخير يحبايبي.
و تسلم عليهم و تنزل و معاها فريدة .
________________________________
هديل و فريدة وصلوا لـ بوابة العمارة .
هديل : يلا يحبيبتي انتي اطلعي عشان البنات و خلي بالك من نفسك و البنات .
فريدة : يستي انا نازله بس عشان عايزه اسأل الدكتور علي حاجه و هطلع على طول .
هديل : يعني مش عشاني .
فريدة : لا و عشانك يقمر .
يوصلوا عند العربية .
الدكتور محمد : ناويه تباتي عندك و لا اي .
هديل : يعني ابات برا البيت من غيرك برضو.
الدكتور محمد : انا قولت كدا برضو .
فريدة : دكتور محمد كنت عايزه اسأل حضرتك سؤال .
بيشوى بـصوت عالي : يلا يعمي عشان ورايا مشواير كتير .
الدكتور محمد : ما هو يتوصلنا بسكات يتمشى .
بيشوى : و على اي نستني شويه .
فريدة : اي البنى آدم دا ؟
الدكتور محمد : سيبك منه دلوقتي انتي كنتي عايزه اي ؟
فريدة : في كتاب اسمه طب بالمكسرات مش ليقاه في المكتبات هنا قولت ممكن يكون عند حضرتك أو تعرف حد من معارفك يجيبه، و بتمنه .
الدكتور محمد : تقريبا الكتاب دا عندي بصي لما اروح هدورلك عليه بإذن الله، بس دا انتي عايزاه في أي ؟
فريدة : كنت بعمل سيرش على أسماء الكتب اللي بتتكلم عن الطب بشكل عام و لقيت دا منهم قولت اجيبه و فيه كتب تانيه برضو كانوا معاه بس للأسف ملقتش الكتاب دا في المكتبه .
الدكتور محمد : خلاص بإذن الله لو لقيته هبعتهولك و يارب افتكر
فريدة : أن شاء الله ، يلا مع السلامه
هديل : سلام يحبيبتي .
و يركبوا العربيه و يمشوا و فريدة تطلع .
______________________
و هما ماشيين في العربية ، الدكتور محمد سرحان و بيفكر .
هديل : اي يحبيبي سرحان في أي ؟
الدكتور محمد : الكتاب اللي فريدة طلبته مني انا كنت حاطه في مكان لواحده و عمال افتكر المكان .
هديل : نبقى ندور عليه سوا لما نروح بإذن الله.
الدكتور محمد هيخبط ايديه علي راسه و يقول : ايوا افتكرت كان في الدرج بتاع مكتبي اللي في البيت .
يوجه كلامه لـ بيشوى و يقوله : بيشوى هجيبلك الكتاب و تروح توصله لـفريدة اوك .
بيشوى : لازم دلوقتي خليها بكرا ابقى اديهولها في الجامعه و خلاص .
الدكتور محمد : انا قولت كلمه و هتتنفذ انت فاهم ؟
بيشوى : أمري إلى الله، حاضر .
____________________________
يوصلوا البيت و الدكتور يطلع يجيب الكتاب و ينزل يدهوله و يمشي .
الدكتور محمد هيرن علي فريدة و يبلغها .
الدكتور محمد : الو ايوا يفريدة بيشوى جايلك و معاه الكتاب انزلي استنيه.
فريدة : بالسرعه دي ، المهم شكرا ي دكتور جداا .
الدكتور محمد : على اي بس ي بنتي انا تحت امرك، يلا سلام.
و تنتهي المكامله و فريدة تنزل تستني بيشوى عند بوابة العماره
______________________
بيشوى هيوصل و هينزل يديلها الكتاب
بيشوى : الكتاب اتفضلي .
فريدة : ميرسي ، و انا اسفه لو تعبتك معايا عن اذنك .
تطلع فريدة فوق و تسيبه هيقف خمس دقايق و بعدين يمشي .
______________________
فريدة : اي البنى آدم الغريب دا .
هدى (ساجدة) : مين دا ؟
فريدة : بيشوى اللي كان معانا انهارده .
هدى (ساجدة) : اها .
فاتن : انا هقوم انام بقي الواحد مش قادر من الضحك اللي ضحكه انهارده .
فريدة : اوك عليكي محاضرات بكرا ؟
فاتن : هو بكرا اي ؟
فريدة : الأربع ، اي دا فكرتوني انا نسيت افتح الجروب انهارده .
و تقوم تقعد على اللاب توب و تفتح الجروب و تشوف لو فيه اي حاجه جديدة .
هاجر : انا اول مشتركه ها ، متنسيش اهم حاجه .
فريدة : اوك هحجزلك اهو حاضر .
هاجر : حبيبتي تسلميلي، يلا تصبحوا على خير.
فريدة و هدى (ساجدة) : و انتي من أهل الخير يحبيبتي .
فاتن هتوجه كلامها لـ فريدة : صحيني بدري بكرا اوك .
فريدة : حاضر.
فاتن : تصبحوا على خير يارب.
هدى (ساجدة) : و انتي من أهل الخير يحبيبتي .
فاتن تروح أوضتها و معاها هاجر و هدى (ساجدة) نايمه على السرير
فريدة قاعدة متضايقه و مش طايقه نفسها و هتقفل اللاب توب و تلف الناحية التانيه
هدى (ساجدة) هتستغرب فـ هتقولها : فيه مشكله و لا اي ؟
فريدة بضيق : العدد اكتر من ٥٠ و انا مش عارفه اعمل اي ؟
هدى (ساجدة) : خلاص شوفي السواق لو كدا يجيب كمان أتوبيس و لا انتي اي رايك ؟
فريدة : ٥٠ عدد كويس عشان اعرف اتحكم فيهم زي كل رحله انا مش عارفه اعمل اي.
هدى (ساجدة) : هاجر هتطلع معاكي اهي خليها تشرف معاكي .
فريدة : لا انتي عارفه مقدرش اعمل حاجه زي دي و خصوصا أنا معرفش هي فعلا هتكون قدها و لا لا.
هدى (ساجدة) : خلاص ، اطلع معاكي طيب ؟
فريدة : و فاتن هتقعد لواحدها لا برضو مش هينفع .
هدى (ساجدة) : تيجي معانا .
فريدة : مش عارفه نشوف الموضوع دا بكرا، يلا نامي عشان متتاخريش علي محاضراتك .
هدى (ساجدة) : اوك يلا تصبحي على خير .
فريدة : و انتي من أهل الخير يروحي ، يلا انا كمان هقوم انام اهو .
هدى (ساجدة) : اوك
و تقوم فريدة من المكتب و تنام علي سريرها
الفصل السابع
صباح يوم جديد، الروتين اليومي لـفريدة.
فريدة هتصحي و تخلص اللي وراها و بعدين تقعد علي اللاب توب ، هدى (ساجدة) هتقوم من النوم .
هدى (ساجدة) : هو الجميل بتاعنا بيعمل اي كدا على الصبح .
فريدة :زي ما انتي شايفه كدا بشوف الناس اللي هتشترك في الرحلة عشان اكتب اسمها و أنهى بقي الموضوع دا .
هدى (ساجدة) : اممم ، طب صباح الخير .
فريدة : بعد اي بق، صباح النور يستي .
هدى (ساجدة) هتمسك الموبايل هتلاقي الساعه ٦
هدى (ساجدة) بدهشة : اي دا دي الساعه ٦ .
فريدة : عندك محاضره و لا اي ؟
هدى (ساجدة) : الساعة ٧ محدش صحاني ليه ؟
و تجري تحضر نفسها بسرعه .
فريدة : هبله دي و لا اي ؟
____________________
فريدة هتقوم من علي اللاب توب و تقوم عشان تمشي
فريدة : انا كدا خلصت الحمدلله ، اقوم بقي على جامعتي ، هدى (ساجدة) افطري قبل ما تنزلي اوك .
هدى (ساجدة) بتلبس بسرعة
هدى (ساجدة) باستعجال : دا وقته فطار يـفريدة .
فريدة : انا قولتلك اهو انتي حره .
هدى (ساجدة) بضيق : حاضر خلاص بقي .
فريدة : انا ماشيه يلا سلام .
___________________
فريدة هتنزل و هدى (ساجدة) لسه بتجهز نفسها و مستعجله، فاتن و هاجر لسه نايمين و هيصحوا على صوت هدى (ساجدة) .
هيقوموا و هما مخضوضين يشوفوا فيه اي .
فاتن : اي دا في اي ؟
هاجر : مش عارفه في اي.
فاتن : قومي بسرعه كدا نشوف فيه اي ؟
و يقوموا يلاقوا هدى (ساجدة) واقعه و ماسكه رجليها و قاعدة على الأرض ، فاتن هتقعد جمبها علي الارض
فاتن : فيه اي ي بنتي خضتيني ؟
هدى (ساجدة) : مفيش كنت واقفه على الكرسي بجيب الحزام وقعت ، ااه يرجلي اااه .
يسندوها و تقوم و تكمل تجهيز لبسها رغم أن رجلها بتوجعها جامد و فاتن و هاجر يبصوا لبعض يستغربوا .
فاتن : انتي هبله ي بنتي لازم نروح للدكتور نشوف رجلك يمكن اتكسرت و لا حاجه .
هدى (ساجدة) : يبنتي اوعي كدا انا كويسه اهو ، اااه .
هاجر : يبنتي اقعدي مش مهم انهارده و نروح للدكتور عشان نطمن عليكي .
هدى (ساجدة) : لا ،كله الا اني مروحش الجامعه هو انا ناقصه، لما ارجع اعملوا اللي انتو عايزينه، يلا سلام .
هدى (ساجدة) هتمشي و هي بتعرج علي رجليها .
فاتن باستغراب : هبله دي و لا اي .
هاجر : باين كدا المهم يلا نقوم احنا نلبس عشان منتاخرش .
فاتن : يلا ي بنتي و ارن على فريدة اشوف حل مع البنت دي .
____________________
هدى (ساجدة) نزلت الجامعه و مش قادره تمشي هتركب تاكسي لأنها اتاخرت ، فاتن و هاجر هيلبسوا و ينزلوا جامعتهم .
على سلم العماره، فاتن هترن على فريدة لكن فريدة مش هترد لأنها في محاضرة .
فاتن بضيق : ردي بقي ي بنتي فيه اي كدا ؟
هاجر : اكيد في محاضره و مش هتعرف ترد .
فاتن : ممكن برضو ، بس برضو دي بترد علينا ديما حتى في محاضرتها.
هاجر : امم ، طب خلاص مش مشكله ممكن مشغوله في حاجه .
فاتن : ممكن ، يلا نمشي عشان منتاخرش.
___________________
و يمشوا كل واحده تروح جامعتها و مازلت فاتن بترن علي فريدة لكن فريدة كانت بتقفل على طول و مش بترد . فريدة تنهي محاضرتها و بعدين تطلع برا و تكلم فاتن .
فريدة : اي ي بنتي فيه اي كل دا .
فاتن : مش بتردي ليه كل دا قلقتيني .
فريدة : كان عندي محاضره دكتور ياسر و طبعا مينفعش ارد عليكي .
____________________
فاتن هتسكت شويه و مش هترد علي فريدة، لأن في الوقت دا فيه شخص من بعيد هيجي لـ فاتن
فاتن باستعجال : طب بقولك اي اقفلي دلوقتي هبقي اكلمك بعدين يلا سلام .
فريدة : انتي هبله ي بنتي انتي كـنـ.... الوو
فاتن هتقفل المكالمه و فريدة هترن عليها مش هترد
تيجي بنت من ورا فريدة
نادين : اي يعم مشغول في أي كدا ؟
فريدة : فاتن كانت بتكلمني و راحت قافله فجأه من غير ما تقولي كانت عايزه اي .
نادين : خير ان شاء الله متقلقيش ، المهم طمنيني انتي عامله اي .
فريدة : و الله انا الحمدلله انتي اللي عامله اي طمنيني عليكي .
نادين : بخير بيكي و الله .
فريدة : حبيبتي و الله تسلميلي من كل شر يارب .
نادين : حبيبتي ، ها عملتي اي في الرحلة .
فريدة : بصي هو انا كتبت أسماء المشتركين انهارده كلهم بس العدد أكبر من اللازم بس الحمدلله الموضوع اتحل .
نادين : ربنا معاكي حقيقي العدد كبير المره دي و اول مره يكون كبير بالشكل دا .
فريدة : عندك حق ، كان نفسي تطلعي معايا و الله بتشجعيني و بتقويني ديما في أي رحلة بطلعها بس لولا ظروفك كان زماني مطلعاكي مكاني انا شخصيا و الله.
نادين : الحمدلله على كل شيء ، تتعوض بإذن الله بس تكون رحله جامده بقي و نقضي فيها وقت طويل هاا .
فريدة : عيوني ليكي يحبيبتي حاضر ، طمنيني عمي كويس ؟
نادين : لسه زي ما هو و الله يـفريدةا بس هنعمل اي الحمدلله .
فريدة : خير ان شاء الله يحبيبتي متقلقيش ربنا كبير و باذن الله هيرجع احسن من الاول .
نادين : أن شاء الله .
فريدة : ما تيجي اعزمك على اي حاجه قبل ما المحاضرة تبدأ .
نادين : تصدقي جوعتيني يلا .
تضحك فريدة : ماشي يستي يلا.
و يروحوا الكافيه و يطلبوا اكل
____________________
فاتن واقفه زي ما هي و مراقبه الشخص اللي جايلها من بعيد .
فاتن : اي دا نادر .
نادر : اه يستي ، عامله اي .
فاتن : الحمدلله ، و انت .
نادر : تمام .
فاتن : اي اللي جايبك هنا ؟
نادر : انتي.
فاتن : نعم .
نادر : من السنه اللي فاتت و انا بحاول اقربلك و انتي برضو مصممه تبعديني كل مره .
فاتن بزعيق : يعم افهم بقي بقولك مش عيزاك ، مش عيزاك .
نادر : طب جربي مش هتخسري .
فاتن : انت غبي يبني ، عن إذنك.
و تمشي فاتن تروح عند صحابها و تسيبه لواحده
____________________
نادر : ٢٤ سنه، مكملش تعليم و بقى مدمن ، شغال مع والد صاحبه " أمجد " في شركته و لكن أساس شغله انه بيتاجر في المخدرات ، و سرقة أعضاء ، والدته متوفيه ، و والده عايش لكن متبري منه لانه كان بيعامله معامله وحشه جدا فـ ابوه طرده من البيت ، و عايش في شقه لواحده .
مواصفاته : طويل ، رفيع ، عيونه لونها ازرق ، شعره بني و ناعم ، ليه دقن .
_________________________
فاتن راحت تقف مع صحابها في الجامعه .
فاتن : هاي يبنات عاملين اي.
ناديه : احنا كويسين يستي و الله ، انتي عامله اي .
فاتن : انا كويسه الحمدلله .
ولاء : الولد دا كان عايز منك اي تاني .
فاتن : عايز يكلمني و أوافق أن احنا نرتبط و الواحد قرف.
علا : عندك حق ، دي أشكال الواحد يقرف منها فعلا .
فاتن : ياريت على شكله ي بنتي ، هو شخصيته زباله اصلا ، و صحبتي نصحتني اني مكلموش نهائي .
نادية : اي السبب طيب ؟
فاتن : مش كويس و بتاع بنات و كدا يعني .
ناديه : اها عندها حق ي بنتي و الله فكك منه .
فاتن : طب انا هروح اجيب اكل ، اجيبلكوا معايا ؟
ناديه : ياريت الواحد هيموت من الجوع .
علا : استنى انا جايه معاكي .
ولاء : اتوصوا بينا بقي .
فاتن : حاضر .
فاتن و علا هيروحوا يطلبوا اكل
____________________
عند هدى (ساجدة) في الجامعه .
هدى (ساجدة) : اه ياني يرجلي.
رنا : مالها رجلك؟
هدى (ساجدة) : وقعت من على الكرسي قبل ما اجي و بتوجعني اوي .
رنا : ما انتي لازم تروحي للدكتور تشوفي مالها .
هدى (ساجدة) : و محاضراتي اعمل فيها اي طيب .
رنا : اممم ، مش مشكله هاخدلك إذن و نروح نشوف رجلك مالها .
هدى (ساجدة) : لا لا مش مشكله .
رنا : قومي معايا و بلاش عناد رجلك أهم من اي محاضره .
هدى (ساجدة) : طيب اوك ، يلا .
و يروحوا ياخدوا إذن و بعدين يروحوا المستشفى و يعملوا اشاعه.
____________________
في المستشفى
رنا : ها ي دكتور طمني .
الدكتور : للأسف فيه شرخ و كويس انك جبتيها لو كنتي استنيتي شويه كان ممكن تحصل مشكله .
رنا : الحمدلله .
الدكتور : ممنوع تمشي عليها أو تعملي اي مجهود .
هدى (ساجدة) : لمدة قد اي ؟
الدكتور : شهر بالكتير يعني لكن ميقلش عن شهر و بعدين ليكي متابعه بعد شهر اشوف هل العلاج جاب نتيجه و لا لا .
رنا : اوك ي دكتور ، شكرا جدا ، يلا قومي .
هدى (ساجدة) : حاضر.
رنا : عن إذن حضرتك ي دكتور.
الدكتور : اتفضلي .
___________________
يخرجوا من المستشفي و يقعدوا برا في الحديقه
هدى (ساجدة) : اي دا انتي مش هتجيبي شهاده مرضيه عشان الجامعه و لا اي؟
رنا : فكرتيني، خليكي قاعده هنا لحد ما اجيبها .
هدى (ساجدة) : طيب .
و تنتظر رنا لحد ما تعمل الشهاده المرضية و ترجع لها و يمشوا .
___________________
و هما في العربيه .
هدى (ساجدة) : فريدة متعرفش اي حاجه مفهوم و قوليها شرخ بسيط و هيروح .
رنا : هو انا هبله زيك يبت لا طبعا هقولها على كل حاجه .
و ترن رنا على فريدة .
هدى (ساجدة) هتشد منها الموبايل لكن رنا هتمنعها
هدى (ساجدة) : يبت اقفلي و بلاش هيافه بقى .
رنا : اوعي كدا ، الو ايوا يـفريدةا.
فريدة : ايوا يرونا عامله اي .
رنا : الحمدلله تمام ، شوفي يستي صحبتك هدى (ساجدة) وقعت على رجليها و هي مطنشه و روحنا للدكتور بالعافيه و طلع عندها شرخ و لازم على الأقل متتحركش لمدة شهر و بتقولي اني مقولش اي حاجه ليكي شوفتي بقي .
فريدة بقلق : طب هي فين ، و هي كويسه ، طمنيني .
رنا : متقلقيش انا هروحها و مش همشي غير لما انتي تيجي بإذن الله .
فريدة : اوك انا جايه في السكه يلا سلام .
رنا : سلام .
هدى (ساجدة) : عاجبك اللي انتي عملتيه دا .
رنا : ايوا عجبني .
هدى (ساجدة) : اما نشوف اخرتها .
___________________
و يوصلوا البيت و بعدين ترتاح على السرير و رنا تدي لها العلاج و تقعد تستنى فريدة.
تيجي فريدة من جامعتها و تجري على هدى (ساجدة) .
فريدة بخوف : انتي كويسه ، اي اللي حصلك ؟
و تحضنها و تبوسها .
هدى (ساجدة) : متقلقيش يحبيبتي انا كويسه طول ما انتي كويسه .
فريدة : يعمري .
و تحضنها .
رنا : استأذن انا بقى يـفريدةا، دا العلاج بتاعها اهو و المواعيد موجوده اهي و الشهادة المرضية بتاعتها عشان تروحي تقدميها للجامعة بكرا بإذن الله لاني مش هعرف أقدمها انا طبعا انتي عارفه قوانين الجامعة .
